- 2020-11-24 02:49:29
- ព័ត៌មាន
អុញ...អាន គុណកូឡា កាន់ធៀបទៅអញ្ជើញ ស្រាប់តែ ថន លក្ខិណា ព្រលយពាក្យមួយឃ្លា!
- 2020-11-24 02:49:29
- ចំនួនមតិ 0 | ចំនួនចែករំលែក 0
អុញ...អាន គុណកូឡា កាន់ធៀបទៅអញ្ជើញ ស្រាប់តែ ថន លក្ខិណា ព្រលយពាក្យមួយឃ្លា!
ចន្លោះមិនឃើញ
តារាចម្រៀងប្រចាំផលិតកម្ម អឹម លោក អាន គុណកូឡា កំពុងសម្រុកដើរអញ្ជើញភ្ញៀវកិត្តិយស ជាពិសេសមិត្តសិល្បៈដើម្បីចូលរួមអបអរក្នុងពិធីមង្គលការរបស់លោក ជាមួយនារីលក់ត្បូងក្រៅរង្វង់សិល្បៈមានរូបស្រស់សោភាម្នាក់ ខណៈពិធីមង្គលការនេះកាន់តែខិតជិតចូលមកដល់ហើយនោះ។
ម្សិលមិញនេះ គេឃើញលោក អាន គុណកូឡា បានកាន់ធៀបទៅអញ្ជើញពិធីការិនី និងជាតារាសម្ដែង ថន លក្ខិណា ហើយអ្នកទាំងពីរក៏បានថតរូបបង្ហោះជាមួយគ្នា ដោយនៅក្នុងរូបនោះគេឃើញលោកកូឡាកាន់ធៀបបម្រុងនឹងហុចឲ្យកញ្ញា ថត លក្ខិណា ទៀតផង។ បន្ទាប់ពីថតរួច កញ្ញា ថន លក្ខិណា បានពោលមួយឃ្លាថា៖"បងអាន គុណកូឡា រៀបការហើយនៅឡើយតែខ្ញុំទេ"។
អតីតតារាចម្រៀងរបស់ផលិតកម្មសាន់ដេ ហើយបច្ចុប្បន្នបានប្ដូរទ្រនំទៅក្នុងផលិតកម្ម អឹម លោក អាន គុណកូឡា ធ្លាប់ប្រាប់អ្នកសារព័ត៌មានថា តាមពិតពិធីមង្គលការរបស់លោកត្រូវធ្វើឡើងតាំងពីខែឧសភា ឆ្នាំ២០២០ ប៉ុន្តែដោយសារបញ្ហាជំងឺកូវីដ-១៩ ទើបលោកលើកមកធ្វើនៅថ្ងៃទី១២ ខែធ្នូ ឆ្នាំ២០២០ វិញ។ លើកនេះលោកថា នឹងមិនលើកពេលទៀតទេ ទោះបីបញ្ហាកូវីដ មិនទាន់ស្ងាត់ក៏ដោយ។
លោក អាន គុណកូឡា បានអញ្ជើញភ្ញៀវចំនួន៨០តុ ក្នុងនោះមានមិត្តសិល្បៈប្រហែល១០តុ។ ពិធីមង្គលការនេះ នឹងធ្វើឡើងនៅបុរីផ្ល័ររ៉ា ខណ្ឌជ្រោយចង្វា រាជធានីភ្នំពេញ៕
