- 2020-09-29 02:33:54
- ព័ត៌មាន
ទម្លាយហើយ! ឆាយ វីរៈយុទ្ធ ជាប់សាច់ឈាមអ្វីនឹង ព្រាប សុវត្ថិ?
- 2020-09-29 02:33:54
- ចំនួនមតិ 0 | ចំនួនចែករំលែក 0
ទម្លាយហើយ! ឆាយ វីរៈយុទ្ធ ជាប់សាច់ឈាមអ្វីនឹង ព្រាប សុវត្ថិ?
ចន្លោះមិនឃើញ
ទំនាក់ទំនងស៊ីជម្រៅក្រៅឆាករវាងតារាចម្រៀងប្រចាំផលិតកម្មហ្គាឡាក់ស៊ី គឺលោក ព្រាប សុវត្ថិ ជាមួយតារាចម្រៀងផលិតកម្មសាន់ដេ លោក ឆាយ វីរៈយុទ្ធ ដែលស្ថិតនៅជាអាថ៌កំបាំងកប់យ៉ាងជ្រៅដោយតារាទាំងពីរដួងព្យាយាមលាក់ជាច្រើនឆ្នាំមកហើយនោះ ត្រូវបានទម្លាយហើយ។
ចម្ងល់របស់មហាជន ជាពិសេសអ្នកគាំទ្រ កើតមានកាន់តែច្រើនក្រោយពេលដែលគេឃើញគ្រួសារកំពូលតារាចម្រៀង ព្រាប សុវត្ថិ និងគ្រួសារលោក ឆាយ វីរៈយុទ្ធ បានស្លៀកសពាក់ស ហើយកាន់ទុក្ខព្រមគ្នាក្នុងថ្ងៃដែលឧបាសិកា វ៉ា បុប្ផា ត្រូវជាជីដូនរបស់ភរិយាលោក ឆាយ វីរៈយុទ្ធ កាលពីដើមខែឧសភា ឆ្នាំ២០២០ កន្លងនេះ។
លោក ឆាយ វីរៈយុទ្ធ ដាច់ចិត្តទម្លាយអាថ៌កំបាំងនេះតាមរយៈ Sabay ក្នុងឱកាសដែលលោកចូលរួមក្នុងពិធីខួបកំណើតរបស់មិត្ដរួមអាជីពសិល្បៈម្នាក់កាលពីយប់ថ្ងៃទី២៧ ខែកញ្ញា ថា៖"ការពិត ព្រាប សុវត្ថិ ត្រូវជាឪពុកមាបង្កើតរបស់ភរិយាខ្ញុំ ហើយខ្ញុំត្រូវជាក្មួយសាច់ថ្លៃរបស់គាត់"។
នៅពេលដែល Sabay សួថាហេតុអ្វីបានជាយុទ្ធនៅចង់បន្តលាក់លៀមទំនាក់ទំនងរវាងប្អូន និងបងសុវត្ថិ? ឆាយ វីរៈយុទ្ធ ឆ្លើយយ៉ាងខ្លីថា វាមិនប៉ះពាល់ ឬប៉ះពាល់ដល់រូបលោក ឬលោក ព្រាប សុវត្ថិ ឡើយ ប៉ុន្ដែលោកចង់ទុកឲ្យប្រិយមិត្តឆ្ងល់បន្តិចទៀតសិន ម្យ៉ាងលោកក៏មិនចង់បង្ហាញអ្វីច្រើនទាក់ទងនឹងរឿងជីវិតឯកជនដែរ៕
