- 2020-05-05 06:19:27
- ជីវិតតារា
ទៅដល់វិទ្យាល័យធ្លាប់រៀន នាយ ពាក់មី នឹកឃើញដល់អនុស្សាវរីយ៍ចាស់ជាច្រើន!
- 2020-05-05 06:19:27
- ចំនួនមតិ 0 | ចំនួនចែករំលែក 0
ទៅដល់វិទ្យាល័យធ្លាប់រៀន នាយ ពាក់មី នឹកឃើញដល់អនុស្សាវរីយ៍ចាស់ជាច្រើន!
ចន្លោះមិនឃើញ
នៅថ្ងៃនេះ តារាកំប្លែងលោក ចែម ចាន់រ៉ា ហៅនាយ ពែកមី បានរំលឹកអនុស្សាវរីយ៍ដ៏កម្សត់កម្រមួយ កាលពីកុមារភាព ដោយលោកបានទៅដល់វិទ្យាល័យជីភូ ដែលជាសាលារបស់លោក និងនាយគ្រឿនធ្លាប់រៀនសូត្រ។
នៅលើគណនីហ្វេសប៊ុករបស់នាយពាក់មីដែលបានបង្ហោះនៅព្រឹកថ្ងៃទី៥ ខែឧសភា ដោយមានភ្ជាប់រូបថត៥សន្លឹកផងនោះ លោកពាក់មីបានសរសេរស្វែងរកអតីតសិស្សវិទ្យាល័យជីភូក្នុងឆ្នាំ១៩៩៣ ថាតើពួកគេទៅណាអស់ហើយ? រហូតមកដល់ពេលនេះលោកមិនចាំសោះនូវឈ្មោះមិនរួមថ្នាក់ប្រុសៗ ប៉ុន្ដែនៅចាំតែឈ្មោះស្រីៗដូចជា៖ ប៉ែន ពេជ្រដានី គឹម រតនា និងឈ្មោះ នួន សាតជាដើម។
លោកក៏បានរំលឹកអនុស្សាវរីយ៍កាលណោះដែរថា កូនគេមានកង់មីគីជិះទៅរៀនឡូយណាស់ ហើយក្រោយមកមានចេញកង់ដៃកូរ៉េ៖"ចំណែកខ្ញុំ២នាក់ខ្មោចអាគ្រឿន ជិះតែកង់ដឹកស្រូវទៅរៀនទេ"។
នៅក្នុងរូបថតដែលបានបង្ហោះទាំង៥សន្លឹកនេះ គេក៏ឃើញមានវត្ដមាននាយគ្រឿនដែលជាប្អូនបង្កើតរបស់នាយពាក់មីដែរ ប៉ុន្ដែគេមិនដឹងថាតើនាយគ្រឿនបាននឹកឃើញនូវអនុស្សាវរីយ៍អ្វីខ្លះ ហើយលោកបាននិយាយអ្វីទៅកាន់មិត្ដរួមថ្នាក់ ឬមិត្ដរួមសាលានៅឯស្រុកកំណើតក្នុងខេត្តស្វាយរៀងនោះទេ៕
