- 2020-11-23 01:22:24
- ព័ត៌មាន
នៅលែងសុខៗ Tao ចេញសារភាពស្នេហ៍ចំៗដាក់តារាស្រីម្នាក់ គ្រប់គ្នាជឿថាជា IU
- 2020-11-23 01:22:24
- ចំនួនមតិ 0 | ចំនួនចែករំលែក 0
នៅលែងសុខៗ Tao ចេញសារភាពស្នេហ៍ចំៗដាក់តារាស្រីម្នាក់ គ្រប់គ្នាជឿថាជា IU
ចន្លោះមិនឃើញ
Tao អតីតសមាជិកក្រុម EXO បានសារភាពស្នេហ៍ជាសាធារណៈដាក់តារាស្រីម្នាក់ ដែលគេជឿថាជា IU។
នៅថ្ងៃទី២១ ខែវិច្ឆិកា Tao បានយកគណនី Weibo ផ្ទាល់របស់ខ្លួន បង្ហាញអារម្មណ៍ពិតទៅកាន់អ្នកគាំទ្រតាមរយៈវីដេអូ Live។ អំឡុងពេល Live នោះ Tao បាននិយាយច្បាស់ៗពីចិត្តស្រឡាញ់របស់លោក ទៅកាន់តារាស្រីកូរ៉េម្នាក់ ហើយម្នាក់នោះអ្នកគាំទ្រជាច្រើនជឿជាក់ថាជា IU។ Tao បាននិយាយថា «ខ្ញុំមាននារីម្នាក់ដែលខ្ញុំពេញចិត្តបំផុត ខ្ញុំបានផ្ញើសារផ្ទាល់ទៅកាន់នាង ប៉ុន្តែគ្មានចម្លើយតបសោះ»។
«បើសិនវាក្លាយជាប្រធានបទក្ដៅនៅថ្ងៃស្អែកនេះ អ៊ីចឹងខ្ញុំសង្ឃឹមថាមនុស្សម្នាក់នោះនឹងដឹងថាខ្ញុំស្រឡាញ់នាងខ្លាំងកម្រិតណា។ ប្រសិនមនុស្សម្នាក់នោះចូលចិត្តខ្ញុំវិញ ខ្ញុំនឹងបង្ហាញអារម្មណ៍ពិតគ្រប់យ៉ាងក្នុងបេះដូងខ្ញុំ» Tao បញ្ជាក់។
ត្បិតតារាចិនរូបនេះមិនបានបញ្ជាក់ពីអត្តសញ្ញាណ និងឈ្មោះរបស់តារាចម្រៀងកូរ៉េស្រីម្នាក់នោះ ប៉ុន្តែមហាជនអះអាងស្ទើរគ្រប់គ្នាថា នាងគឺជា IU ផ្អែកលើរូបថតដែល Tao បង្ហោះ។ នៅលើគណនី Weibo លោកបានបង្ហោះរូប IU មួយសន្លឹក បន្ទាប់មកក៏បាន Edit នូវ Post នោះវិញ។ ម្យ៉ាងវិញទៀត បើសង្កេតមើលគនណី Instagram របស់ Tao វិញ មានតែគណនីសំខាន់ ៣ ប៉ុណ្ណោះដែល Tao ចុច Follow ហើយម្នាក់ក្នុងចំណោមនោះក៏មាន IU ដែរ។
បន្ថែមពីលើនោះ បើតាមការបញ្ជាក់របស់លោក បានបង្ហាញថា «នេះ មិនមែនជាក្ដីស្រឡាញ់ក្នុងនាមជាអ្នកគាំទ្រ ប៉ុន្តែជាស្នេហាពិតៗ»៕
