- 2020-03-13 02:24:04
- ជីវិតតារា
ខ្លាំងណាស់តើ នាយ ក្រឹប មានដំណឹងពីកូនប្រុសទី៣ទៀតហើយ!
- 2020-03-13 02:24:04
- ចំនួនមតិ 0 | ចំនួនចែករំលែក 0
ខ្លាំងណាស់តើ នាយ ក្រឹប មានដំណឹងពីកូនប្រុសទី៣ទៀតហើយ!
ចន្លោះមិនឃើញ
តារាសម្ដែង និងជាអ្នកកំប្លែងមាឌល្អិត លោក ខែម ផល្លា ហៅនាយ ក្រឹប ត្រៀមខ្លួនទទួលយកសមាជិកគ្រួសារថ្មីម្នាក់ទៀត ក្រោយពីដឹងថាភរិយារបស់លោក គឺអ្នកនាង ម៉ន ស្រីស កំពុងមានគភ៌បីខែ ហើយគ្រូពេទ្យជំនាញពិនិត្យឃើញថាជាកូនទៀតហើយ។
នាយ ក្រឹប និយាយថា សព្វថ្ងៃនេះរូបលោកមានកូនប្រុសពីរនាក់រួចហើយ ដោយកូនច្បងអាយុជាង៥ឆ្នាំ មានឈ្មោះថា ខែម សុខសម្បត្តិ និងកូនទី២ ឈ្មោះ ខែម លីហួរ។ រីឯកូនប្រុសទី៣ រូបលោក និងភរិយាមិនទាន់រកឈ្មោះដាក់ឃើញនៅឡើយទេ គឺរង់ចាំរហូតដល់កើតមកសិន។
កូនប្រុសទាំងពីរបស់នាយ ក្រឹប មានមុខមាត់ស្រដៀងនឹងនាយដែរ ប៉ុន្តែពួកគេមានកាយសម្បទា និងសុភាពល្អដូចម្ដាយ។ ចំពោះកូនទី៣របស់នាយដែលទើបនឹងចាប់ក្នុងផ្ទៃម្ដាយបានបីខែ ហើយគ្រូពេទ្យពិនិត្យឃើញថាជាកូនប្រុសទៀតនោះ គេនៅមិនទាន់ដឹងពីលក្ខណៈកាយសម្បទា និងទម្រង់មុខកាត់ទៅនាយ ឬទៅប្រពន្ធនាយនៅឡើយទេ។ គេត្រូវរង់ចាំរហូតដល់កូនក្នុងផ្ទៃបានអាយុ៦ខែ ទើបច្បាស់។
នាយ ក្រឹប ដែលពេលនេះមានវ័យ៣៥ឆ្នាំហើយនោះ ហាក់មិនភ្ញាក់ផ្អើលចំពោះកូនប្រុសទី៣របស់នាយនោះទេ ដោយលោកពោលថា "ខ្ញុំគ្រាន់តែសប្បាយចិត្ដធម្មតា ហើយប្រុសក៏បានស្រីក៏បានធ្វើម៉េចគាត់កើតមកជាកូនយើងហើយ"។
ចំពោះសំណួរថា ហេតុអ្វីបានជាលោកយកកូនញឹកម្ល៉េះ ឬលោកខ្លាចភរិយាប្រែប្រួលចិត្ដមិនព្រមយកកូនបន្ថែម ឬយ៉ាងណា? លោកឆ្លើយថា រូបលោក និងភរិយាបានព្រមព្រៀងគ្នាក្នុងការយកកូនទាំងអស់ ហើយអ្វីដែលត្រូវគិតទៀតនោះ គឺថាទៅថ្ងៃមុខត្រូវយកកូនបន្ថែមទៀត ឬអត់ប៉ុណ្ណោះ។
លោក ខែម ផល្លា បានរៀបការជាមួយអ្នកនាង ម៉ន ស្រីស ជិត៦ឆ្នាំហើយ។ គូរស្វាមីភរិយានេះ មានរូបសម្បត្តិខុសគ្នាស្រឡះ ដោយខាងមានរូបស្រស់សោភា និងខ្ពស់ស្រឡះ រីឯស្វាមីមានរាងទាបល្អិត។ ប៉ុន្តែនាយ ក្រឹប មានលទ្ធភាពចិញ្ចឹមបីបាច់ប្រពន្ធ និងកូនយ៉ាងល្អ តាមរយៈការសម្ដែងរឿង និងលេងកំប្លែងតាមកម្មវិធីផ្សេងៗ៕
