- 2019-12-26 02:42:58
- ព័ត៌មាន
តូតា បញ្ចេញស៊េរី Pre-Wedding ស្អាតត្រជាក់ភ្នែកជាមួយគូស្នេហ៍ បញ្ជាក់ថាអ្វីកាន់តែកៀកហើយ!
- 2019-12-26 02:42:58
- ចំនួនមតិ 0 | ចំនួនចែករំលែក 0
តូតា បញ្ចេញស៊េរី Pre-Wedding ស្អាតត្រជាក់ភ្នែកជាមួយគូស្នេហ៍ បញ្ជាក់ថាអ្វីកាន់តែកៀកហើយ!
ចន្លោះមិនឃើញ
ទើបតែប៉ុន្មានម៉ោងមុននេះប៉ុណ្ណោះ កញ្ញា ម៉ាន សែនសូនីតា បានបញ្ចេញរូបភាព Pre-Wedding ស្អាតៗមួយស៊េរីជាមួយគូស្នេហ៍ លោក ប៉ុល វិបូ ហៅ នីត យ៉ាងកម្រ ដែលគេសង្ស័យថា ថ្ងៃពិសេសរបស់ពួកគេទំនងជានៅមិនយូរទៀតទេ។
ទំនាក់ទំនង តូតា និងចាងហ្វាងផលិតកម្ម អង្គរភីកឈ័រ ត្រូវបានបើកចំហយូរដែរហើយ ហើយក៏មានដំណឹងលេចលឺថា ពួកគេទាំងពីររស់ក្រោមដំបូងតែមួយជាមួយគ្នាផង។ គូនេះត្បិតថា ខាងប្រុសមានវ័យច្រើនដែរហើយ ប៉ុន្តែពួកគេផ្អែមល្ហែមនឹងគ្នាណាស់ ក្នុងនោះពួកគេក៏បានសាងអនុស្សាវរីយ៍ច្រើនរាប់មិនអស់ ដោយធ្លាប់ដឹកដៃគ្នាទៅរឹតចំណងទាក់ទងដល់ទឹកដីអឺរ៉ុបម្ដងជាពីរដងទៀតផងរួចមកហើយ ហើយលើសពីនេះ ពួកគេថែមទាំងដាក់ហ៊ុនរកស៊ីជាមួយគ្នាជាច្រើនទៀត។
យ៉ាងណា ពួកគេបានលាក់ជិតល្អចំពោះដំណឹងរៀបការ ដោយគ្រាន់តែបង្ហាញពីរូបភាពស្និទ្ធស្នាល និងរូបថត Pre-Wedding ស្អាតៗជាច្រើនសន្លឹកនាពេលនេះ ធ្វើឲ្យមានការចាប់អារម្មណ៍ និងប៉ាន់ស្មានពីវេលារៀបការរបស់ពួកគេទំនងជានៅមិនយូរនោះទេ។ ស្របគ្នានេះ ប្រភពម្នាក់ក៏បានបង្ហើបថា តាមតែគេបានលឺ ថ្ងៃមង្គលរបស់ពួកគេអាចនឹងកើតនៅដើមឆ្នាំក្រោយនេះតែម្ដង។
ប៉ុន្តែយ៉ាងណា ប្រភពមិនបញ្ចេញឈ្មោះរូបនេះ បញ្ជាក់ថា រូបគេ ក៏មិនទាន់ទទួលបានកាលបរិច្ឆេទដែលថា គូស្នេហ៍ខុសវ័យខាងលើ រៀបការផ្លូវការនៅថ្ងៃណាឲ្យពិតប្រាកដនៅឡើយទេ។ តោះ...ទស្សនា Pre-Wedding របស់ តូតា និងលោក នីត ស្អាតៗទាំងអស់គ្នា!!!
