ការពិតមិនគួររំលងរបស់ Boy Pakorn កូនច្បងត្រកូល Chatborirak

ពុធ, 26 សីហា 2020 01:00
ព័ត៌មាន

ពុធ, 26 សីហា 2020 01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Boy Pakorn គឺជាតារាប្រុសថៃ ដែលធ្វើឲ្យមហាជនស្រឡាញ់ចូលចិត្តមិនត្រឹមការសម្ដែង និងភាពស្រស់សង្ហា តែគ្រប់គ្នាក៏ពេញចិត្តចរិតរួសរាយ ពូកែលេងសើចរបស់លោកដែរ។

តារាប្រុសកើតឆ្នាំ ១៩៨៤នេះ នៅតែរក្សាបានប្រជាប្រិយភាពរបស់ខ្លួនបានយ៉ាងល្អ ទោះបីចូលសិល្បៈតាំងពី ២០០៦មកមែន ប៉ុន្តែលោកនៅតែជាតារារះគ្រប់រដូវកាលប្រចាំពិភពសិល្បៈថៃ និងក៏ជាតារាដែលតែងមានទំនាក់ទំនងល្អជាមួយអ្នកជុំវិញខ្លួនដែរ តាមបែបសាមញ្ញៗ។

ជីវិតឯកជនរបស់ Boy ប្រាកដជាមានអ្នកដឹងហូរហែ ប៉ុន្តែដើម្បីកាន់តែច្បាស់សូមមកជ្រាបបន្ថែមដូចខាងក្រោម៖

Pakon Chatborirak គឺជាឈ្មោះពេញរបស់ Boy ហើយលោកកើតនៅថ្ងៃទី ២០ ខែសីហា ឆ្នាំ ១៩៨៤។ ក្នុងគ្រួសារលោក មានប្អូនប្រុសបង្កើត ២នាក់ និងប្អូនស្រីចិញ្ចឹមម្នាក់។ ឪពុករបស់លោកបានលាចាកលោក តាំងតែពី Boy នៅក្មេងម្ល៉េះ។

តារាប្រុសកម្ពស់ ១៨០សង់ទីម៉ែត្រនេះ បានបញ្ចប់ការសិក្សាថ្នាក់បរិញ្ញាបត្រជំនាញឱសថសាស្ត្រពីសាកលវិទ្យាល័យ Chulalongkorn។ ការងារដំបូងរបស់លោក គឺជាឱសថការីដែលមានការទទួលស្គាល់ត្រឹមត្រូវ នៅក្នុងទីក្រុងបាងកក។

Boy បានឈានជើងចូលសិថីសិល្បៈដំបូង ដោយចាប់អាជីពជាតារាម៉ូដែលថតស្ប៉តពាណិជ្ជកម្ម។ ក្រោយមក លោកក៏បានសម្ដែងក្នុងវីដេអូបទចម្រៀង រហូតដល់ថ្ងៃមួយមានឱកាសក្លាយជាតារាភាពយន្ត។

ភាពយន្តខ្នាតធំដំបូងដែលលោកថតមានចំណងជើងថា «4 Romance» ក្នុងឆ្នាំ ២០០៨។ រហូតដល់ឆ្នាំ ២០០៩ លោកក៏មានសំណាងធំបានសម្ដែងរឿងភាគ «Fai Rak Arsoon» ឲ្យប៉ុស្តិ៍លេខ៣។