- 2019-04-02 05:13:07
- ព័ត៌មាន
សប្បាយបណ្ដោយ តារាចម្រៀងវ័យក្មេង លើកគ្នាទៅច្រៀងរាំ នៅសង្ក្រាន្តវិទ្យាល័យពងទឹក
- 2019-04-02 05:13:07
- ចំនួនមតិ 0 | ចំនួនចែករំលែក 0
សប្បាយបណ្ដោយ តារាចម្រៀងវ័យក្មេង លើកគ្នាទៅច្រៀងរាំ នៅសង្ក្រាន្តវិទ្យាល័យពងទឹក
ចន្លោះមិនឃើញ
តារាចម្រៀងប្រុសស្រីវ័យក្មេងជាច្រើននាក់ នឹងបង្ហាញវត្តមានក្នុងព្រឹត្តិការណ៍សង្ក្រាន្តវិទ្យាល័យពងទឹក នាខណ្ឌដង្កោរាជធានីភ្នំពេញនាចុងសប្ដាហ៍នេះ។ នេះបើតាមលោកគ្រូម្នាក់នៃវិទ្យាល័យខាងលើ។
ក្រៅពីការជួបជុំជាមួយអ្នកគាំទ្រ តារាចម្រៀងទាំងនោះបានចូលរួមស្ម័គ្រចិត្ត ដោយលះបង់ទាំងពេលវេលា និងថវិកាជួយឧបត្ថម្ភដល់សិស្សមួយចំនួនដែលមកពីគ្រួសារខ្វះខាតផងដែរ។ ពួកគេទាំងនោះមានដូចជា តារាចម្រៀង Original Song ស្រស់សង្ហា លោក វុទ្ធា តារាចម្រៀងប្រចាំផលិតកម្មសាន់ដេ លោក ជ័យ សុវ៉ាត តារាចម្រៀងស្រស់សោភាកញ្ញា ចែម ស្រីល័ក្ខណ៍ ក្រុមតារាចម្រៀងវ័យក្មេង Plugger Band ក្រុមរាំស្រីស្រស់សោភា OMG Girl Dance Crew និងក្រុម NT- Crew ជាដើម។
គ្រូបង្រៀនដែលសុំមិនបញ្ចេញអត្តសញ្ញាណ បញ្ជាក់ថា កម្មវិធីសង្ក្រាន្តនៅតាមតំបន់ និងវិទ្យាល័យនានាជាច្រើនមិនត្រឹមតែជាព្រឹត្តិការណ៍ជួបជុំ បង្កើតបរិយាកាសសប្បាយប៉ុណ្ណោះទេ ប៉ុន្តែវាបានឆ្លុះបញ្ចាំងពីការចូលរួមថែរក្សាសិល្បៈវប្បធម៌ខ្មែរផងដែរ។
សិល្បករដែលនឹងបង្ហាញវត្តមានក្នុងព្រឹត្តិការណ៍នេះ ពួកគេនឹងមកចូលរួមជួបជាមួយអ្នកគាំទ្រនៅក្នុងកម្មវិធីប្រគំតន្ត្រី នាវិទ្យាល័យពងទឹក នាល្ងាចថ្ងៃទី ០៦ ខែមេសា ខាងមុខនេះ ដែលក្រៅតែពីការបង្ហាញក្បាច់រាំ ការបង្ហើរសំនៀង ពួកគេក៏នឹងចូលរួមផ្ដល់កម្លាំងកាយចិត្ត និងចំណាយធនធានដែលបានពីការច្រៀងរាំលើកនេះ ជួយដល់សិស្សដែលប្រឈមនឹងការខ្វះខាត បន្ថែមពីលើនូវការជួយរបស់វិទ្យាល័យផងដែរ។
ព្រឹត្តិការណ៍សង្ក្រាន្តវិទ្យាល័យពងទឹក ស្ថិតក្នុងចំណោមសង្ក្រាន្តវិទ្យាល័យជាច្រើននៅរាជធានីភ្នំពេញ។ សង្ក្រាន្តវិទ្យាល័យស្ថិតក្នុងខណ្ឌដង្កោមួយនេះ នឹងជាឱកាសជួបជុំសិស្សដែលកំពុងសិក្សា និងអតីតសិស្សវិទ្យាល័យមួយនេះរួមទាំងមហាជនដែលអាចចូលរួមរៀបចំពិធីជាច្រើនដូចជាពិធីសូត្រមន្ត រាប់បាត្រ ការលេងល្បែងប្រជាប្រិយខ្មែរ ការរាំលេងកម្សាន្ត ថតរូបអនុស្សាវរីយ៍ ការទស្សនាទស្សនីយភាពសិល្បៈចម្រុះជាច្រើន។
ទាំងនេះ លោកគ្រូអះអាងថា នឹងជាសកម្មភាពគំរូ ដែលអាចបណ្ដុះស្មារតីជួយថែរក្សា អភិវឌ្ឍន៍ និងផ្សព្វផ្សាយសិល្បៈវប្បធម៌ខ្មែរកាន់តែទូលំទូលាយថែមទៀត៕
