ដំណឹងល្អ! ពាក្យសុំចូលរួមប្រឡង The Mask មិនគិតថ្លៃទេ មាននៅគ្រប់ហាងលក់ទូរសព្ទ OPPO

2019-09-04 06:32:07
ព័ត៌មាន

2019-09-04 06:32:07
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់បេក្ខជន បេក្ខនារី ដែលមានបំណងចង់បញ្ចេញសមត្ថភាពសម្លេង ក្នុងកម្មវិធី The Mask Singer Cambodia អាចមកទទួលយកពាក្យសុំចូលរួមប្រឡង ដោយឥតគិតថ្លៃ ចាប់ពីថ្ងៃនេះតទៅ នៅហាងលក់ទូរសព្ទដៃដែលមានស្លាកសញ្ញា OPPO ដែលនៅក្បែរផ្ទះរបស់អ្នកជាងគេ។

ក្រៅពីនេះ លោកអ្នកក៏អាចទទួលយកពាក្យសុំចូលរួមប្រឡងដោយឥតគិតថ្លៃនៅក្នុង Studio ហង្សមាស ផ្សារទំនើប អ៊ីអនម៉ល សែនសុខ ភ្នំពេញ ជាន់ទី៤ បានយ៉ាងងាយស្រួលផងដែរ។ The Mask Signer Cambodia គឺជាកម្មវិធីថ្មី ប្លែក ជាលើកដំបូងតែមួយគត់ ក្រោមការសហការគ្នារវាងក្រុមហ៊ុនធំចំនួនពីរ គឺ ហង្សមាស និងក្រុមហ៊ុនស្មាតហ្វូន OPPO ប្រចាំនៅព្រះរាជាណាចកក្រកម្ពុជា ដែលវាគឺជាកំពូលកម្មវិធីប្រឡងច្រៀងសម័យ Digital ប្លែកពីគេតម្រូវឲ្យបេក្ខជនទាំងអស់ច្រៀងដោយពាក់របាំងមុខ ទៅតាមស្ទីលរបស់ពួកគេ រៀងៗខ្លួន និងធ្វើការបង្ហាញសមត្ថភាពពិត ដោយការបញ្ចេញសម្លេងពិតរបស់ពួកគេនៅលើឆាកតន្រ្តីដ៏ធំសម្បើមខ្នាតអន្តរជាតិដ៏ទំនើប នៅមុខមហាជនរាប់លាននាក់។

មកដល់ពេលនេះ កម្មវិធីប្រឡងចម្រៀងបែប Digital “The Mask Singer Cambodia” ដែលបានឧបត្ថម្ភផ្តាច់មុខដោយក្រុមហ៊ុន OPPO បានចាប់ផ្តើមដំណើរការជម្រុះវគ្គដំបូងបន្តបន្ទាប់ផ្តើមចាប់ពី៖

- ខេត្តសៀមរាប នៅផ្សារហេរីថេក (The Heritage Walk ) កាលពីថ្ងៃទី០១ ខែកញ្ញា ឆ្នាំ ២០១៩ និងទើបតែបញ្ចប់ប្រកបដោយភាពជោគជ័យ និង ទទួលបានការគាំទ្រខ្លាំង

- នៅខេត្តតាកែវ នៅក្នុងសកលវិទ្យាល័យ បៀលប្រាយ កាលថ្ងៃទី ០៣ ខែកញ្ញា ឆ្នាំ ២០១៩ហើយទទួលបានការគាំទ្រខ្លាំងពីសំណាក់មហាជន និង អ្នកគាំទ្រស្មាតហ្វូន OPPO គ្រប់ស៊េរីតែម្តង។

- នៅទីរួមខេត្តកំពង់ចាម នឹងធ្វើឡើងនៅក្នុងសណ្ឋាគារ LBN Asian សម្រាប់វគ្គជម្រុះនៅ ថ្ងៃទី ០៤ ខែកញ្ញា ឆ្នាំ២០១៩ នេះ ដែលមានប្អូនៗយុវវ័យចូលរួមច្រើនកុះករ។

- សម្រាប់ ថ្ងៃទី០៥ ខែកញ្ញា ឆ្នាំ២០១៩ ស្អែកនេះនឹងមានកម្មវិធីប្រគុំតន្ត្រី The Mask Singer Tour Concert ដោយមានការផ្សាយផ្ទាល់នៅលើកញ្ចក់ទូរទស្សន៍រស្មីហង្សមាសចាប់ពីម៉ោង៨យប់តទៅដែលមានការចូលរួមពីកំពូលតារាចំរៀង អ្នកនាង ពេជ្រ សោភា, លោក Step, កញ្ញា រ៉េត ស៊ូហ្សាណា ដែលជា តារាតំណាងទូស័ព្ទដៃ OPPO ព្រមទាំងតារាចំរៀងល្បីៗជាច្រើននាក់ទៀត។

- សម្រាប់វគ្គជម្រុះនៅខេត្តបាត់ដំបង នឹងប្រព្រឹត្តទៅនៅសណ្ឋាគារ ស្ទឹងសង្កែ នៅ ថ្ងៃទី០៦ ខែកញ្ញា ឆ្នាំ ២០១៩ ដូច្នេះប្អូនៗសូមរួសរាន់ឡើង ទៅយកពាក្យប្រឡងដោយមិនគិតថ្លៃឡើយ។

- សម្រាប់វគ្គជម្រុះនៅរាជធានីភ្នំពេញ នឹងប្រពឹ្រត្តទៅនៅ ថ្ងៃទី ០៨ ខែកញ្ញា ឆ្នាំ ២០១៩ នៅផ្សារទំនើប អ៊ីអនម៉ល សែនសុខ ភ្នំពេញ ជាន់ទី៤។

អាស្រ័យហេតុនេះសម្រាប់អ្នកពុំទាន់បានមកទទួលពាក្យសុំចូលរួមប្រឡង The Mask Singer Cambodia ដោយឥតគិតថ្លៃ សូមប្រញាប់រួសរាន់អញ្ជើញមកកាន់ហាងលក់ទូរស័ព្ទដៃ OPPO ដែរនៅក្បែរលោកអ្នកជាងគេ រឺក៏ នៅក្រុមហ៊ុនហង្សមាសផ្ទាល់។ សូមកុំឲ្យឱកាសដ៏ល្អនេះកន្លងផុតទៅឲ្យសោះ ព្រោះ ជ័យលាភីដែលឈ្នះចុងក្រោយនឹងទទួលបានទឹកប្រាក់សុទ្ធដល់ទៅ 100,000,000រៀល (១រយលានរៀល) ប្រមាណជា ២៥ ០០០០ ដុល្លាអាមេរិក ថាមិនត្រូវអាចមានរង្វាន់ទូរសព្ទដៃទំនើបៗពី OPPO បន្ថែមទៀតក៏ថាបាន។