- 2020-03-19 03:35:00
- ជីវិតតារា
អតីតតារារួមផលិតកម្មជាមួយ BTS ជាប់គុក៣ឆ្នាំ ព្រោះលក់ម៉ាសបោកប្រាស់រដូវ Covid-19
- 2020-03-19 03:35:00
- ចំនួនមតិ 0 | ចំនួនចែករំលែក 0
អតីតតារារួមផលិតកម្មជាមួយ BTS ជាប់គុក៣ឆ្នាំ ព្រោះលក់ម៉ាសបោកប្រាស់រដូវ Covid-19
ចន្លោះមិនឃើញ
ក្រោយពេលត្រូវប៉ូលិសឃាត់ខ្លួនដោយសារលក់ម៉ាសបោកប្រាស់ រដូវកាលកំពុងមានវីរុសវាយលុកនោះ តារាចម្រៀងប្រុសវ័យក្មេង Huang Chi Bei ត្រូវបានកាត់ទោសឲ្យជាប់គុកចំនួន៣ឆ្នាំ។
កាលពីព្រឹកថ្ងៃទី ១៨ ខែមីនាកន្លងទៅនេះ បណ្ដាញព័ត៌មាន Sina បានចុះផ្សាយថា ក្រោយពេលរង់ចាំសេចក្ដីសម្រេចពីតុលារការ ៣សប្ដាហ៍នោះ នៅពេលនេះសេចក្ដីសម្រេចចុងក្រោយសម្រាប់បទល្មើសលក់ម៉ាសបោកប្រាស់របស់តារាចម្រៀងប្រុសចិន Huang Chi Bei បានចេញហើយ។ តាមនោះដែរ ប្រុសស្អាតរូបនេះ ត្រូវពិន័យជាប្រាក់សុទ្ធ៦០០០ដុល្លារ និងជាប់ពន្ធគារ ចំនួន ៣ឆ្នាំ ៣ខែ។
គួរបញ្ជាក់ផងដែរថា កាលពីខែកុម្ភៈកន្លងទៅ តារាប្រុសខាងលើ បានណាត់លក់ឲ្យនារីម្នាក់ដែលមានទឹកប្រាស់សរុបឡើងដល់ ១២០០០ដុល្លារ តែនៅពេលយកលុយគេហើយ លោកបែរជាគ្មានម៉ាសលក់ទៅវិញ។
ក្រោយមកគេរកឃើញលោកកំពុងពួននៅផ្ទះ មិនព្រមចេញមកជួបមុខអ្នកទិញឡើយ។ នៅពេលមកដល់ប៉ុស្តិ៍ប៉ូលិស តារាវ័យ២៧ឆ្នាំ បានឲ្យដឹងថា ដោយសារតែវិស័យសិល្បៈកំពុងជាប់គាំង លោកគ្មានចំណូលក៏ប្ដូរមកលក់ម៉ាស ខណៈពេលនោះប្រទេសចិនកំពុងមានរោគកូរ៉ូណាកើតឡើង។ លោកបន្ថែមថា ខ្លួនក៏មិនបានចង់បោកប្រាស់ឡើយ ប៉ុន្តែនៅពេលលោកយកលុយគេ ហើយទៅទិញម៉ាសមកលក់តនោះ បែររកមិនបាន ទើបគេចខ្លួនតែម្ដង។
មុនពេលជាប់គុកបែបនេះ ប្រុសស្អាតរូបនេះ ធ្លាប់ជាតារាហ្វឹកហាត់នៅផលិតកម្ម Big Hit ដែលជាជម្រកនៃក្រុមចម្រៀងប្រុសល្បីឈ្មោះ BTS។ ក្រោយមកលោកក៏ប្ដូរមកផលិតកម្ម Yuehua Entertainment និងបានប្រលងក្នុងកម្មវិធី Produce 101 របស់ចិន៕
