ឡូយបាត់ហើយ បុណ្យភូមិឆ្នាំនេះ តាមដំណឹង Miss Global 2017 ជនជាតិប្រេស៊ីល ក៏ទៅចូលរួមដែរ!

2019-04-05 01:28:56
ព័ត៌មាន

2019-04-05 01:28:56
ចំនួនមតិ 0 | ចំនួនចែករំលែក 0

ចន្លោះមិនឃើញ

បុណ្យភូមិឆ្នាំ២០១៩ នឹងចាប់ផ្ដើមធ្វើនៅថ្ងៃទី ៥ មេសា នេះហើយ នៅវត្តព្រះធាតុ ស្ថិតក្នុងសង្កាត់រលួស ខណ្ឌដង្កោ រាជធានីភ្នំពេញ តាមបណ្ដោយផ្លូវជាតិលេខ២ ស្របពេលដែលលេចដំណឹងថា ជយលាភី Miss Global 2017 កញ្ញា Barbara Vitorelli ជនជាតិប្រេស៊ីល ក៏នឹងទៅចូលរួមដែរ។

កញ្ញា មានសូនីតា ម្ចាស់គម្រោង "ស្រឡាញ់" បានបញ្ជាក់ពីរឿងនេះ តាមរយៈវីដេអូខ្លីមួយ។ នាងបានលើកឡើងថា បុណ្យភូមិឆ្នាំ ២០១៩ នេះនាងនឹងទៅចូលរួមព្រមទាំងដាក់តាំងបង្ហាញផលិតផលច្នៃពីក្រមារបស់នាងផង ក្នុងរយៈពេល ៣ថ្ងៃពេញតែម្ដង។ កាន់តែពិសេស នាងនឹងនាំមិត្តជនជាតិបរទេសរបស់នាង កញ្ញា Barbara Vitorelli ជាជយលាភី Miss Global 2017 ទៅចូលរួមលេងសប្បាយជាមួយបងប្អូនប្រជាពលរដ្ឋក្នុងឱកាសពិសេសនេះដែរ។

“ឃើញទេ អ្នកណាគេនែក គឺ...ចង់ប្រាប់បងប្អូនថា នៅថ្ងៃបុណ្យភូមិថ្ងៃទី ៥-៦-៧ ខ្ញុំនឹងមានភ្ញៀវពិសេស...គឺ Miss Barbara Miss Globle 2017 គាត់នឹងទៅជួយលក់ក្រមាខ្ញុំ"។ សូនីតា ថ្លែង។ ងាកមកសាមីខ្លួនមិត្តនារីបរទេសវិញ បានថ្លែងថា នាងពិតជារីករាយខ្លាំងណាស់ ដែលបានចូលរួមប្រព្រឹត្តិការណ៍មួយនេះ។ "ខ្ញុំសង្ឃឹមថា នឹងបានជួបអ្នកទាំងអស់គ្នានៅទីនោះ ហើយនឹងចូលរួមលេងសប្បាយជាមួយគ្នា!”។ Barbara ថ្លែង។

"បុណ្យភូមិ" បានបន្តដំណើររបស់ខ្លួនមកដល់ឆ្នាំទី ៦ ហើយ ក្រោយពីបានចាប់ផ្ដើមដំបូងនៅឆ្នាំ ២០១៣។ នៅឆ្នាំនេះ ត្រូវបានគេដឹងថា នឹងមានការរៀបចំប្លែកពីបណ្ដាឆ្នាំមុនៗ។ នេះបើតាមលោក ថៃ ឈៀងម៉េង អ្នកគ្រប់គ្រងកម្មវិធីបុណ្យភូមិ ២០១៩នេះ។ លោកបាន សង្កត់ធ្ងន់ថា ឆ្នាំនេះក្រុមការងារបាន ត្រៀមកម្មវិធីប្លែកជាច្រើនទាំងការតុបតែង ទម្រង់សិល្បៈបុរាណ និងសម័យ ជាដើម។ ក្រៅពីល្បែង របាំរបស់ខ្មែរជាច្រើនក៏ត្រូវបានដាក់បញ្ចូលដែរ រួមមានទម្រង់សិល្បៈ ល្ខោនខោល ល្ខោនស្រមោលស្បៃធំ របាំបុរាណ ចំប៉ីដងវែង និង ល្បែងទាញព្រ័ត្រជាដើម។

ដោយសារតែបែបនេះ អ្នកគ្រប់គ្រងកម្មវិធីខាងលើ បានដាក់ការរំពឹងទុកថា បុណ្យភូមិឆ្នាំនេះ នឹងមានអ្នកចូលរួមប្រមាណ ២០ម៉ឺននាក់ កើនឡើងជាងឆ្នាំមុនដែលមានចំនួនអ្នកទៅចូលរួមត្រឹមតែ ១៤ម៉ឺននាក់ប៉ុណ្ណោះ។

សូមប្រាប់មួយ! សម្រាប់មធ្យោបាយធ្វើដំណើរ កាន់តែងាយស្រួល ប្រិយមិត្តអាចងាកមកជិះរថយន្តក្រុង ដែលមានម៉ាស៊ីនត្រជាក់ ត្រជាក់ស្រួល រងចាំដឹកជញ្ជូន ១ថ្ងៃ ១២ជើង ដោយចំណាយត្រឹមតែ៥ពាន់រៀលប៉ុណ្ណោះក្នុង១ដង។ រថយន្តនឹងចេញដំណើរពីម៉ោង ៧រហូតដល់យប់ ហើយស្ថានីយចំណតមានតែមួយគត់ គឺនៅពហុកីឡដ្ឋានជាតិអូឡាំពិក៕

អត្ថបទ៖ ទារិកា