- 2020-06-04 01:29:00
- ព័ត៌មាន
តារាស្រីទាំងនេះត្រូវរងការអាម៉ាស ពេលធ្វើរឿងមួយចំនួនដែលជាទម្លាប់សាមញ្ញរបស់តារាប្រុស
- 2020-06-04 01:29:00
- ចំនួនមតិ 0 | ចំនួនចែករំលែក 0
តារាស្រីទាំងនេះត្រូវរងការអាម៉ាស ពេលធ្វើរឿងមួយចំនួនដែលជាទម្លាប់សាមញ្ញរបស់តារាប្រុស
ចន្លោះមិនឃើញ
ទោះជាមនុស្សមានសិទ្ធិដូចគ្នា សមត្ថភាព និងភាពក្លាហានដូចគ្នា ប៉ុន្តែនៅតែមានរឿងខ្លះតារាស្រីរបស់ K-Pop មិនអាចធ្វើបានដូចតារាប្រុសបានទេ។ ប្រសិនបើពួកគេភ្លេចខ្លួន ឬប្រហែសដោយប្រការណាមួយនោះ នោះព្យុះភ្លៀងនៃការរិះគន់នឹងមករកភ្លាម។ ដូចតារាស្រីខាងក្រោមជាឧទាហរណ៍បាន៖
១. HyunA
នាងគឺជាតារាស្រីដែលស្ថិតនៅលើតារាងតារាសិចស៊ីប្រចាំពិភព K-Pop។ ពេលឡើងសម្ដែងម្ដងៗលើឆាក អ្នកគាំទ្រពិតជាពេញចិត្តនឹងសម្លៀកបំពាក់គ្រប់ឈុត ពិសេសក្បាច់រាំរស់រវើករបស់នាង សូម្បី Hater ភ្លេចខ្លួនជក់ចិត្តការសម្ដែងរបស់នាងម្ដងម្កាលដែរ។ ប៉ុន្តែថ្ងៃមួយពេលឡើងសម្ដែងក្នុងកម្មវិធីមួយ នាងបានជ្រើសយកឈុតសាមញ្ញមកស្លៀក ប៉ុន្តែនៅតែរក្សា Concet បែប Sexy។ ពេលសម្ដែងនាងបានស្ទាបទ្រូងបន្តិច រហូតធ្វើឲ្យអ្នកខ្លះមិនពេញចិត្ត។
ដោយឡែកបើក្រឡេកទៅមើលតារាប្រុសវិញ ទោះបីពួកគេរាំដោះអាវ បង្ហាញសាច់ដុំទាំងកង់ៗ ឬខំស្ទាបកន្លែងណាក៏បានក៏គ្មានបញ្ហា ឬមិនចាំបាច់ត្រូវឈឺក្បាលដោយសារពាក្យរិះគន់ដែរ។
២. Irene
មេក្រុម Red Velvet រូបនេះត្រូវគេរិះគន់ខ្លាំង ពេលនាងទម្លាយថា នាងបានអានសៀវភៅ «Kim Ji Young, Born 1982» សៀវភៅដែលនិយាយពីវឌ្ឍនភាពរបស់ប្រទេសកូរ៉េសម្រាប់ទស្សនៈស្ត្រីនិយម។ Hater បានយករូពរបស់នាងមកកាត់កំទេច ខ្លះទៀតយកដុតក៏មាន នេះក៏ព្រោះពួកគេខឹងដែលនាងអាចសៀវភៅ ទស្សនៈនិយម ឬ Feminism នេះឯង។
ករណីដូចគ្នានេះមិនមែន Irene ម្នាក់ទេដែលត្រូវក្លាយជាជនរងគ្រោះ ព្រោះ Suzy, Seolhyun (ក្រុម AOA) និង Naeun (ក្រុម APINK) ក៏ត្រូវរងភាពអាម៉ាស និងចេញមុខសុំទោសជាសាធារណៈទៀតផង។
ខុសពី Irene ព្រោះបើងាកមើល RM វិញ ក៏បាននិយាយថា លោកក៏ជាអ្នកអានសៀវភៅ «Kim Ji Young, Born 1982» ដែរ ប៉ុន្តែពេលនោះ លោកត្រូវគេកោតសរសើរ ដែលយកចិត្តទុកដាក់នឹងបញ្ហាសង្គមជាតិនាពេលបច្ចុប្បន្ន។ បន្ថែមពីលើនោះ អ្នកគាំទ្រថែមទាំងលើក RM ជាតារាវៃឆ្លាត ដែលចូលចិត្តអានសៀវភៅរបស់អ្នកនិពន្ធជាច្រើននាក់ទៀតផង។
៣. Krystal
ពិតណាស់ ការឡើងទម្ងន់ វាមិនមែនជាកំហុសនោះទេសម្រាប់មនុស្សទូទៅ ប៉ុន្តែវាបានក្លាយជាភាពអាម៉ាសរបស់តារាស្រីរបស់ K-Pop ទៅវិញ។ ដូច Krystal មានម្ដងនោះ នាងត្រូវគេប្រទះនៅព្រលានយន្តហោះ ដោយសភាពពេលនោះ គឺនាងធាត់ខុសពីធម្មតា ហេតុនេះវាក្លាយជាឱកាសសម្រាប់ Hater ដែលនិយាយមើលងាយនឹងរូបរាងរបស់នាងទៅវិញ។
ស្ថិតក្នុងករណីដដែល មិនមែនមានតែ Krystal ទេ សូម្បី Seulgi (ក្រុម Red Velvet), Chaeyeon, Eunji, Ailee, និង Uee ជាដើមក៏ធ្លាប់ជួបរឿងបែបនេះដែរ។
ប៉ុន្តែបើសម្លឹងទៅមើលតារាប្រុស តួយ៉ាងដូច Shindong (ក្រុម Super Junior) និង Loco ជាដើម ទោះបីធាត់យ៉ាងណាក៏គ្មានអ្នកណាថាអីដែរ ហើយការងារ Promote បទចម្រៀងនៅតែដំណើរការធម្មតា ដោយគ្មានពាក្យរិះគន់។
៤. Hyejeong
អ្នកដែលមិនចូលចិត្តនាងបានចម្អកដាក់សមាជិកក្រុម AOA រូបនេះ នៅពេលដៃនាងកាន់ស្លាបព្រា ដូចកាន់បារីជក់។ តាំងពីនោះមក ពាក្យចចាមអារ៉ាមក៏ផ្ទុះជាបន្តបន្ទាប់ថានាងជាមនុស្សដែលជក់បារីសាហាវ តាំងពីនៅរៀន។ ពាក្យមិនល្អទាំងនេះ ពិតជាបានប៉ះពាល់ធ្ងន់ខ្លាំងដល់នាង និងក្រុមទាំងដែលសាមីខ្លួនគ្មានកំហុសសោះ។
សម្រាប់តារាប្រុសវិញ ក៏ត្រូវគេដឹងថា ជាអ្នកចូលចិត្តជក់បារីដែរ ប៉ុន្តែផ្ទុយពីការមើលងាយ ឬរិះគន់ អ្នកគាំទ្របែរជានាំគ្នាបង្ហាញពីក្ដីបារម្ភពីសុខភាពតារាទាំងនោះជំនួសវិញ។
៥. Gyuri
មានពេលមួយនោះ Gyuri បានលើកយកប្រធានបទមួយគឺ «សម្រស់ និងទំនុកចិត្ត» ហើយពេលនាងចូលរួមកម្មវិធីផ្សេងៗរបស់ទូរទស្សន៍ នាងក៏បានហៅខ្លួនឯងថា ព្រះនាងស្រ់ស្អាត ពេលនោះហើយដែលបណ្ដាអ្នកមិនចូលចិត្តបាននាំគ្នាថាមួយមួយចាស់ដៃ សម្ដែងការមិនពេញចិត្តថានាង ជឿជាក់នឹងសម្រស់ខ្លួនឯងជ្រុលពេក។ ទោះជាយ៉ាងណា នេះជាសិទ្ធិរបស់នាងក្នុងការបង្ហាញទំនុកចិត្ត និងផ្ដល់ក្ដីស្រឡាញ់ឲ្យខ្លួនឯង តែបែរជាជួបរឿងបែបនេះទៅវិញ។
ប្រធានបទ «ការជឿជាក់ខ្ពស់លើសម្រស់ខ្លួនឯង» ដដែល ប៉ុន្តែនៅពេលតារាប្រុសយកមកនិយាយ គ្មានអ្នកណារិះគន់ឡើយ។ ដូច Hee Chul (ក្រុម Super Junior) តែងសរសើរខ្លួនឯងថាជា «Universe Biggest Star» ឯ Jin (ក្រុម BTS) តែងបង្ហាញមុខជាមួយនឹងឃ្លាប្រចាំខ្លួន «Worldwide Handsome» ជានិច្ច។ អ្វីដែលពួកគេទទួលបានត្រឡប់ទៅវិញគឺ ក្ដីស្រឡាញ់ និងការកោតសរសើរដែលតារាទាំងនេះចេះជម្រុញឲ្យគ្រប់គ្នាស្រឡាញ់ជឿជាក់លើខ្លួនឯងបែបនេះ៕
