អាយុ​គ្រាន់​តែ​ជា​តួលេខ​សម្រាប់​តារា​សម្ដែង​ទាំង​នេះ​ បើ​ទោះ​បី​ខាង​ស្រី​មាន​វ័យ​ចាស់​ជាង​ក៏​ដោយ ប៉ុន្តែ​គូ​ស្នេហ៍​ទាំង​នេះ​នៅ​មាន​សុភមង្គល​នៅ​ក្នុង​គ្រួសារ​ជានិច្ច​។ ខាង​ក្រោម​នេះ​គឺ​ជា គូ​ស្នេហ៍​តារា​សម្ដែង​ដែល​បាន​ឈាន​ដល់​ការ​រៀប​ការ​ហើយ​អ្នក​ខ្លះ​ក៏​មាន​បុត្រ​ផង​ដែរ​៖

១. Rain និង Kim Tae-Hee

មាន​អាយុ​ខុស​គ្នា ២ ឆ្នាំ ដោយ​ខាង​ស្រីមាន​អាយុ ៣៩ ឆ្នាំ រីឯ Rain មាន​អាយុ​ទើប​តែ ៣៧ ឆ្នាំ ហើយ​អ្នក​ទាំង​ពីរ​បាន​ចូល​រោង​ការ​នៅ​ឆ្នាំ ២០១៧។

២. Baek Ji Young និងJung Suk-Won

មួយ​គូ​នេះ​មាន​អាយុ​ខុស​គ្នា​រហូត​ដល់​ ៩ ឆ្នាំ​ឯណោះ​ ហើយ​ពួកគេ​បាន​រៀប​ការ​តាំង​ឆ្នាំ ២០១៣។ សព្វ​ថ្ងៃ​នេះ​ពួកគេ​មាន​ស្រី​ឈ្មោះ Jung Ha-Im ដែល​មាន​អាយុ​ទើប​តែ ២ ឆ្នាំ​ប៉ុណ្ណោះ​។

៣. Taeyang និង Min Hyo-Rin

Taeyang សមាជិក​ក្រុម​ល្បី​របស់ K-POP ដែល​បាន​រៀប​ការ​ជាមួយ​តារា​សម្ដែង Min Hyo-Rin កាល​ពី​ឆ្នាំកន្លង​ទៅ។ ពួកគេ​មាន​អាយុ​ខុស​គ្នា​តែ​ ២ ឆ្នាំ​ប៉ុណ្ណោះ ដូច​ប្ដី​ប្រពន្ធ Rain និងKim Tae-Hee ដែរ​៕