- 2020-03-26 02:44:26
- ព័ត៌មាន
ទីបំផុត Yoon Eun Hye ចេញមុខនិយាយពីព័ត៌មានល្បីថាមានស្នេហាជាមួយ Jongkook ហើយ
- 2020-03-26 02:44:26
- ចំនួនមតិ 0 | ចំនួនចែករំលែក 0
ទីបំផុត Yoon Eun Hye ចេញមុខនិយាយពីព័ត៌មានល្បីថាមានស្នេហាជាមួយ Jongkook ហើយ
ចន្លោះមិនឃើញ
តារាសម្ដែងស្រីដ៏មានប្រជាប្រិយភាព Yoon Eun Hye បានចូលរួមក្នុងកម្មវិធី Radio Star កាលពីពេលថ្មីៗនេះ ជាពេលដែលនាងនិយាយពីព័ត៌មានដែលល្បីរាប់ឆ្នាំ ថានាងមទាក់ទងស្នេហាជាមួយនឹងតារាសម្ដែង Kim Jong Kook។
អំឡុងពេលនៃការបង្ហាញខ្លួនក្នុងកម្មវិធីពេលនោះ Eun Hye បានទម្លាយថានាងមិនសូវចេញទៅក្រៅជួបមនុស្សម្នាទេ ក្រៅពីក្រុមការងារដែលនៅក្នុងក្រុមហ៊ុនរបស់នាង។ ភ្លាមនោះពិធីករ Kim Gura បានសួរភ្លែតថា តើនាងមិនចេញជួប Kim Jong Kook ទេឬ?
តារាស្រីរូបនេះក៏បានឆ្លើយថាអត់បានជួបទេ ព្រមទាំងសារភាពត្រង់ៗថានាងមិនដែលជួបជាមួយនឹងតារាប្រុសៗណាទេ ពេលទំនេរពីការងារ មានន័យថាការងារដឹងការងារ ប៉ុន្តែបើត្រូវដើរលេងនៅក្រៅជាមួយប្រុសណានោះ គឺគ្មានទេ។
ងាកទៅមើលចចាមអារ៉ាមស្នេហារបស់ Yoon Eun Hye និង Kim Jong Kook វិញ បានចាប់ផ្ដើមតាំងពីអំឡុងពេលថតកម្មវិធី XMAN ដែលផ្សាយ១៥ឆ្នាំមុនមកម្ល៉េះ។ អ្នកទាំង ២ តែងត្រូវគេផ្គូរផ្គងជាមួយគ្នា ហើយពាក្យចចាមអារ៉ាមក៏បានបន្តហូរហែរហូតមកដល់ពេលនេះនៅតែមិនស្ងាត់ មានន័យថាឲ្យតែគេនិយាយពីរឿងស្នេហា ពួកគេតែងមានឈ្មោះត្រូវគេលើកឡើងជាមួយគ្នាជានិច្ច៕
