- 2019-10-16 07:38:56
- ព័ត៌មាន
ទោះនៅស្រឡាញ់ខ្លាំង តែ Liam ត្រូវតែលែងលះ Miley ព្រោះហេតុផលនេះ
- 2019-10-16 07:38:56
- ចំនួនមតិ 0 | ចំនួនចែករំលែក 0
ទោះនៅស្រឡាញ់ខ្លាំង តែ Liam ត្រូវតែលែងលះ Miley ព្រោះហេតុផលនេះ
ចន្លោះមិនឃើញ
ទោះបីការលែងលះរវាង Liam Hemsworth និង Miley Cyrus បានចប់សព្វគ្រប់ក៏ពិតមែន ប៉ុន្តែមហាជនមួយចំនួននៅតែមិនទាន់អស់ចិត្តងាយៗ ក៏ព្រោះតែស្នេហារបស់អ្នកទាំង ២មានរយៈពេលជាង ១០ឆ្នាំមកហើយ តែចម្ងល់ទាំងប៉ុន្មានត្រូវបានទម្លាយនៅពេលនេះហើយ។
ព័ត៌មាននៃការចែកផ្លូវគ្នារវាងតារាលំដាប់ A ២រូបគឺ Liam Hemsworth និង Miley Cyrus ពិតជាបង្កជាការភ្ញាក់ផ្អើលខ្លាំងបំផុត ព្រោះវាកើតឡើងឆាប់រហ័សពេក ទាំងដែលមិនដែលមានព័ត៌មានលេចឮពីមុនថា ចំណងស្នេហាមានបញ្ហាសោះ។
មកដល់ពេលនេះ មិនទាន់បានប៉ុន្មានផង ក៏មានដំណឹងថា Liam កំពុងមានទំនាក់ទំនងស្នេហាជាមួយតារាម៉ូដែលអូស្ត្រាលី Kaitlynn Carter ក្រោយដំណើរការនៃការលែងលះបានបញ្ចប់សព្វគ្រប់។ អ្នកគាំទ្រមួយចំនួនបានដឹងថាកន្លងមក Liam រងការឈឺចាប់ដោយសារ Miley ដោយសារការផ្លាស់ប្ដូររបស់នាង ប៉ុន្តែអ្វីផ្សេងទៀតមិនទាន់មានការបញ្ជាក់ច្បាស់នៅឡើយ។
ជាក់ស្ដែង ថ្មីៗនេះប្រភពជិតស្និទ្ធនឹងតារារូបនេះបានលួចបង្ហើបថា៖ «Liam នៅតែស្រឡាញ់ Miley ហើយការចែកផ្លូវនេះពិតជាធ្វើឲ្យ Liam វេទនាចិត្តណាស់។ Miley លែងជាមនុស្សម្នាក់ដែលលោកធ្លាប់ស្រឡាញ់ពីមុន នាងប្លែកច្រើនណាស់ ហើយ Liam ទទួលស្គាល់ថាលោកពិតជានៅជាមួយ Miley លែងបានតទៀតហើយ។ លោកស្ទើរតែមិនអាចអានអ្វីដែលលោកបានឃើញគ្រប់យ៉ាងលើអ៊ីនធើណិតទាក់ទងនឹងនាងទៀត តាំងពីបែកគ្នា»។
ក្រោយលែងលេះ ពេលនេះ Liam បានត្រឡប់ទៅរស់នៅប្រទេសអូស្ត្រាលីជាមួយគ្រួសាររបស់លោកវិញហើយ។ ប្រភពដដែលបានបន្ថែមទៀតថា «Liam មានអារម្មណ៍ថា នារីម្នាក់ដែលលោកធ្លាប់ទាក់ទង និងនារីម្នាក់ដែលលោកបានលែងលះពិតជាខុសគ្នាឆ្ងាយណាស់ ប្រៀបដូចមនុស្ស ២នាក់ផ្សេងគ្នា ហើយពួកគេក៏គ្មានឱកាស និងអស់និស្ស័យនឹងជួបជុំគ្នាទៀតដែរ»៕
