- 2019-09-27 07:00:00
- ព័ត៌មាន
ហេតុផល ៨យ៉ាង ដែល Rosé ធ្វើឲ្យអ្នកគ្រប់គ្នាស្រឡាញ់ដកចិត្តមិនរួច
- 2019-09-27 07:00:00
- ចំនួនមតិ 0 | ចំនួនចែករំលែក 0
ហេតុផល ៨យ៉ាង ដែល Rosé ធ្វើឲ្យអ្នកគ្រប់គ្នាស្រឡាញ់ដកចិត្តមិនរួច
ចន្លោះមិនឃើញ
វាពិតជាពិបាកប្រសិនជាឲ្យជ្រើសរើសស្រឡាញ់សមាជិកណាម្នាក់ខ្លាំងជាងគេនៅក្នុងក្រុមចម្រៀងស្រីរបស់កូរ៉េ Blackpink ពីព្រោះម្នាក់ៗសុទ្ធតែមានទេពកោសល្យ និងសមត្ថភាពរៀងៗខ្លួន។ ទាំង Jisoo Jannie Lisa និង Rosé សុទ្ធតែមានចំណុចពិសេស ប៉ុន្តែក្នុងចំណោមអ្នកទាំង ៤ យើងសូមលើកយក Rosé មកបង្ហាញព្រមជាមួយហេតុផលដែលអ្នកគាំទ្រពេញចិត្តនាង។
១. សម្លេងខុសប្លែកពីគេ
សម្លេងរបស់ Rosé ពេលស្តាប់ម្តងណាពិតជារណ្តំធ្វើឲ្យគេងលក់ ពីព្រោះតែមានភាពខុសប្លែកពីអ្នកដ៏ទៃនៅពេលស្តាប់សម្លេងរបស់នាងច្រៀងម្តងៗ។ មិនត្រឹមតែប៉ុណ្ណោះអ្នកគាំទ្រក៏សរសើរពីសមត្ថភាពសម្លេង ដែលអាចធ្វើឲ្យអ្នកស្តាប់ដាក់អារម្មណ៏ទៅតាមបទចម្រៀង។
២. មានទេពកោសល្យច្រើន
អ្នកគាំទ្ររបស់ Blackpink ប្រាកដជាបានដឹងហើយថា Rosé មានសមត្ថភាព និងទេពកោសល្យច្រើនក្រៅពីសម្លេងពីរោះ នៅក្នុងនោះរួមមាន ការចេះលេង Guitar និង Piano ដែលជាចំណុចទាក់ទាញមួយធ្វើឲ្យ Rosé ប្រលងជាប់ Audition នៅក្នុងទីក្រុង Melbourne។
៣. ការរាំដ៏ទាក់ទាញ
ការរាំរបស់ Rosé តែងតែទទួលបានភាពទាក់ទាញខ្លាំងទៅលើឆាក ក្នុងការផ្លាស់ប្តូរក្បាច់នីមួយៗនៅក្នុងបទចម្រៀង ពីព្រោះតែរាងដ៏តូចស្រឡូន។
៤.សក់របស់ Rosé
ចំណែកឯសក់វិញក៏ទទួលបានភាពទាក់ខ្លាំងដែរ ខុសពីសមាជិកផ្សេងទៀត នៅពេលរាំម្តងៗ។ សក់នាងពិតជាមានទម្ងន់ និងស្រស់ស្អាតបំផុត។
៥. កម្ពស់អាចក្លាយជាម៉ូដែល
បើនិយាយពីកម្ពស់វិញ Rosé ជាតារាចម្រៀងមួយរូប ដែលអាចត្រូវប៉ាន់សម្រាប់ទីផ្សារតារាម៉ូដែលបាន។ ដូចនេះហើយបានជា Rosé តែងតែមានមុខនៅលើទស្សនាវដ្តីល្បីៗរបស់កូរ៉េ។
៦. ការជ្រើសរើស Style
អ្នកគាំទ្រជាច្រើនតែងតែជ្រើសយក Style ស្លៀកពាក់តាម Rosé ព្រោះតែការស្លៀកពាក់មើលទៅសាមញ្ញធម្មតា ប៉ុន្តែមានភាពទាក់ទាញ និងមានទំនុកចិត្តនៅពេលពាក់។
៧. អាកប្បកិរិយាខាងក្រៅ
Rosé ជាមនុស្សម្នាក់នៅក្នុងក្រុម ដែលតែងតែរួសរាយរាក់ទាក់ និងចូលចិត្តលេងសើចច្រើននៅពេលនិយាយម្តងៗ ដែលជាចំណុចគួរឲ្យស្រលាញ់មួយធ្វើឲ្យអ្នកគាំទ្រតែងតែចូលចិត្ត។
៨.តែងតែសប្បាយចិត្ត នៅពេលបានញាំ
Rosé ជាមនុស្សម្នាក់ដែលចូលចិត្តញ៉ាំខ្លាំងបំផុត និងតែងតែសប្បាយចិត្តនៅពេលបានញ៉ាំរបស់ឆ្ងាញ់ម្តងៗ។ នៅពេលកំពុងញ៉ាំ Rosé តែងតែគិតថាវាជារបស់សំខាន់បំផុត។ ទាំងនេះអស់នេះជាចំណុចទាក់ទាញមួយ ដែលធ្វើឲ្យមនុស្សគ្រប់គ្នាស្រលាញ់ នឹងចរិតពីធម្មជាតិរបស់នាង៕
