- 2019-12-30 01:01:00
- ព័ត៌មាន
ឡូយ! ចាន់ណា រ៉ូណាន ត្រូវបានប្រកាសជាចាងហ្វាងផលិតកម្មថ្មីមួយទៀតហើយ!
- 2019-12-30 01:01:00
- ចំនួនមតិ 0 | ចំនួនចែករំលែក 0
ឡូយ! ចាន់ណា រ៉ូណាន ត្រូវបានប្រកាសជាចាងហ្វាងផលិតកម្មថ្មីមួយទៀតហើយ!
ចន្លោះមិនឃើញ
លោក ចាន់ណា រ៉ូណាន ដែលទើបនឹងសម្ពោធស្នាដៃរបស់ខ្លួនរឿង "កុំងាកក្រោយ" កាលពីប៉ុន្មានថ្ងៃមុននេះ ឥឡូវបានរំលេចស្នាដៃថ្មីទៀត ដោយបានបើកសម្ពោធផលិតកម្មថ្មីមួយឈ្មោះ "ក្រុងពិជ័យ" ដោយលោក ត្រូវបានឲ្យដឹងជាអគ្គនាយកតែម្ដង។
ផលិតកម្ម "ក្រុងពិជ័យ" បានធ្វើពិធីក្រុងពាលីចេញថតភាពយន្តដំបូងរបស់ខ្លួន កាលពីចុងសប្ដាហ៍មុននៅភោជនីយដ្ឋាន V- Friend ក្រោមវត្តមានសិល្បករ ផលិតរជាច្រើនចូលរួម។ រឿងដំបូងរបស់ផលិតកម្មថ្មីថ្មោងនេះ មានចំណងជើងថា ”សំណើច៦៥២គីឡូម៉ែត្រ” ដែលមាន Frishie Boy & Girlជាច្រើនរូបលេចមុខក្នុងភាពយន្តខ្នាតធំដំបូងរបស់ផលិតកម្មខាងលើ។
តារាដែលនឹងបង្ហាញខ្លួនក្នុងភាពយន្តខ្នាតធំលើកដំបូងរបស់ផលិតកម្មនេះមានដូចជាអតីតFreshie Girl ២០១៦ កញ្ញា សួង ស៊ីធឿន Freshie Boy ២០១៥ និងជា Mr. World Cambodia ២០១៩។ ក្រៅពីនេះមានលោក អ៊ូ សំខាន់, Mr. Asian International 2019 លោក ឡៅ បញ្ញា, Mister Global 2018 លោក ឌី វ៉ាន់ដា, Freshie Boy ចំណាត់ថ្នាក់លេខ២ ឆ្នាំ២០១៨ លោក ប៊ុន កែវប្រាថ្នា និង Freshie Boy ចំណាត់ថ្នាក់លេខ២ ឆ្នាំ ២០១៨ លោក តុងលី។
ក្រៅពីនេះក៏នឹងមានវត្តមាន តារាសម្តែងល្បីៗជាច្រើនទៀតផងដែរដូចជា លោក ភី ម៉ៃ តារាកំប្លែង ផាង ផាង អ្នកនាងលី ម៉ារីណាជាដើម ក្នុងនោះកញ្ញា សួង ស៊ីធឿន ដែលបាត់មុខពីសិល្បៈមួយរយៈធំហើយនោះ ក៏បានមានវត្តមានដែរ។ ស៊ីធឿន លើកឡើងថា តាមការយល់ឃើញរបស់នាង រឿងនេះ មានតារាសម្តែងជើងចាស់ និងស្រីស្រស់ប្រុសស្អាតច្រើនណាស់បានចូលរួមសម្តែង។ ដូច្នេះហើយ នាងជឿថា សាច់រឿងនេះកាន់តែល្អមើល។
"សំណើច៦៥២គីឡូម៉ែត្រ” ជារសជាតិថ្មីរបស់អ្នកនិពន្ធ និងដឹកនាំរឿង ចាន់ណា រ៉ូណាន ដែលកន្លងមកស្នាដៃរបស់លោកសុទ្ធជារឿងភ័យរន្ធត់។ ចាងហ្វាងផលិតកម្ម "ក្រុងពិជ័យ" វ័យក្មេង លោក ចាន់ណា រ៉ូណាន បានបញ្ជាក់ថា ទម្រាំយកមកដាក់ក្នុងការផលិតថ្ងៃនេះរឿង សំណើច ៦៥២គីឡូម៉ែត្រ" នេះ លោកសម្រិតសម្រាំងសាច់រឿងអស់រយៈពេលជាយូរឆ្នាំមកហើយ។
លោកថា ភាពយន្តនេះនឹងរៀបរាប់អំពី ការធ្វើដំណើររបស់យុវជនមួយក្រុមចេញពីភ្នំពេញទៅខេត្ត និងជួបនូវរឿងហួសចិត្តអស់សំណើចជាច្រើននៅតាមផ្លូវ។រឿងនេះនឹងត្រូវចាប់ផ្តើមផលិតពី ខែមករា ឆ្នាំ២០២០ តទៅ ដោយតួសម្ដែង ត្រូវបានជ្រើសរើសឲ្យយ៉ាងប្រុងប្រយ័ត្ន ហើយសុទ្ធសឹងតែជាអ្នកមានទេពកោសល្យ និងមានរូបសម្រស់ស្រស់ស្អាតទាំងអស់។
លោករំពឹងថាផលិតកម្មថ្មីក្រោមស្នាដៃដឹកនាំរបស់លោកនឹងទទួលបានការគាំទ្រច្រើនពីទស្សនិកជន ពិសេសអ្នកធ្លាប់ទស្សនា និងទុកចិត្តលើការដឹកនាំផលិតរបស់លោក។ លោក រ៉ូណាន បញ្ជាក់ដែរថាផលិតកម្មថ្មីរបស់លោកនេះ នឹងផលិតភាពយន្តខ្នាតធំចំនួនតែ២រឿងប៉ុណ្ណោះក្នុងមួយឆ្នាំដើម្បីមានពេលគិតលើគុណភាព និងឱកាសទទួលបានម៉ោងចាក់បញ្ចាំងលើរោងភាពយន្ត៕
