- 2019-08-13 03:09:47
- ព័ត៌មាន
លាតត្រដាងចំណុចសង្ស័យតួស្រី និងតួប្រុស អាក្រាតកាយ ក្នុងឈុតមួយនៃរឿង "កូនពស់កេងកង"
- 2019-08-13 03:09:47
- ចំនួនមតិ 0 | ចំនួនចែករំលែក 0
លាតត្រដាងចំណុចសង្ស័យតួស្រី និងតួប្រុស អាក្រាតកាយ ក្នុងឈុតមួយនៃរឿង "កូនពស់កេងកង"
ចន្លោះមិនឃើញ
មានការសង្ស័យជាច្រើន លើតួឯកប្រុសស្រី អេតវីន និង ឌុច លីដា ក្នុងខ្សែភាពយន្តភាគទូរទស្សន៍ "កូនពស់កេង" បន្ទាប់ពីឈុតមួយនៃរឿង បានលេចលើបណ្ដាញសង្គម ដែលគេសង្ស័យថា ពួកគេទាំងពីរស្ថិតក្នុងភាពអាក្រាតកាយអំឡុងពេលមុជទឹកអូរ។ ឥឡូវនេះ មានការស្រាយបញ្ជាក់ហើយ។
នៅក្នុងឈុតដែលលេចឡើង គឺជាឈុត តួស្រី ឌុច លីដា ទៅមុខទឹកអូរ ហើយតួប្រុស អេតវីន បានទៅលួចមើលហើយមិនប្រយ័ត្ន ក៏រអិលជើងធ្លាក់ទឹកហើយត្រូវទឹកហូរនាំយកសំពត់ក្បិនចេញពីខ្លួន។ គ្រានោះ ទាំងតួប្រុស និងតួស្រី ត្រូវបានគេកត់សម្គាល់ថា ហាក់គ្មានសំលៀកបំពាក់លើរាងកាយឡើយ។ ចំណុចនេះ លោក ហ្វៃ សំអាង ដែលជាអ្នកសហនិពន្ធជាមួយ ប៉ុល ពិសី បានបញ្ជាក់ថា មានការពិតខ្លះ និងមិនពិតខ្លះក្នុងចំណុចនេះ។
លោកថា ត្បិតប្រិយមិត្តមើលឃើញដូចជាពួកគេទាំងពីរមិនមានសំលៀកបំពាក់ ប៉ុន្តែផ្នែកខ្លះត្រូវគ្រប់គ្រងដោយបច្ចេកទេសនោះទេ។ "បាទ...ឥឡូវនិយាយទៅនិយាយពីតួស្រីមុន តួស្រីនៅក្នុងរឿងគឺត្រូវតែស្រាតហើយ ព្រោះគាត់ជាមនុស្សរស់នៅព្រៃភ្នំ គាត់ធំដឹងក្ដីនៅក្នុងព្រៃ អីចឹងពេលគាត់មុជទឹក គឺគាត់មុជស្រាតអីចឹងហើយ ប៉ុន្តែការពិត គឺអត់អីចឹងនោះទេ។ នៅផ្នែកខ្នង អត់មានអ្វីបិទបាំងមែន ប៉ុន្តែនៅផ្នែកខាងមុខ គឺយើងបិទបាំង ព្រោះនាងជាស្រី"។
ដោយឡែក ល្វែងក្រោមរបស់តួស្រី ចាប់ពីត្រគាកចុះមក ដែលគេមើលឃើញថា ដូចជាចំហដែរនោះ អ្នកនិពន្ធ និងដឹកនាំរឿងរូបនេះ បញ្ជាក់ថា គឺជាបច្ចេកទេសនោះទេ។ វិលមករឿងពាក់ព័ន្ធនឹងតួប្រុសវិញ ដែលគេឃើញដូចអាក្រាតកាយ ក្រោយទឹកហូរយកសំពត់ក្បិនដែលគេស្លៀកទៅបាត់នោះ លោក ហ្វៃ សំអាង ពន្យល់បន្តថា ក៏មិនសូវខុសពីតួស្រីដែរ គឺមានពិតខ្លះ និងមិនពិតខ្លះ។
លោកលើកឡើងថា "ពេលនៅក្នុងទឹក គឺ អេតវីន ស្រាតមែន ប៉ុន្តែពេលរូបគេក្រោកពីទឹកដើរសំដៅទៅរកតួស្រីនោះ គឺខាងក្រោយអត់មានអីមែន ប៉ុន្តែនៅផ្នែកខាងមុខ ក៏យើងមានរបស់បិទបាំងដូចគ្នា!"។
ទិដ្ឋភាពបែបនោះ អ្នកនិពន្ធអះអាងថា ឲ្យត្រូវទៅនឹងធម្មជាតិដែលនៅជុំវិញខ្លួន ដោយលោកបានរៀបចំឆាកឲ្យមានជីវចម្រុះដ៏សម្បូរបែប ស្របពេលតួស្រី គឺជាមនុស្សព្រៃភ្នំមិនយល់ពីទម្លាប់របស់មនុស្សនៅសង្គមខាងក្រៅឡើយ គឺមាននិស្ស័យធ្វើអ្វីទៅតាមទម្លាប់ ពោលគឺតែងតែមុជទឹកស្រាតនោះឯង។ ប៉ុន្តែនៅក្នុងការពិតនៃការថត គឺអ្វីៗ មិន១០០%នោះឡើយ។
រឿង "កូនពស់កេងកង" សហនិពន្ធដោយលោក ហ្វៃ សំអាង និងអ្នកស្រី ប៉ុល ពិសី។ បច្ចុប្បន្នបាន និងកំពុងចាក់បញ្ចាំងនៅលើកញ្ចក់ទូរទស្សន៍ហង្សមាស។ ក្រោយពីចាក់បញ្ចាំងតាំងពីចុងឆ្នាំ ២០១៨ រឿងនេះ ត្រូវបានក្រុមហ៊ុនធំៗជាច្រើននៅប្រទេសថៃ និងវៀតណាម បានបង្ហាញចេតនាចង់សុំទិញសិទ្ធិទៅបញ្ចាំងនៅក្នុងប្រទេសគេ។ យ៉ាងណា តាមលោក ហ្វៃ សំអាង ភាគីខាងហង្សមាស ដែលជាម្ចាស់ផលិតនៃរឿង មិនទាន់អើពើនៅឡើយដោយសារតែ សាច់រឿង បាន និងកំពុងចាក់បញ្ចាំងនៅលើកញ្ចក់ទូរទស្សន៍របស់ខ្លួននៅឡើយ៕
