- 2020-01-10 04:21:43
- ព័ត៌មាន
រឿងពិតពីកូនមាស កូនពេជ្រ សុគន្ធកញ្ញា គ្រាន់តែប៉ិចមក រកបានប្រមាណ ២០ម៉ឺនដុល្លារទៅហើយ!
- 2020-01-10 04:21:43
- ចំនួនមតិ 0 | ចំនួនចែករំលែក 0
រឿងពិតពីកូនមាស កូនពេជ្រ សុគន្ធកញ្ញា គ្រាន់តែប៉ិចមក រកបានប្រមាណ ២០ម៉ឺនដុល្លារទៅហើយ!
ចន្លោះមិនឃើញ
កូនតារាៗស្ទើរតែគ្រប់គ្នា គ្រាន់តែមានវត្តមានលើផែនដីនេះភ្លាម អាចរកចំណូលបានរាប់ម៉ឺន ហើយបើកូនតារាល្បីលំដាប់ជួរមុខ ដូចជា ឱក សុគន្ធកញ្ញា ថែមទៀត រឹតតែខ្លាំងដៃ ដោយក្នុងនោះមានលេចព័ត៌មានមកថា ទារកឈ្មោះ "ឆាលី" រកប្រាក់បានប្រមាណ ២០ម៉ឺនដុល្លារអាមេរិកទៅហើយឲ្យអ្នកមានគុណ។
ឱក សុគន្ធកញ្ញា បានលេចមុខលើកដំបូងនៅម្សិលមិញនេះ នៅក្នុងកម្មវិធីម្សៅទឹកគោមួយ ចាប់តាំងពីនាង បានផ្ដល់កំណើតកូនដំបូងកាលពីចុងឆ្នាំ ២០១៩ មក។ ប្អូនថ្លៃថៅកែហង្សមាសរូបនេះ ត្រូវបានគេមើលឃើញថា ហាក់មានរូបរាងធាត់ជាងមុន ពោលគឺមិនទាន់ស្រកគីឡូមកដល់គីឡូដើម ដែលនេះជាបញ្ហាទូទៅរបស់ស្ត្រីទើបសម្រាលកូនរួចជួបប្រទះ។
ប៉ុន្តែអ្វីដែលគួរចាប់អារម្មណ៍ដែរនោះ ទម្ងន់ខ្លួននោះ មិនរំខានដល់សម្ផស្សរបស់នាងទេ ព្រោះថា កញ្ញា នៅតែមើលទៅ ស្រស់ស្អាត សមសួន បើទោះមានស្វាមី ព្រមទាំងកូនហើយក្ដី។ វត្តមានរបស់អ្នកម្ដាយរូបនេះ កញ្ញា បាននាំទាំងទារកតូចដែលទើបនឹងមានវ័យត្រឹម ២ខែមកជាមួយផង គួរឲ្យភ្ញាក់ផ្អើល។ បន្តិចមក ក៏មានការប្រកាសថា អ៊ឹង បញ្ញាបុត្រ ហៅ "ឆាលី" និងម្ដាយ គឺអ្នកតំណាងផលិតផល ណូទ្រីលេត រយៈពេល៣ឆ្នាំ។
យ៉ាងណា មិនមានតួលេខពីតម្លៃពលកម្មរបស់ទារកអាយុពីរខែ និងម្ដាយត្រូវបានប្រកាសជាចំហនោះទេ ប៉ុន្តែគេជឿថា តម្លៃកិច្ចព្រមព្រៀងនេះ អាចនឹងមានទំហំច្រើនដល់រាប់ម៉ឺនព្រោះថា ម្ដាយរបស់គេ ជាតារាស្រីល្បីលំដាប់ជួរមុខប្រចាំប្រទេស និងជាប្អូនថ្លៃថៅកែផលិតធំលំដាប់ប្រទេសដូចគ្នា។ ជុំវិញបញ្ហា ឱក សុគន្ធកញ្ញា នៅលើវេទិកា បានបដិសេធក្នុងការឆ្លើយសំណួរនេះ ដោយបង្វែរឲ្យទៅសួរ នាយកគ្រប់គ្រង ទឹម សុវណ្ណារ៉ា វិញ។
បែបនេះក្ដី ថ្នាក់ដឹកនាំក្រុមហ៊ុននេះ ក៏មិនក្លាហានក្នុងការបញ្ចេញតួលេខពីតម្លៃពលកម្មដែលភាគីទាំងពីរបានព្រមព្រៀងគ្នាដែរ ដោយលោកស្នើសុំទុកជាការសម្ងាត់។ យ៉ាងណា បើទោះជាភាគីសំខាន់ទាំងពីរ ព្យាយាមមិនបង្ហើបក្ដី ប៉ុន្តែប្រភពផ្សេងមួយទៀត បានលួចបង្ហើបពីរឿងនេះឲ្យដឹងថា ឆាលី ស៊ីថ្លៃខ្លួនមិនធម្មតាឡើយ។
ប្រភពនៅមិនឆ្ងាយពីតារាស្រី និងស្នើសុំលាក់អត្តសញ្ញាណមួយរូប បាននិយាយថា តួលេខតម្លៃខ្លួនពិតប្រាកដរបស់ម្ដាយកូនតារាល្បីទាំងពីរលើការងារខាងលើនេះ រូបគេមិនច្បាស់១០០%ទេ ប៉ុន្តែរូបគេអាចធ្វើការប្រៀបធៀបការងារដូចគ្នានេះ(អ្នកតំណាងផលិតផល)របស់ កញ្ញា ដែលបានធ្វើជាមួយក្រុមហ៊ុនផ្សេងបាន ហើយថា ថ្ងៃឈ្នួលជាអ្នកតំណាងផលិតផលចុងក្រោយនេះ ទំនងជាមិនខុសគ្នាប៉ុន្មានឡើយ។
“នេះបើតាមខ្ញុំដឹងទេណាបង អាចថាមិន ១០០%ទេ...កញ្ញា កាលធ្វើជាអ្នកតំណាងផលិតផលគ្រឿងអេឡិចត្រូនិចមួយ មិនបាច់បញ្ចេញថាជាផលិតផលអេឡិចត្រូនិកណាទេ គឺគាត់ ទទួលបានខ្ទង់ ៦-៧ ម៉ឺនដុល្លារក្នុង១ឆ្នាំ។ អីចឹងការងារថ្ងៃនេះ ខ្ញុំជឿថា គាត់អាចនឹងទទួលបានខ្ទង់ប៉ុណ្ណឹងដូចគ្នា!”។ ប្រភពថ្លែង។
ប្រភព បន្ថែមថា រូបគេហ៊ានសន្និដ្ឋាន ថាកញ្ញា និងកូនតូចនាង ទទួលបានក្នុងតម្លៃប្រហាក់ប្រហែលគ្នា លើសក៏មិនច្រើន ហើយបើតិចជាង ក៏មិនតិចជាងច្រើនដែរ។ យ៉ាងណារូបគេថា មានភាគរយខ្ពស់ ដែលពួកគេអាចទទួលបានតម្លៃការងារនេះខ្ពស់ជាង ពីឆ្នាំចាស់ ព្រោះថា ជាទូទៅ តម្លៃការងាររបស់ពួកគេ មិននៅទ្រឹង និងរឹតតែមិនដើរថយក្រោយទៀត។
ដូច្នេះ តាមការប៉ាន់ប្រមាណបន្ថែមទៀត ប្រភពថា កិច្ចសន្យាការងារ ៣ឆ្នាំជាមួយ ណូទ្រីលេត នាពេលនេះ អូនតូច ឆាលី និងម្ដាយ ទទួលបានតម្លៃហត់នឿយ មិនក្រោម ២០ម៉ឺនដុល្លារអាមេរិកឡើយ៕
