- 2019-07-03 09:56:26
- ព័ត៌មាន
ពែកមី ឃើញស្ថានភាពយាយដើរបេះត្រកួនលក់ម្នាក់ ពិបាកចិត្តដល់ថ្នាក់ដេកមិនលក់
- 2019-07-03 09:56:26
- ចំនួនមតិ 0 | ចំនួនចែករំលែក 0
ពែកមី ឃើញស្ថានភាពយាយដើរបេះត្រកួនលក់ម្នាក់ ពិបាកចិត្តដល់ថ្នាក់ដេកមិនលក់
ចន្លោះមិនឃើញ
បន្ទាប់ពីឃើញវីដេអូ លើបណ្ដាញសង្គម របស់លោកយាយម្នាក់ដើរបេះត្រកួន ដើម្បីរកប្រាក់មកចិញ្ចឹមជីវិត យ៉ាងលំបាកវេទនា តារាកំប្លែងនាយ ពែកមី បានឲ្យដឹងថា លោកចាប់ផ្ដើមមានអារម្មណ៍ក្ដុកក្ដួល ពិបាកចិត្តរហូតដល់ដេកមិនលក់។
បែបនេះ តារាកំប្លែងវិវត្តខ្លួនមកពីកម្មករសំណង់បញ្ជាក់ថា លោកក៏បានកៀរគរមិត្តភ័ក្ដិរបស់ខ្លួន យកទៅជួយលោកយាយ ហើយទីបំផុតក៏រកជំនួយមួយចំនួន ដែលប្រាក់សរុបបានមកនោះមានរហូតដល់ទៅ៤លានរៀល ខណៈដែលលោកយាយដើរបេះត្រកួនលក់បាន១ថ្ងៃត្រឹមតែ៥ពាន់រៀលប៉ុណ្ណោះ។
លោកយាយដែលមានសំណាងត្រូវបាននាយ ពែកមី ជួយនេះ មានឈ្មោះ សុន វ័យប្រហែល៧០ឆ្នាំជាង រស់នៅ ភូមិ ស្រែរំដួល ឃុំ អណ្ដូងកណ្ដាល ស្រុក ស្ទឹងត្រង់ ខេត្ត កំពង់ចាម។ ពែកមីបាន ប្រាប់ថា ក្រោយពីឃើញពីជីវភាពលោកយាយខាងលើ ធ្វើឲ្យលោកដេកមិនលក់សោះ មានចិត្តចង់ជួយលោកយាយម្នាក់នេះជាខ្លាំង បន្ទាប់មកលោកក៏បានកៀរគរសប្បុរសជនដែលជាមិត្តភ័ក្ដិ និងជាដៃគូរកស៊ីជាមួយគ្នាក៏បានប្រាក់ចំនួន៤លានរៀល ក្នុងនោះ៖
១.ក្រុមហ៊ុនត្រាសមី វីឡាកំពង់ចាម ១លានរៀល ២.ពែកមី ៤០ម៉ឺនរៀល ៣.លោក ហេង ឡុង ៤០ម៉ឺនរៀល ៤.ឧកញ៉ា ឡេង ណាវ៉ាត្រា ៤០ម៉ឺនរៀល ៥.លោក ហួត ជា ៤០ម៉ឺនរៀល ៦. អ្នកនាង ខ្ញុង ៤០ម៉ឺនរៀល ៧.កញ្ញា កែវ វត្តី ៤០ម៉ឺនរៀល ៨.ក្រុមហ៊ុនអេតសឹលូសិនរៀលអ៊ីស្ទេត ២០ម៉ឺនរៀល ៩.ក្រុមជាងមាស បងប្អូនវិបុល ២០ម៉ឺនរៀល ១០.សប្បុរសជនផ្សេងៗ ២០ម៉ឺនរៀល។ សរុបថវិកាទាំងអស់ជូនលោកយាយ៤ លានរៀល។
លោកថ្លែងថា ថវិកាខាងលើ និងជួយសម្រួលដល់ជីវភាពលោកយាយ យ៉ាងតិចក៏បាន២ឆ្នាំផងដែរ ខណៈដែល លោកយាយដើរបេះត្រកួនលក់បានត្រឹមតែ៥ពាន់រៀលប៉ុណ្ណោះក្នុង១ថ្ងៃ។ នេះមិនមែនជាលើកទី១ឡើយ របស់នាយពែកមី ដែលរួមចំណែកលើការងារសប្បុរសធម៌នេះ ជារឿយៗតារាកំប្លែងមានកំណើតពីខេត្ត ស្វាយរៀងរូបនេះតែងតែ ដើរធ្វើបុណ្យធ្វើទាន ជាញឹកញាប់។
ប៉ុន្មានថ្ងៃមុននេះ លោកក៏បានចុះទៅចែកអំណោយដល់ពលរដ្ឋរកគ្រោះដោយខ្យល់កន្ត្រាក់ ជាច្រើនគ្រួសារ នៅស្រុកពោធិ៍រៀង ខេត្ត ព្រៃវែង ជាមួយ ព្រះអង្គគូ សុភាព ផងដែរ៕
