- 2019-11-01 08:07:34
- ព័ត៌មាន
គ្មាននរណាចង់ទេ តែសុទ្ធតែមានហេតុផលហើយ! ណូម័រ សម្រេចចែកផ្លូវគ្នាជាមួយស្វាមី ក្រោយរៀបការបានប៉ុន្មានខែ
- 2019-11-01 08:07:34
- ចំនួនមតិ 0 | ចំនួនចែករំលែក 0
គ្មាននរណាចង់ទេ តែសុទ្ធតែមានហេតុផលហើយ! ណូម័រ សម្រេចចែកផ្លូវគ្នាជាមួយស្វាមី ក្រោយរៀបការបានប៉ុន្មានខែ
ចន្លោះមិនឃើញ
ពិធីការិនី និងជាតារាសម្ដែង អន រ៉ាស៊ីសុមេត្តា ហៅ ណូម័រ បានលេចចេញដំណឹងបាក់បែកស្វាមីយ៉ាងតក់ក្រហល់ ក្រោយពីបានរៀបការក្លាយជាគូស្វាមី ភរិយានឹងគ្នាមិនបានប៉ុន្មានខែផង។
នៅប៉ុន្មានមកនេះ គេបានឃើញថា ណូម័រ បានទម្លាយចេញសារគួរឲ្យសង្ស័យជាច្រើន ដែលថានាង និងស្វាមី គឺលោក សុភា បាន និងកំពុងមានបញ្ហានឹងគ្នា ដែលបានធ្វើឲ្យមិត្តភ័ក្ដិ និងប្រិយមិត្តមួយចំនួនមានការភ្ញាក់ផ្អើល ព្រោះថា ពួកគេទើបក្លាយជាគូស្វាមី ភរិយា និងគ្នាថ្មីថ្មោងទេ។ ដោយឡែកនៅថ្ងៃត្រង់នេះ តម្រុយនៃការប្រេះស្រាំចំណងអាពាហ៍ពិពាហ៍ បានលេចកាន់តែច្បាស់ ដោយភាគីខាងស្រី គេបានឃើញចូលខ្លួនទៅសាលាសង្កត់អូរបែកក្អម។
ណូម័រ ត្រូវបានគេឃើញចូលខ្លួនទៅជាមួយម្ដាយ ដែលក្រោយមកគេឃើញនាងបានបង្ហោះនូវរូបភាពនាងពីសាលាសង្កាត់ជាមួយនឹងសារវែងអន្លាយមួយ។ ប៉ុន្តែប្រយោគជាភាសាអង់គ្លេស គឺបានបញ្ជាក់ថា នាងបានសម្រេចចាប់យកជីវភាពជាមនុស្សខ្លួនមួយសារជាថ្មីហើយ។ នាងសរសេរថា "Welcome new Month Welcome new Life Welcome My Single Life Too”។
ជាភាសាខ្មែរមានន័យថា "ស្វាគមន៍ការចូលមកដល់នៃខែថ្មី និងសូមស្វាគមន៍ជីវិតថ្មី ក៏ដូចជាសូមស្វាគមន៍ជីវិតខ្លួនរបស់ខ្ញុំដែរ"។ ឃ្លានេះ ប្រិយមិត្ត ក៏ដូចជាមិត្តភ័ក្ដិជាច្រើន កាន់តែភ្ញាក់ផ្អើល និងជឿថា ណូម័រ ទំនងជាបាក់បាក់ជាមួយវីជេ សុភា មែនទែនហើយ។ ជុំវិញបញ្ហានេះ តារាស្រី បានឆ្លើយប្រាប់ Sabay ថា ជាការពិត គឺនាងបានសម្រេចចែកផ្លូវគ្នាជាមួយស្វាមីលោក សុភា ហើយ។ "ចាស បែកគ្នាហើយបង...តែសុំមិនបកស្រាយទេ សុំអោយគ្រប់យ៉ាងចប់ត្រឹមហ្នឹងចុះបងអើយ"។ ណូម័រ ថ្លែង។
ជុំវិញការបែកគ្នាយ៉ាងតក់ក្រហល់ បានធ្វើឲ្យប្រិយមិត្តជាច្រើនហួសចិត្ត និងស្ទើរមិនជឿ ត្បិតថា កន្លងមកគេឃើញស្វាមី ភរិយា មួយគូនេះ ល្អូកល្អិននឹងគ្នាណាស់។ យ៉ាងណា សាមីខ្លួនខាងស្រី បញ្ជាក់ថា អ្វីទាំងអស់មិនដូចរូបភាព ដែលបងប្អូនបានឃើញទាំងអស់នោះទេ។ នាងថ្លែងយ៉ាងខ្លីថា "ខ្ញុំមិនអាចកុហកខ្លួនឯង ថាខ្លួនមានសេចក្ដីសុខទៀតទេ...មិនមានអ្វីត្រូវនិយាយទៀតទេ អ្វីៗបានបញ្ចប់អស់ហើយ!”។
ណូម័រ និងលោក សុភា ដែលជាពិធីករទូរទស្សន៍មួយរូបដែរនោះ បានចូលរោងការក្លាយជាស្វាមី ភរិយា នឹងគ្នាកាលពីថ្ងៃទី ២៨ ឧសភា ឆ្នាំ ២០១៩ ពោលគឺបានតែរយៈពេល ៥ខែប៉ុណ្ណោះគិតមកដល់ថ្ងៃពួកគេចែកផ្លូវគ្នានេះ។ គូនេះ បានចុះសំបុត្រអាពាហ៍ពិពាហ៍ តាំងពីមុនរៀបការទៅទៀត ដោយសារតែកាលនោះ ពាក់ព័ន្ធនឹងការទិញផ្ទះរួមគ្នាមួយស្ថិតនៅចោមចៅ ខាងបុរី បានតម្រូវឲ្យពួកគេមានលិខិតផ្លូវច្បាប់មួយនេះ។
ដូច្នេះហើយ ទើបពួកគេសម្រេចចុះលិខិតអាពាហ៍ពិពាហ៍មួយនេះ។ និយាយពីផ្លូវច្បាប់ គូស្វាមី ភរិយាណាដែលត្រូវចងភ្ជាប់គ្នាដោយលិខិតអាពាហ៍ពិពាហ៍នេះ អាចចែកផ្លូវគ្នាទៅរកជីវិតខ្លួនមួយវិញបាន គឺត្រូវឆ្លងកាត់ការសម្រេចឲ្យផ្ដាច់សមគ្គសង្វាសពីតុលាការទើបបាន។ ប៉ុន្តែនៅថ្ងៃនេះ ណូម័រ ត្រូវបានគេឃើញទៅធ្វើលិខិតផ្ដាច់សង្វាសនៅសាលាសង្កាត់ប៉ុណ្ណោះ។
តារាស្រី បញ្ជាក់ថា នាង និងស្វាមីបានព្រមព្រៀងគ្នាហើយ ដោយទៅធ្វើលិខិតផ្ដាច់សង្វាសមុនសិន ចាំឆ្លងទៅតាមតុលាការតាមក្រោយទៀត។
ជុំវិញបញ្ហាទាំងឡាយខាងលើ ភាគីខាងស្វាមី គឺវីជេ សុភា មិនទាន់អាចសុំការអធិប្បាយបាននៅឡើយទេ គិតត្រឹមរសៀលថ្ងៃទី ១ វិច្ឆិកា ២០១៩ នេះ៕
