- 2020-04-20 07:50:54
- ព័ត៌មាន
អត់សរសើរមិនបាន...ព្រាប សុវត្ថិ បរិច្ចាគបៀវត្សខ្លះដើម្បីជួយជាតិ!
- 2020-04-20 07:50:54
- ចំនួនមតិ 0 | ចំនួនចែករំលែក 0
អត់សរសើរមិនបាន...ព្រាប សុវត្ថិ បរិច្ចាគបៀវត្សខ្លះដើម្បីជួយជាតិ!
ចន្លោះមិនឃើញ
តារាចម្រៀងជួរមុខប្រចាំផលិតកម្មរស្មីហង្សមាស លោក ព្រាប សុវត្ថិ ទទួលបានការកោតសរសើរ និងគោរពស្រឡាញ់កាន់តែខ្លាំងពីអ្នកគាំទ្រ បន្ទាប់ពីលោកបានបរិច្ចាគផ្ទួនៗគ្នានូវថវិកាផ្ទាល់ខ្លួនដល់សកម្មភាពមនុស្សធម៌។
តាមរយៈសារបង្ហោះលើហ្វេសប៊ុកផ្ទាល់ខ្លួនរបស់លោក កាលពីថ្ងៃទី១៨ ខែមេសា មានអ្នកសិល្បៈ និងអ្នកគាំទ្រជាច្រើន បាន Comment សរសើរថា លោក ព្រាប សុវត្ថិ មិនត្រឹមតែមានសំឡេងពីរោះ និងរូបសម្បត្តិស្អាតបាតហើយ ថែមទាំងចិត្តល្អទៀត ហើយដឹងពីទុក្ខលំបាករបស់ជាតិក្នុងគ្រាហ៍ដែលប្រទេសកម្ពុជា កំពុងគំរាមកំហែងដោយកូវិដ-១៩។
ក្នុងនាមជានាយរងការិយាល័យទី៥ នៃកងទ័ពជើងគោក លោក ព្រាប សុវត្ថិ បានបរិច្ចាគប្រាក់បៀវត្សផ្ទាល់ខ្លួនចំនួន ៤០ម៉ឺនរៀល រយៈពេល ៦ខែ គឺគិតចាប់ពីខែឧសភា ដល់ខែតុលា ឆ្នាំ២០២០ ដល់គណៈកម្មាធិការជាតិប្រយុទ្ធប្រឆាំងនឹងជំងឺកូវិដ-១៩។ លោកនិយាយថា ក្នុងស្មារតីចូលរួមចំណែកជាមួយរាជរដ្ឋាភិបាលក្នុងការប្រយុទ្ធប្រឆាំងនឹងកូវិដ-១៩ រូបលោក និងគ្រួសារ ស្ម័គចិត្ដបរិច្ចាគថវិកានេះ។
សូមរំលឹកថា កាលពីដើមទី នៃការឆ្លងរាតត្បាតជាសកលនូវមេរោគកូវិដ-១៩ លោក ព្រាប សុវត្ថិ ក៏បានបរិច្ចាគថវិកាផ្ទាល់ខ្លួនមួយចំនួនដែរជាមួយតារាផ្សេងទៀត តាមរយៈលោក ហេង ឡុង ដែលជាតំណាងសមាគមសិល្បករខ្មែរ ដើម្បីយកទៅធ្វើសកម្មភាពមនុស្សធម៌ក្នុងគ្រាហ៍ដែលប្រទេសកម្ពុជា កំពុងគំរាមកំហែងដោយមេរោគកូវិដ-១៩៕
