- 2020-06-30 06:10:00
- ព័ត៌មាន
ពេលភ្ញាក់ផ្អើល ៧ដងនេះបង្ហាញពីភាពជាសុភាពបុរស និងការគោរពដែល Mark មានឲ្យ Kim
- 2020-06-30 06:10:00
- ចំនួនមតិ 0 | ចំនួនចែករំលែក 0
ពេលភ្ញាក់ផ្អើល ៧ដងនេះបង្ហាញពីភាពជាសុភាពបុរស និងការគោរពដែល Mark មានឲ្យ Kim
ចន្លោះមិនឃើញ
អាចហៅបានថាជាគូស្នេហ៍ផ្អែមល្ហែមខ្លាំងដែរប្រចាំពិភពសិល្បៈ និងជាគូស្នេហ៍ដែលអ្នកគាំទ្រជាច្រើនរំពឹងចង់ឮដំណឹងល្អពីពួកគេទាំង ២នោះគឺ Mark Prin និង Kimmy Kimberley។
ស្រឡាញ់គ្នាជាង ៨ឆ្នាំហើយ ប៉ុន្តែអ្នកទាំង ២នៅតែផ្ដល់ភាពកក់ក្ដៅឲ្យគ្នាទៅវិញទៅមក។ ជាក់ស្ដែង Kim ត្រូវបានគ្រប់គ្នាសរសើរជានារីសំណាងថាបានគូស្នេហ៍ចេះយល់ចិត្ត ថ្នាក់ថ្នម និងឲ្យតម្លៃគ្រប់ពេល។ ដូចនេះថ្ងៃនេះ សូមបង្ហាញត្រួសៗនូវចំណុចសំខាន់ៗ ដែលបញ្ជាក់ច្បាស់ៗថា Mark ស្រឡាញ់ Kim ខ្លាំងយ៉ាងណា៖
១. ពេលសួរដល់រឿងសាក់រូប Mark បានបង្ហើបថា លោកគិតចង់សាក់ឈ្មោះ Kim ដូចគ្នាដែរ តែយ៉ាងណាត្រូវសុំអនុញាតិសិន។ នេះមិនមែនបានន័យថាលោកខ្លាចទេ ប៉ុន្តែជាការគោរព និងក្រែងចិត្តទៅវិញ។
២. ពេល Mark ទិញចិញ្ចៀនឲ្យ Kim ពេលនោះលោកសប្បាយចិត្តណាស់ ពេលឃើញ Kim ពាក់ចិញ្ចៀននោះ ហើយអួតរហូតថា Kim ពាក់ហើយឡើងស្អាត ធ្វើអ្វីក៏សម។
៣. ពេល Kim ចាប់បានបាច់ផ្កា ក្នុងថ្ងៃមង្គលការរបស់ Mew Nittha បានធ្វើឲ្យកំលោះ Mark Prin ឯណេះសើចអៀនបែកញើសជោកថ្ងាស ព្រោះមនុស្សជាច្រើននាំគ្នាបាញ់ភ្នែកមករកលោកគ្រប់គ្នាពេលនោះ ព្រមទាំងសួរដេញដោលច្រើនទៀត និងរង់ចាំមើលពេលណារៀបការ?
៤. ព្យាយាមការពារ Kim ពេលឃើញ Comment មិនល្អ ព្រមទាំងឆ្លើយតបបំភ្លឺ មិនឲ្យប៉ះពាល់ដល់ចំណងស្នេហារបស់ខ្លួនឡើយ។ មិនត្រឹមតែប៉ុណ្ណោះ លោកថែមទាំងឲ្យអ្នកដែល Comment ក្នុងបំណងមិនល្អទាំងនោះ ទៅតែងរឿងវិញទៅ បើទំនេរខ្លាំង។
៥. ពេលមួយនោះ មានរឿងរ៉ាវច្របូកច្របល់ បង្កជាបញ្ហាធំរហូតធ្វើឲ្យឈ្មោះលោកត្រូវល្បីពេញ Twitter ដោយសារសារសម្រង់សម្ដីដែលលោកបង្ហោះ។ ពេលនោះហើយ Mark ថែមទាំងចេញមុខការពារទៀតថា Kim និង Yaya មិនជាប់ពាក់ព័ន្ធនឹងរឿងនេះទេ ចង់ស្ដី ចង់ថា មកទម្លាក់កំហុសឲ្យលោកម្នាក់ឯងបានហើយ។
៦. ឲ្យតែដល់ជាថ្ងៃសំខាន់ តួយ៉ាងដូចថ្ងៃខួបកំណើតរបស់ Kim ជាដើម បុរសម្នាក់នេះមិនដែលខកខានក្នុងការដើររក កាបូប ជូនជាកាដូដល់ Kim ទេ ព្រោះរបស់មួយនេះ ជារបស់សំខាន់សម្រាប់ថ្ងៃខួបកំណើត ហើយរាល់ពេល ការ Surprise របស់លោកចំពោះ Kim តែងសម្រេចជានិច្ច។
៧. ឃ្លីបវីដេអូមួយត្រូវបានបង្ហោះ ជាហេតុធ្វើឲ្យគ្រប់គ្នាដែលជាអ្នកគាំទ្រនាំគ្នាគិតថា វាហាក់ដូចជា ឃ្លីប Pre-Wedding ដោយលោកបានដាក់ថា យ៉ាងណាក៏ត្រូវរៀបការជាមួយ Kim ទាល់តែបាន។ លោកគិតរឿងនេះរាល់ថ្ងៃ ហើយបន្ថែមទៀតថា ឃ្លីប Pre-Wedding ពិតប្រាកដនឹងត្រូវតែអស្ចារ្យ៕
