- 2020-07-14 08:21:28
- ព័ត៌មាន
វ៉ាត លីម៉េង ស្រង់យក៦ចំណុចសំខាន់ៗ ពីបទពិសោធន៍របស់លោក ២០ឆ្នាំ មកចែកជូនប្រិយមិត្ត
- 2020-07-14 08:21:28
- ចំនួនមតិ 0 | ចំនួនចែករំលែក 0
វ៉ាត លីម៉េង ស្រង់យក៦ចំណុចសំខាន់ៗ ពីបទពិសោធន៍របស់លោក ២០ឆ្នាំ មកចែកជូនប្រិយមិត្ត
ចន្លោះមិនឃើញ
នៅរសៀលថ្ងៃទី១៤ ខែកក្កដា នេះ អ្នកនិពន្ធ និងដឹកនាំសម្ដែង MV ប្រចាំផលិតកម្មថោន លោក វ៉ាត លីម៉េង បានបង្ហាញបទពិសោធន៍ជោគជ័យលើអាជីពដឹកនាំសម្ដែងចំនួន៦ ចំណុចដ៏គួរឲ្យចាប់អារម្មណ៍សម្រាប់ផលិតករជំនាន់ក្រោយ។
បទពិសោធន៍ទាំងនេះ ត្រូវបានលោកចែករំលែកតាមរយៈគណនីហ្វេសប៊ុកផ្ទាល់ខ្លួនរបស់លោកដែលមានខ្លឹមសារដើមដូច្នេះ៖
១. មានក្រុមការងារដែលមានបទពិសោធន៍ច្រើន និងពូកែៗ ស្មោះត្រង់ ធ្វើការចេញពីបេះដូងពិតប្រាកដ សម្រាប់ជួយអ្នក។
២. ដឹងពីចំណុចខ្លាំងរបស់ខ្លួនឯងឲ្យច្បាស់ជាងមុន ថាតើយើងពូកែសរសេរសាច់រឿងបែបណា។
៣. ព្យាយាមសិក្សាស្វែងយល់ពីសង្គម និងបច្ចេកវិទ្យា ថាតើវាអភិវឌ្ឍន៍ដល់ណាហើយ ងាយស្រួលយើងយកចំណុចដែលថ្មីៗ ឬឧបករណ៍ទំនើបៗបញ្ចូលក្នុងសាច់រឿងរបស់យើងដើម្បីប្លែក និងទាក់ទាញការចាប់អារម្មណ៍ពីអ្នកទស្សនា។
៤. ដាក់តួសម្ដែងអោយសមជាមួយនឹងសាច់រឿងទាំងមុខមាត់ និងសមត្ថភាពសម្ដែងរបស់តួអង្គនីមួយៗ។
៥. ដាក់ចិត្ដទទួលយកគ្រប់ពាក្យរិះគន់របស់អ្នកទស្សនាដើម្បីកែខៃកំហុសសម្រាប់ការផលិតលើកក្រោយៗទៀត
៦. នៅពេលជោគជ័យកុំមានមោទនភាពលើខ្លួនឯងជ្រុលពេក។
គេសង្កេតឃើញថា និពន្ធនាយក និងជាប្រធានផ្នែកដឹកនាំសម្ដែងប្រចាំផលិតកម្មថោនចាស់វស្សារូបនេះ បានបញ្ចេញសារផ្ទួនគ្នាទាក់ទងនឹងការចែករំលែកបទពិសោធន៍ការងារ និងគោលបំណងរបស់ខ្លួនទៅថ្ងៃអនាគត។
កាលពីថ្ងៃទី១៣ ខែកក្កដា លោក វ៉ាត លីម៉េង និយាយថា បើថ្ងៃណាមួយលោកឈប់ធ្វើការនៅផលិតកម្មថោន គឺរូបលោកនឹងលែងធ្វើការពេញម៉ោងឲ្យផលិតកម្មណាផ្សេងទៀតហើយ។ ក្នុងអាជីពជាអ្នកដឹកនាំសម្ដែង២០ឆ្នាំមកនេះ គ្រាប់គ្រាន់អាចឲ្យលោកឆ្អែត និងមានមុខរបររកស៊ីផ្ទាល់ខ្លួនមួយ ហើយបើធ្វើអាជីពដដែលវិញ គឺត្រូវធ្វើស៊ីគម្រោងដោយងាកទៅដឹកនាំសម្ដែងភាពយន្តបែប Action Movie វិញម្ដង៕
