- 2020-03-06 09:53:42
- ព័ត៌មាន
ផ្សារកសិផលធម្មជាតិ ឧកញ៉ា ឡេង ណាវ៉ាត្រា ដែលជិតបើក ល្បីថាមានចំណុចពិសេសខុសពីគេច្រើនណាស់
- 2020-03-06 09:53:42
- ចំនួនមតិ 0 | ចំនួនចែករំលែក 0
ផ្សារកសិផលធម្មជាតិ ឧកញ៉ា ឡេង ណាវ៉ាត្រា ដែលជិតបើក ល្បីថាមានចំណុចពិសេសខុសពីគេច្រើនណាស់
ចន្លោះមិនឃើញ
ប្រមាណ២ខែមកហើយ ព័ត៌មានអំពី "ផ្សារកសិផលធម្មជាតិ" របស់ ឧកញ៉ា ឡេង ណាវ៉ាត្រា បានសាយភាយ ស្របពេលដែលមានការលេចលឺទៀតថា ផ្សារនេះ មានចំណុចពិសេសៗច្រើន និងល្អសម្រាប់បងប្អូនប្រជាពលរដ្ឋ។
និយាយពី ផ្សារកសិផលធម្មជាតិ ដែលកំពុងសាយភាយ បានកើតឡើង ក្រោយតែប៉ុន្មានសប្ដាហ៍ប៉ុណ្ណោះ បន្ទាប់ពីបងប្អូនប្រជាកសិករ មួយចំនួនត្រូវបានគេឃើញមានទុក្ខលំបាកលើការរកទីផ្សារ ក្រោយពីប្រមូលផលកសិផលរបស់ខ្លួនហើយ។ គ្រានោះ តាមឧកញ៉ា ឡេង ណាវ៉ាត្រា ឲ្យដឹងថា ផ្សារនេះ នឹងជាកន្លែងបញ្ចេញផលិតផលកសិកម្មរបស់បងប្អូនប្រជាកសិករ ដែលកន្លងមកជួបរឿងពិបាកកន្លែងលក់កសិផលរបស់ខ្លួន។
ឧកញ៉ា វ័យក្មេង បញ្ជាក់ថា ផ្សាររបស់លោក នឹងប្រមូលទិញរាល់ផលិតផលកសិកម្មរបស់បងប្អូនប្រជាកសិករមិនឲ្យលំបាកទៀតអតីតកាលទៀតនោះទេ។ ប៉ុន្តែយ៉ាងណា បន្លែទាំងនោះ ត្រូវតែជាបន្លែធម្មជាតិ និងមានគុណភាពល្អ ដែលនេះជាចំណុចពិសេសមួយរបស់ផ្សារ។ និយាយដល់គុណសម្បត្តិនេះ ម្ចាស់គម្រោងអចលនទ្រព្យ ឡេង ណាវ៉ាត្រា បញ្ជាក់ ផ្សារកសិផលធម្មជាតិរបស់លោក មានបង្កប់នូវចំណុចពិសេសមួយចំនួន៖
១.ដូចបានបញ្ជាក់ពីខាងលើ ផលិតផលបន្លែដែលមានក្នុងផ្សារ គឺសំខាន់បំផុតត្រូវមានគុណភាពល្អ។ ចំណុចនេះ ផ្សារមានក្រុមជំនាញត្រួតពិនិត្យគុណភាពម្ហូបអាហារផ្ទាល់ខ្លួន ដែលត្រូវ បានបណ្ដុះបណ្ដាលបច្ចេកទេសនៅមជ្ឈមណ្ឌលត្រួតពិនិត្យប្រមូលផ្ដុំគុណភាព ឧបត្ថម្ភដោយប្រទេស ជប៉ុន និងបណ្ដុះបណ្ដាល បច្ចេកទេស លក្ខណៈ ស្តង់ដារ ពី ទីភ្នាក់ងារ សហប្រតិបត្តិការ អន្តរជាតិ ប្រទេស ជប៉ុន ហៅ កាត់ ថា(JICA) ទទួល ស្គាល់ ដោយ ក្រសួងកសិកម្ម ។
ក្រៅពីនេះ កសិផល ទាំងអស់ ត្រូវបាន តាមដាន ត្រួតពិនិត្យ តាំងពីកន្លែងដាំដុះរហូតដល់កន្លែងវេចខ្ចប់តែម្ដង។ជាងនេះទៅទៀត កសិករទាំងអស់ត្រូវបានចុះកិច្ចសន្យា និងកុងត្រា ស្របតាមគោលការណ៍ ដាំដុះ តាម គោល ការណ៍ ធម្មជាតិ ហើយក្រុមហ៊ុន បានបញ្ជូន ធនធាន មនុស្សគ្រប់ជំនាញ ចុះពន្យល់ និងណែនាំ លើការដាំដុះ តាមគោលការណ៍ ធម្មជាតិ ដោយមិនប្រើប្រាស់សារធាតុគីមីថែមទៀត។
២.ការវេចខ្ចប់៖ ម៉ត់ចត់លើគុណភាពផលិតផលជារឿងចាំបាច់ ប៉ុន្តែវេចខ្ចប់ ក៏ចាំបាច់ដូច ដើម្បីធានាថា មិនមានផលប៉ះពាល់ដល់ទំនិញ និងដើម្បីរក្សាអនាម័យទំនិញកសិផល។ ចំណុចនេះ ផ្សារមានប្រព័ន្ធវេចខ្ចប់ប្រកបដោយអនាម័យអនុលោមតាមស្តង់ដារ។
៣.ទូរសព្ទកុម្ម៉ង់ដោយឥតគិតថ្លៃ៖ ដើម្បីបង្ការលើការចំណាយបន្ថែមពីលើតម្លៃទំនិញ ផ្សារបានរៀបចំប្រព័ន្ធទូរសព្ទពិសេស ដែលផ្ដល់ជូនបងប្អូនប្រជាពលរដ្ឋសម្រាប់ការហៅចូលកុម្ម៉ង់ទំនិញដោយឥតគិតថ្លៃ។
៤.ការដឹកជញ្ជូនលឿន៖ ផ្សារបានរៀបចំប្រព័ន្ធដឹកជញ្ជូន ដោយចំណាយពេលត្រឹម ២០នាទីប៉ុណ្ណោះ ទំនិញនឹងបានទៅដល់បងប្អូនអតិថិជនទាំងអស់នៅរាជធានី។
តាមគម្រោង "ផ្សារកសិផលធម្មជាតិ" នេះគ្រោងនឹងបើកដំណើរការសាកល្បង នៅថ្ងៃទី ១៥ ខែ មីនា ឆ្នាំ២០២០ហើយ។ ទីតាំងកណ្ដាលរបស់គម្រោង គឺស្ថិតក្នុង Olympia កណ្ដាលរាជធានីតែម្ដង។ ផ្សារកសិផលដ៏ធំនេះ គ្រោង នឹងពង្រីកឲ្យបាន២៥០ សាខាទូទាំងប្រទេស។ ប៉ុន្តែជំហាន ដំបូងគឺធ្វើនៅភ្នំពេញ និងខេត្ត សៀមរាប ក្នុងនោះ តាមការបញ្ជាក់ ស្ទើរគ្រប់ បុរី ក៏ដូចជាទីប្រជុំជន ធំៗ នឹងមានវត្តមាន “ផ្សារកសិផលធម្មជាតិ ឡេង ណាវ៉ាត្រា”៕
ឥឡូវនេះលោកអ្នកអាចរកទិញ បន្លែ សាច់ សុវត្ថិភាព ពីផ្សារកសិផលធម្មជាតិ តាមរយៈលេខទូរសព្ទ ០១១ ៤៤៤ ៤៤៤!!!
