- 2020-06-15 03:19:59
- ជីវិតតារា
ហេតុផលសំខាន់ពីរ ដែលធ្វើឲ្យ មាស សុខសោភា ប្រកាសដកឃ្លាពីសិល្បៈមួយរយៈ
- 2020-06-15 03:19:59
- ចំនួនមតិ 0 | ចំនួនចែករំលែក 0
ហេតុផលសំខាន់ពីរ ដែលធ្វើឲ្យ មាស សុខសោភា ប្រកាសដកឃ្លាពីសិល្បៈមួយរយៈ
ចន្លោះមិនឃើញ
ក្រោយដើរចេញពីផលិតកម្មថោននៅដើមខែមិថុនា ឆ្នាំ២០២០ នេះតារាចម្រៀងស្រីល្បីឈ្មោះ មាស សុសោភាព ប្រកាសថានឹងបន្ធូរដៃពីអាជីពសិល្បៈ ឬខំប្រឹងផលិតបទចម្រៀងដោយខ្លួនឯងយ៉ាងហោចណាស់១ឆ្នាំសិន ដើម្បីទុកពេលធ្វើជំនួញ និងបង្កើតពេលវេលាល្អៗសម្រាប់ខ្លួនឯងឲ្យបានច្រើន។
ទោះជាយ៉ាងណា នាងថាបើមានផលិតកម្មថ្មីមកទាក់ទងដើម្បីកុងត្រាច្រៀងឲ្យគេនៅមុនពេលដែលនាងបានកំណត់ខ្លួនឯងឲ្យឃ្លាតឆ្ងាយពីសិល្បៈមួយរយៈនេះ ក៏នាងនឹងពិចារណានឹងចូលច្រៀងវិញដែរ ព្រោះនាងយល់ថាឱកាសល្អមានមិនច្រើនក្នុងការរុញឲ្យនាងកាន់តែល្បី និងមានការគាំទ្រច្រើន។ ប៉ុន្តែបើពុំមានទេ នោះក៏ជាឱកាសល្អមួយសម្រាប់នាងដែរដើម្បីពង្រឹងមុខជំនួញមួយដែលនាងមិនអាចប្រាប់បានថាជាមុខជំនួញអ្វីនៅឡើយជាមួយបងប្អូន។
មាស សុខសោភា និយាយថា សព្វថ្ងៃនេះ នាងកំពុងរវល់ខ្លាំងជាមួយនឹងមុខជំនួញមួយជាមួយបងប្អូននៅឯស្រុកកំណើត ហើយនាងក៏ពុំសូវមានពេលឡើងមកភ្នំពេញ ឬច្រៀងតាមកម្មវិធីផ្សេងៗ នៅក្នុងកាលៈទេសៈនេះដែរ។
តារាចម្រៀងវ័យកណ្ដាលរូបស្រស់សោភាកញ្ញា មាស សុខសោភា គឺជាតារាចម្រៀងឯករាជ្យ ហើយនាងចាប់ផ្ដើមមានឈ្មោះបោះសំឡេងកាន់តែខ្លាំង នៅអំឡុងពេលដែលនាងច្រៀងឲ្យផលិតកម្មថោនអស់រយៈពេលជិត១០ឆ្នាំ។ ក្នុងរយៈពេលជិត១០ឆ្នាំនេះ នាងពុំមានកុងត្រាជាមួយផលិតកម្មទេ តែនាងគឺជាតារាចម្រៀងដ៏សកម្មម្នាក់។
ទោះជាយ៉ាងណា មាស សុខសោភា បានសម្រេចចិត្តដើរចេញពីផលិតកម្មដែលនាងធ្លាប់ជ្រកកោនយូរមកហើយនេះ ទាំងមិនទាន់ដឹងច្បាស់ថានាងត្រូវដើរចូលផលិតកម្មថ្មីមួយណាពិតប្រាកដនៅឡើយ។ នាងលើកឡើងថា រយៈពេលបីឆ្នាំចុងក្រោយនេះផលិតថោនមិនសូវបង្កើតកម្មវិធីឲ្យតារាៗបានបង្ហាញមុខដល់មហាជន ដោយទុកឲ្យតារាដើរច្រៀងរាត់រាយ ហើយនាងត្រូវទទួលការងារច្រើនលើសពីតួនាទីអ្នកចម្រៀង៕
