Dara ថារាល់សកម្មភាពពីជីវិតឯកជននាង ត្រូវអ្នកចាត់ការទូលពិត YG គ្មានសល់

2020-10-19 02:49:44
ព័ត៌មាន

2020-10-19 02:49:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗ Sandara Park បានទម្លាយរឿងរ៉ាវហួសចិត្តមួយ ក្នុងកម្មវិធី Video Star ទាក់ទងនឹងជីវិតឯកជនរបស់នាងដែលមានអ្នករាយការណ៍ទៅកាន់ផលិតកម្ម YG។

នៅពេល Park Na Rae លើកឡើងថា៖ «កាលពេលចេញច្រៀង ខ្ញុំឮថាអ្នកគិតថាអ្នកចាត់ការទូទៅអ្នក មើលថែ យកចិត្តទុកដាក់ ទទួលខុសត្រូវការងាររបស់អ្នកបានល្អណាស់ ប៉ុន្តែគាត់ក៏បានរាយការណ៍ទៅក្រុមហ៊ុនទៀតមែនអត់?» Sandara តបថា វាជារឿងពិត។

«អ្នកចាត់ការពួកយើងនាំយើងទៅកន្លែងមួយដោយជិះឡានក្រុមហ៊ុន ហើយបានរាយការណ៍ខ្ទេចពីជីវិតឯកជនយើងទៀត។ ដំបូងខ្ញុំគិតថា វាជារឿងល្អ។ ពួកគេបាននាំយើងទៅគ្លីនិកថែស្បែក ជូនទៅញ៉ាំអី ឬក៏ជួបមិត្តភ័ក្តិ ដោយជិះឡានក្រុមហ៊ុន។ អ្នកផ្សេងឃើញបែបនេះមានទាំងលួចច្រណែនយើងទៀត»។

ប៉ុន្តែស្របពេលនាងគិតថានេះជាការមើលថែជាពិសេស ស្រាប់តែថ្ងៃមួយនាងបានទទួលសារមួយពីអ្នកចាត់ការ ដែលសារនោះផ្ញើមកច្រឡំដោយចៃដន្យ ពេលនោះទើបនាងដឹងថារាល់សកម្មភាពរបស់នាងទាំងអស់ សុទ្ធតែត្រូវបានរាយការណ៍ទៅថ្នាក់លើ។

Dara និយាយថា៖ «មានពេលមួយនោះ អ្នកចាត់ការរបស់ខ្ញុំច្រឡំផ្ញើសារមកខ្ញុំ ហើយក្នុងសារនោះនិយាយថា "Dara និង CL កំពុងញ៉ាំអីនៅភោជនីយដ្ឋាន So and So នៅ Itaewon" ខ្ញុំភ័យណាស់ពេលនោះ ព្រោះវាលម្អិតខ្លាំងពេក។ អ៊ីចឹងបានសេចក្ដីថា គាត់បានប្រាប់ពីសកម្មភាពយើងគ្រប់ជំហានទាំងអស់ទៅក្រុមហ៊ុន»។