គូស្នេហ៍តារាកូរ៉េស្រឡាញ់គ្នាស្មោះស្ម័គ្រ ៧គូដែលសុទ្ធតែមានប្រភពចេញពី «Friendzone»

2020-06-23 01:59:13
ព័ត៌មាន

2020-06-23 01:59:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រវត្តិស្នេហាកើតឡើងតែងមានកំណើតខុសគ្នា ខ្លះឃើញភ្លាមស្រឡាញ់ភ្លែត ស្របពេលខ្លះទៀតត្រូវចំណាយពេលយូរដើម្បីយល់ចិត្តគ្នា ឬអាចនិយាយបានថាទម្រាំលេចចេញជារឿងស្នេហា ពួកគេគឺជាមិត្តធម្មតានឹងគ្នាប៉ុណ្ណោះ។ ដូចតារាកូរ៉េទាំង ៨គូនេះជាដើម ស្នេហារបស់ពួកគេសុទ្ធតែមានប្រភពពី "Friendzone” បានន័យថាមិត្តភាពបាននាំពួកគេឲ្យចេះយល់ចិត្តគ្នា រហូតវិវត្តទៅជាគូស្នេហ៍។

១. Jun Ji Hyun និងស្វាមី Choi Jin Hyuk

រឿងស្នេហាដ៏ផ្អែមល្ហែមរបស់ Jihyun និងស្វាមីបានធ្វើឲ្យអ្នកគាំទ្ររំភើបខ្លាំងបំផុត។ អ្នកទាំង ២ត្រូវគេដឹងថា ពីមុនគឺជាមិត្តល្អនឹងគ្នាតាំងពីនៅរៀនថ្នាក់បថមសិក្សាម្ល៉េះ។ រហូតដល់ធំពេញវ័យរៀងខ្លួន អ្នកទាំង ២ក៏នៅតែរាប់អានគ្នា ហើយយូរៗទៅមិត្តភាពនេះក៏ក្លាយទៅជាស្នេហា និងឈានដល់ថ្ងៃសាងជីវិតរួមគ្នាជាគ្រួសារតែម្ដង។ មកទល់ពេលនេះពួកគេមានកូន ២នាក់ហើយ។

២. Jo Jung Suk និង Gummy

មួយគូនេះក៏បានក្លាយជាគូស្នេហ៍គំរូប្រចាំពិភពសិល្បៈកូរ៉េដែរ។ មុនទំនាក់ទំនងស្នេហារបស់ពួកគេប្រកាសជាផ្លូវការ មានមនុស្សតិចណាស់ដែលដឹងថាពួកគេស្រឡាញ់គ្នា។ អ្វីដែលគួរឲ្យរីករាយ ស្នេហាបែបចាស់ទុំនេះក៏បាននាំអ្នកទាំង ២ឈានដល់ថ្ងៃរៀបការ។

Jo Jung Suk និង Gummy បានស្គាល់គ្នាដំបូងតាមរយៈមិត្តរៀងៗខ្លួន និងភ្លាមៗដោយសារនិស្ស័យ ពួកគេក៏ចាប់ផ្ដើមជិតស្និទ្ធនឹងគ្នា រហូតក្លាយជាគូស្នេហ៍ស្រឡាញ់គ្នាស្មោះស្ម័គ្រគួរឲ្យសរសើរ។

៣. Lee Joon និង Jung So Min

មុនសម្ដែងរឿង «My Father is Strange» ជាមួយគ្នា ទាំង ២នាក់នេះជាអ្នកដទៃសុទ្ធសាធ មិនទាំងដែលស្គាល់គ្នាផង។ ហេតុតែនិស្ស័យ ពួកគេក៏មានឱកាសបានសម្ដែងរឿងជាមួយគ្នា ហើយដោយសារពេលវេលារួមការងារជុំគ្នានេះហើយ ទើបធ្វើឲ្យពួកគេចាប់ផ្ដើមចាប់អារម្មណ៍គ្នាទៅវិញទៅមក។ ដំណឹងស្នេហាអ្នកទាំង ២ត្រូវបានផ្ទុះឡើងកាលពីដើមឆ្នាំ ២០១៨ គួរឲ្យរំភើប ពួកគេក៏បានទទួលការគាំទ្រជាច្រើនពី Fan។

៤. Choi Tae Joon - Park Shin Hye

នៅឆ្នាំ ២០១៨ គូស្នេហ៍១គូនេះ ក៏បានធ្វើឲ្យមហាជនភ្ញាក់ផ្អើលដែរ ពេលប្រកាសពីព័ត៌មានស្នេហារយៈពេលជាង ១ឆ្នាំ។ តាមពិតទៅពួកគេបានស្គាល់គ្នាយូរមកហើយ ព្រោះរៀនសាកលវិទ្យាល័យតែមួយរួមគ្នា ប៉ុន្តែអ្នកណាទៅដឹងថានិស្ស័យរបស់ពួកគេមានលើសពីមិត្តរួមសាលាទៅទៀត គឺជាគូស្នេហ៍ប្រចាំពិភពសិល្បៈ។ នេះគឺជាទំនាក់ទំនងស្នេហាអស្ចារ្យពិតៗ ដែលកើតចេញពីមិត្តភាពពួកម៉ាក និងជាអ្វីដែលមនុស្សគ្រប់គ្នាប្រាថ្នាចង់បាន។

៥. Cha Tae Hyun និង Choi Suk Eun

សម្រាប់ Cha Tae Hyun វិញធ្លាប់បាននិយាយថា លោកជួបប្រពន្ធរបស់លោកដំបូងកាលពីនៅរៀនថ្នាក់វិទ្យាល័យ ហើយជួបភ្លាម លោកស្រាប់តែលួចស្រឡាញ់ភ្លែត។ ប៉ុន្តែពេលនោះ លោកអឹមអៀនខ្លាំងណាស់ មិនហ៊ាននិយាយរកអ្នកដែលខ្លួនស្រឡាញ់ផង។ ប៉ុន្តែដំបូងពួកគេក៏រាប់អានគ្នាជាមិត្តភ័ក្តិរយៈ ២ឆ្នាំសិន ទើប Tae Hyun សម្រេចសារភាពចំពោះ Suk Eun តែម្ដង។ ចំណងស្នេហារបស់ពួកគេ មានរយៈពេលជាង ១៤ឆ្នាំហើយ ហើយសព្វថ្ងៃពួកគេមានកូន ៣នាក់សុទ្ធតែគួរឲ្យស្រឡាញ់។

៦. Han Chae Young និង Choi Dong Joon

ពីដំបូង Chae Young និងអ្នកជំនួញម្នាក់ឈ្មោះ Choi Dong Yoon គឺជាមិត្តល្អនឹងគ្នា។ ដើមឡើយ ពួកគេគិតថាគួររក្សាមិត្តភាពនេះជារៀងរហូត ប៉ុន្តែចុងបញ្ចប់អ្នកទាំង ២ស្រាប់តែមានអារម្មណ៍ល្អឲ្យគ្នាទៅវិញទៅមក ទើបសម្រេចទាក់ទងគ្នាជាគូស្នេហ៍ និងរៀបការជាមួយគ្នានៅឆ្នាំ ២០០៧។

៧. Se7en និង Lee Da Hae

តារាកូរ៉េមួយគូនេះ ត្រូវបានគេដឹងថាជាមិត្តជិតស្និទ្ធនឹងគ្នាអស់រយៈពេលជាយូរណាស់មកហើយ។ ប៉ុន្តែបន្ទាប់ពីចំណាយពេលនៅជិត គាំទ្រគ្រប់យ៉ាង ជួយផ្ដល់កម្លាំងចិត្តឲ្យគ្នាអំឡុងពេលមានរឿងលំបាក ទើបដឹងថាពួកគេសំខាន់ចំពោះគ្នាកម្រិតណា ដូចនេះពាក្យថា «Friendzone» លែងមានទៀតហើយសម្រាប់ពួកគេ ព្រោះត្រូវជំនួសដោយពាក្យថា «ស្នេហា» វិញ។

៨. So Yi Hyun និង In Gyo Jin

តារាសម្ដែងទាំង ២នាក់នេះវិញមានឱកាសបានធ្វើការជាមួយគ្នាច្រើនរាប់មិនអស់ តាមរយៈការងារសម្ដែង។ អរគុណដល់ឱកាសដែលបានជួបទាំងនោះ ពួកគេក៏បានក្លាយជាមិត្តនឹងគ្នា យូរៗទៅក៏វិវត្តទៅជាទំនាក់ទំនងស្នេហា ហើយកាន់តែរំភើបពួកគេក៏សម្រេចកាន់តែគ្នាចូលរោងការនៅឆ្នាំ ២០១៤។ បច្ចុប្បន្ននេះ ពួកគេមានកូន ២នាក់ ហើយគ្រួសារតូចមួយនេះ បានទទួលពាក្យជូនពរ និងក្ដីស្រឡាញ់ជាច្រើនពីមហាជន៕