- 2020-10-19 07:53:36
- ព័ត៌មាន
អន្ទិតសក់ខ្លី ជា វិបុល បញ្ចេញពាក្យក្នុងចិត្តមួយ ទៅ គង់ សុជាតិ ពេលចាប់ដៃគ្នាលើកដំបូងបន្ទាប់ពីសឹក
- 2020-10-19 07:53:36
- ចំនួនមតិ 0 | ចំនួនចែករំលែក 0
អន្ទិតសក់ខ្លី ជា វិបុល បញ្ចេញពាក្យក្នុងចិត្តមួយ ទៅ គង់ សុជាតិ ពេលចាប់ដៃគ្នាលើកដំបូងបន្ទាប់ពីសឹក
ចន្លោះមិនឃើញ
រយៈពេលពីរថ្ងៃជាប់គ្នា គឺនៅថ្ងៃទី១៨ និង១៩ ខែតុលា នេះ អន្ទិតសក់ខ្លីដែលទើបចាកសិក្ខាបទរយៈពេលខ្លី លោក ជា វិបុល និងភរិយា គឺអ្នកនាង គង់ សុជាតិ បានចាប់ដៃគ្នាក្នុងនាមជាពិធីករ និងជាពិធីការិនីរំលេចដោយសំលៀកបំពាក់ប្រពៃណីខ្មែរយ៉ាងសមសួន។
នៅក្នុងពិធីរៀបមង្គលការមួយកាលពីយប់មិញ លោក ជា វិបុល ត្រូវបានម្ចាស់កម្មវិធីឲ្យចាប់ដៃគូជាមួយភរិយាលោកផ្ទាល់ ដើម្បីធ្វើអ្នកអត្ថាធិប្បាយក្នុងពិធីកាត់នំ។ លោក ជា វិបុល ដែលមិនទាន់ដុះសក់ស្រួលបួលផងនោះ បានបង្ហើបថា នេះជារោងទី២ សម្រាប់ការងារឆ្នាំ២០២០។
រោងទី២ សម្រាប់ឆ្នាំ២០២០ ប្រហែលជាលោកសំដៅដល់ការចេញរោងរបស់សម្អាងការឈ្មោះ Socheat Beauty ដែលជាហាងរបស់ភរិយាលោក ដោយមានរូបលោក និងភរិយាជាអ្នកអត្ថាធិប្បាយដោយផ្ទាល់។
នៅក្នុងកម្មវិធីមួយផ្សេងទៀតដែលអត្ថាធិប្បាយដោយលោក ជា វិបុល និងភរិយា ក៏បង្កើតបានជាឱកាសយ៉ាងផ្អែមល្ហែមដំបូងបង្អស់ក្នុងភាពជាប្ដី-ប្រពន្ធ ក្រោយពីលោកសឹកវិញ។ នៅក្នុងកម្មវិធីនោះលោក បានព្រលយពាក្យមួយថា "បន្តការងារដែលស្រឡាញ់តាំងពីក្មេង។ ថ្ងៃដំបូងបន្ទាប់ពីសឹកមកដូចជាអៀនៗ"។
ពិធីករពូកែថ្វីមាត់ ជា វិបុល បានសាងផ្នួសរយៈពេលខ្លីនៅវត្តនិគ្រោធការាម ហៅវត្តគល់ទទឹង។ ព័ត៌មានខ្លះនិយាយថា មុនពេលលោកសាងព្រះផ្នួស លោក និងភរិយាមានរឿងរកាំរកូសនឹងគ្នាខ្លះៗ ព្រោះតែភរិយាសង្ស័យថាលោកលួចមានស្រីក្បត់ចិត្តនាង។ ប៉ុន្ដែនៅក្រោយចាកសិក្ខាបទនេះ គេឃើញលោក ជា វិបុល និងអ្នកនាង គង់ សុជាតិ បានបង្កើតភាពផ្អែមល្ហែមជាមួយគ្នាកាន់តែច្រើនជាងមុន តាមរយៈការប្រកបអាជីពសិល្បៈរបស់ខ្លួន៕
