- 2020-04-08 03:16:12
- ជីវិតតារា
ប៉ែន ចំរ៉ុង វ៉ក់វីនឹងការងារពេក ស្ទើរភ្លេចក្ដីសុខភរិយា
- 2020-04-08 03:16:12
- ចំនួនមតិ 0 | ចំនួនចែករំលែក 0
ប៉ែន ចំរ៉ុង វ៉ក់វីនឹងការងារពេក ស្ទើរភ្លេចក្ដីសុខភរិយា
ចន្លោះមិនឃើញ
ពិធីករល្បីឈ្មោះម្នាក់របស់ស្ថានីយទូរទស្សន៍ ភី អិន អិន លោក ប៉ែន ចំរ៉ុង កំពុងវក់វីនឹងការងារដែលរយៈពេលចុងក្រោយនេះគេសង្កេតឃើញថាលោកមានភាពមមាញឹកនឹងការងារសិល្បៈ និងជំនួញផ្នែកអចលនទ្រព្យ ព្រមទាំងចូលរួមយ៉ាងសកម្មក្នុងបេសកកម្មប្រយុទ្ធប្រឆាំងមេរោគកូវីដ-១៩ ជាមួយមិត្ដសិល្បៈ និងសប្បុរសជន។
គេអាចចាត់ទុកបានថា លោក ប៉ែន ចំរ៉ុង មានចរិត និងសកម្មភាពការងារប្លែកពីតារាដទៃបន្តិច ដោយសារតែនៅគ្រាហ៍ដែលកូវីដ-១៩ កំពុងវាយលុកខ្លាំងនេះ មានតារាៗភាគច្រើន បានសម្ងំនៅផ្ទះ និងជួបជុំគ្រួសារដើម្បីបង្កើនសុភមង្គលក្នុងគ្រួសារផង និងគេចចេញពីការឆ្លងមេរោគផ្លូវដង្ហើមដ៏កាចសាហាវនេះផង។ ប៉ុន្ដែបើងាកមកមើលលោក ប៉ែន ចំរ៉ុង វិញរ គឺថាវល់នឹងការងារមនុស្សធម៌ និងអាជីវកម្មផ្ទាល់ខ្លួនស្ទើរតែរកពេលហូបបាយគ្មានផង។
នៅថ្ងៃនេះ លោក ប៉ែន ចំរ៉ុង បានបញ្ចេញពាក្យផ្អែមល្ហែមសុំទោសភរិយា និងកូនដែលទើបចាប់កំណើតក្នុងផ្ទៃម្ដាយបានប៉ុន្មានខែចំពោះរូបលោកមិនបាននៅថ្នាក់ថ្នម និងផ្ដល់ក្ដីសុខដល់ពួកគេ។
លោកថ្លែងនៅលើទំព័រហ្វេសប៊ុកផ្ទាល់ខ្លួនរបស់លោកនៅប៉ុន្មាននាទីមុននេះដោយភ្ជាប់រូបថតថើបពោះភរិយា នៅមាត់សមុទ្រមួយសន្លឹកថា "សុំទោសដែលមួយរយៈនេះប៉ា និងប្ដី មិនបានបំពេញសេចក្ដីត្រូវការរបស់អ្នកទាំងពីរបាន"។
លោក ប៉ែន ចំរ៉ុង ក៏បានបញ្ចេញសារដ៏ផ្អែមល្ហែម និងកក់ក្ដៅមួយឃ្លាថា ពន្លឺជីវិតរបស់កូនលោក គឺ ជាសេចក្ដីសុខរបស់លោក ហើយសេចក្ដីសុខរបស់ភរិយា គឺជាក្ដីសុខរបស់លោកដែលលោកចាត់ទុកអ្នកទាំងពីរ គឺជាព្រលឹងចិត្តរបស់លោក៕
