- 2019-12-18 04:27:52
- ព័ត៌មាន
ធ្លាប់សម្ដែងជោកជាំ ឥឡូវ សុខ សោម៉ាវត្តី ទើបធ្លោយមាត់ការសម្ដែងមួយនេះពិបាកណាស់!
- 2019-12-18 04:27:52
- ចំនួនមតិ 0 | ចំនួនចែករំលែក 0
ធ្លាប់សម្ដែងជោកជាំ ឥឡូវ សុខ សោម៉ាវត្តី ទើបធ្លោយមាត់ការសម្ដែងមួយនេះពិបាកណាស់!
ចន្លោះមិនឃើញ
ត្បិតថាមានបទពិសោធន៍សម្ដែងជោកជាំជាច្រើនឆ្នាំ ប៉ុន្តែមិនមានន័យថា អ្វីៗសុទ្ធដើរទៅរលូនទាំងអស់នោះទេ។ ដូចជាពេលនេះ សុខ សោម៉ាវត្តី ធ្លោយមាត់ថា ការសម្ដែងតួអង្គមួយក្នុងរឿងថ្មីរបស់នាងជាមួយលោក លោក ជា សុវណ្ណនរាហ៍ គឺនាងជួបការលំបាកក្នុងការសម្ដែងបំផុត។
អ្នកនាងសុខ សោម៉ាវត្តី និងលោក ជា សុវណ្ណនរាហ៍ បានជួបគ្នាជាថ្មីក្នុងភាពយន្ត រឿង “ប្រពន្ធខ្ញុំស្រលាញ់ស្រី”។ភាពយន្តនេះត្រូវបានតារាសម្ដែងស្រីលើកឡើងថាពិបាកនឹងបញ្ចូលអារម្មណ៍សម្ដែងខ្លាំងព្រោះតែត្រូវសម្ដែងជាតួអង្គចរិកបែបមនុស្សប្រុសនោះ។
ការបញ្ជាក់នេះត្រូវបានធ្វើឡើង ក្នុងឱកាសដែលផលិតកម្មLD Picture បានសម្ពោធប្រកាសចាក់បញ្ចាំងភាពយន្តខាងលើ កាលពីរាត្រីថ្ងៃទី១៧ ខែធ្នូ នេះនៅរោងភាពយន្តឡេជេនស៊ីធីម៉ល ក្រោមវត្តមានសិល្បករជាច្រើនចូលរួម។ សុខ សោម៉ាវត្តី បានបញ្ជាក់ថា ក្នុងរឿងនេះ នាងត្រូវសម្ដែងជាតួអង្គមនុស្សស្រីចរិតប្រុស ហើយមានស្នេហានឹងមនុស្សស្រី ប៉ុន្តែចុងក្រោយនាងបែរជាស្រលាញ់តួប្រុសវិញ។
នាងថាទោះជាកន្លងមកនាងធ្លាប់សម្ដែងជាតួអង្គចរិតបែបមនុស្សប្រុសប៉ុន្តែមានបែបទន់ភ្លន់ច្រើនជាមនុស្សស្រីទើបតែរឿងនេះមានអារម្មណ៍ថាតានតឹងខ្លាំង ដែលត្រូវផ្លាស់ប្ដូរអារម្មណ៍ភ្លាមៗ។ ទោះជាយ៉ាងណា អំណោយផលមួយ គឺនាងបានជួបដៃគូសម្ដែងចាស់យល់ចិត្តច្រើនទើបអាចធ្វើឲ្យការសម្ដែងល្អប្រសើរ។
ជាមួយគ្នានេះដែរ លោក ជា សុវណ្ណនរាហ៍ បានលើកឡើងថា មិនមានបញ្ហាប្រឈមច្រើនសម្រាប់លោកទេពេលជួបដៃគូចាស់។ លោកថា នេះជាភាពយន្តសម្រិតសម្រាំងថ្មីពីផលិតករល្បីឈ្មោះ ដូច្នេះហើយលោកបានដាក់ក្តីរំពឹងថាអ្នកគាំទ្រលោក ក៏ដូចជាស្នាដៃផលិតកម្មLD Picture ពិតជាពេញចិត្តស្នាដៃថ្មីមួយនេះដែលមានគ្រប់រសជាតិ កំប្លែង មនោសញ្ចេតនា កម្សត់។
នេះគឺជាសមិទ្ធផលថ្មីទៀតរបស់ ផលិតកម្ម LD Picture ក្រោយពីផលិតកម្មមួយនេះ សម្រេចបានលទ្ធផលធំមួយចំនួនជាមួយរឿងខ្នាតធំ "នាឡិកាដាស់វិញ្ញាណ”។ តាមការបង្ហើបឲ្យដឹង LD ថានឹងបញ្ចេញស្នាដៃថ្មីៗបន្តបន្ទាប់ទៀតនាឆ្នាំ ២០២០ខាងមុខនេះ៕
