- 2020-03-05 02:27:23
- ជីវិតតារា
ប៉េង ប៉ោង នៅតែមានជំនឿថា នឹងទទួលបានកូនក្នុងឆ្នាំនេះ!
- 2020-03-05 02:27:23
- ចំនួនមតិ 0 | ចំនួនចែករំលែក 0
ប៉េង ប៉ោង នៅតែមានជំនឿថា នឹងទទួលបានកូនក្នុងឆ្នាំនេះ!
ចន្លោះមិនឃើញ
តារាសម្ដែងធាត់ទ្រលុក អ្នកនាង មឿន និមល ហៅប៉េង ប៉ោង នៅតែមានជំនឿថាខ្លួននឹងមានកូនតាមក្ដីប្រាថ្នានៅក្នុងឆ្នាំ២០២០ នេះ ខណៈដែលគ្រូពេទ្យជំនាញប្រាប់ថាឱកាសនៃការមានកូនរបស់អ្នកនាងមានប្រហែល៥០%ប៉ុណ្ណោះ។
ប៉េង ប៉ោង កំពុងថែទាំសុខភាពតាមការណែនាំរបស់គ្រូពេទ្យដោយលេបថ្នាំ សម្រាកឲ្យបានគ្រប់គ្រាន់ និងមានរបបអាហារត្រឹមត្រូវ។ ប៉េង ប៉ោង បានប្រាប់Saby ក្នុងឱកាសដែលអ្នកនាងចូលរួមអបអរសាទរទិវាវប្បធម៌ជាតិលើកទី២២ ថាអ្នកនាង និងស្វាមីនឹងប្រើគ្រប់មធ្យោបាយដើម្បីបានកូន ហើយបើអ្នកនាងមានឱកាសពពោះឆ្នាំនេះមែន នឹងប្រកាសឲ្យផ្អើលម្ដង។
អ្នកនាង ប៉េង ប៉ោង និងស្វាមី ធ្លាប់ធ្វើខួប១២ឆ្នាំ នៃអាពាហ៍ពិពាហ៍កាលពីឆ្នាំ២០១៧ទៅតាមសម្ដីរបស់គ្រូទាយដែលថា អ្នកទាំងពីរទាល់តែរៀបការម្ដងទៀតទើបមានកូន ប៉ុន្តែតាំងពីពេលនោះមកដល់ឆ្នាំ២០២០ មិនទាន់ទទួលបានលទ្ធផលអ្វីឡើយ។ អ្នកនាង បានងាកមកលេបថ្នាំ និងថែទាំសុខភាពតាមបែបវេជ្ជសាស្ត្រវិញម្ដង ហើយសង្ឃឹមថានឹងមានកូននៅឆ្នាំនេះ។
សព្វថ្ងៃអ្នកនាង ប៉េង ប៉ោង កំពុងមមាញឹកថតរឿង និងបទចម្រៀងសម្រាប់អបអរក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ប៉ុន្តែអ្នកនាងក៏ភ្លេចការព្យាយាមយកកូនដែររាប់តាំងពីការរួមរស់ជាមួយស្វាមី លេបថ្នាំ រក្សារបបអាហារត្រឹមត្រូវតាមគ្រូពេទ្យណែនាំ។ វិធីយកកូនថ្មីនេះ ត្រូវគ្រូពេទ្យជំនាញដាក់ការសង្ឃឹម៥០% ប៉ុន្ដែអ្នកនាងមានសង្ឃឹមរហូតដល់៩៩%។
អ្នកនាង មឿន និមល ហៅប៉េង ប៉ោង ដែលពេលនេះអាយុ៤៣ឆ្នាំ បានស្នងមរតកជាតារាសម្ដែង និងកំប្លែងពីឪពុក គឺនាយវីតាមីនសេ។ អ្នកនាង បានរៀបការជាមួយលោក ឱម ពីណែល ជិត១៥ឆ្នាំហើយ តែមិនទាន់មានកូនមួយទាល់តែសោះ៕
