- 2020-12-28 07:00:58
- ព័ត៌មាន
មិនទាន់ចេញ MV ផង បទ "មីខ្មៅ" របស់រ៉ាប៊ី ផ្ទុះខ្លាំងមិនគួរឲ្យជឿ!
- 2020-12-28 07:00:58
- ចំនួនមតិ 0 | ចំនួនចែករំលែក 0
មិនទាន់ចេញ MV ផង បទ "មីខ្មៅ" របស់រ៉ាប៊ី ផ្ទុះខ្លាំងមិនគួរឲ្យជឿ!
ចន្លោះមិនឃើញ
បទថ្មីរបស់កញ្ញារ៉ាប៊ី នៅផលិតកម្មថោន ដែលមានចំណងជើងថា "មីខ្មៅ" កំពុងផ្ទុះខ្លាំងលើបណ្ដាញសង្គម ទាំងមិនទាន់ចេញ Full MV ផងនោះ។ ជាក់ស្ដែង ត្រឹម Dance version ខ្លីមួយ ដែលរ៉ាប៊ីបង្ហោះលើទំព័រហ្វសប៊ុករបស់ខ្លួន បានទាក់ទាញអ្នក Like ដល់ទៅជាង ១០ម៉ឺននាក់ និងអ្នកចែករំលែក ជិត ២ម៉ឺនដងឯណោះ។
អ្នកដែលបានទស្សនាវីដេអូ Dance version បានសរសើររ៉ាប៊ី ថានៅតែរាំបានល្អ មានកាយវិការក្រមិចក្រមើម គួរឲ្យស្រលាញ់ ឯបទចម្រៀងក៏ពីរោះ គួរឲ្យចង់រាំតាម។ ក្រៅពីនៅលើ Facebook បទនេះ ក៏កំពុងល្បីខ្លាំងលើ Tiktok ផងដែរ។
តារាចម្រៀងលេចធ្លោប្រចាំផលិតកម្មថោនរូបនេះ បានបញ្ជាក់ថា វីដេអូនេះ គឺជាការរាំ ដើម្បីថតលេងកម្សាន្តប៉ុណ្ណោះ មិនបានត្រៀមទុកអ្វីនោះទេ។ ចំណែកវីដេអូ Full MV គ្រោងនឹងចេញនៅថ្ងៃទី៣០ ខែធ្នូខាងមុខនេះ។
នេះមិនមែនជាលើកទី១ នោះទេ ដែលបទរបស់រ៉ាប៊ី មានសន្ទុះគាំទ្រខ្លាំងបែបនេះ។ ជាក់ស្ដែង បទ មាន់ស្រែ ដែលចេញកាលពីពីរឆ្នាំមុន មានអ្នកទស្សនាដល់ទៅជាង ៥០លានដង និងត្រូវបានគេយកទៅរាំ cover ជាច្រើន រហូតល្បីដល់ក្រៅប្រទេសថែមទៀតផង៕
