ស្រីស្អាត ទន់ភ្លន់ ណាក់ ស្រីណា បង្ហាញមុខមាត់មនុស្សសំខាន់ទេដឹង!

2019-05-25 02:54:04
ព័ត៌មាន

2019-05-25 02:54:04
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រីមានសម្រស់ស្រស់ស្អាត សុភាព ទន់ភ្លន់ ណាក់ ស្រីណា ដែលមិនសូវមានព័ត៌មានទាក់ទងនឹងរឿងស្នេហា ថ្មីៗបានត្រូវបានគេឃើញលេចចេញរូបភាពស្និទ្ធស្នាលជាមួយបុរសម្នាក់ ដែលនាំឲ្យមានការចោទសួរថា តើបុរសនោះជាមនុស្សពិសេសរបស់នាង ឬយ៉ាងណា?

តម្រុយនេះ បានលេចចេញតាមរយៈរថយន្តមួយសន្លឹក បង្ហោះដោយ សុគន្ធ និសា។ ស្រីណា ដែលគេដឹងរាប់អានគ្នាជាមួយ និសា ស្និទ្ធស្នាលដូចបងប្អូននោះ ក៏មានវត្តមានក្នុងរូបនោះជាមួយគូស្វាមីភរិយាតារាចម្រៀងហង្សមាសដែរ។ ចំណុចគួរកត់ថែមទៀតក្នុងរូបនោះ ស្រីណា បានឈរជិតជាមួយបុរសវ័យកណ្ដាលម្នាក់ ក្នុងសភាពស្និទ្ធស្នាល ទើបធ្វើឲ្យមានការសង្ស័យ ផ្សំនឹងតារាស្រី មិនធ្លាប់មានដំណឹងស្នេហ៍ពីមុនមកផង។

យ៉ាងនេះក្ដី ជុំវិញបញ្ហានេះ ពិធីការិនីទូរទស្សន៍អាស៊ីអាគ្នេយ៍ បានបកស្រាយថា អ្វីៗមិនដូចការគិតរបស់បងប្អូនោះទេ។ នារីស្រគត់ស្រគំ បញ្ជាក់ថា បុរសក្នុងរូបដែលឈរជិតនាងនោះ មិនមានទំនាក់ទំនងអ្វីពិសេសជាមួយនាងទេ។ "អត់ទេបង គាត់ជាមិត្តភ័ក្ដិប្ដីបងស្រី(សុគន្ធ និសា)ខ្ញុំតើបង" ស្រីណា ថ្លែង។

មកទល់នឹងពេលនេះ ណាក់ ស្រីណា មានវ័យ ២៨ឆ្នាំហើយ ហើយក៏ជាវ័យមួយដែលនាងគិតថា គួរតែដល់ពេលគិតគូរលើរឿងជីវិតគូ ព្រោះមិនចង់ឲ្យពេលវេលាអូសបន្លាយទៀត។ យ៉ាងណាក៏ដោយ ជាមួយនឹងការបញ្ជាក់ជុំវិញរូបភាពខាងលើ ស្រីណា បានបង្ហើបថា មកទល់នឹងពេលនេះ កញ្ញា មិនមានរកឃើញអ្នកពិសេសណាម្នាក់ ទុកបណ្ដើរទៅណាមកណានោះទេ ក្រៅពីមនុស្សរាប់អានគ្នាក្នុងសង្គមសិល្បៈ។

និយាយបែបនេះ មិនមានន័យថា កញ្ញា មិនមានអ្នកស្រឡាញ់នោះទេ តែការពិត គឺមានច្រើន ក្នុងនោះមានទាំងអ្នកនៅក្នុងស្រុក និងក្រៅស្រុក មានទាំងវ័យកណ្ដាល មានទាំងវ័យចំណាស់។ ដូច្នេះហើយ សព្វថ្ងៃនាងកំពុងពិចារណាពីការជ្រើសរើសដៃគូជីវិតនេះហើយ។ ប៉ុន្តែថា នាងមិនមែនពិចារណាលើបុរសណាម្នាក់ក្នុងចំណោមនោះទេ គឺនាងពិចារណាពីខ្លួនឯង ថាតើគួរបើកចិត្តទទួលយកការមានសម្ព័ន្ធភាពស្នេហា ឬនៅ។