- 2021-01-18 03:34:50
- ព័ត៌មាន
លើសពីពាក្យអគុណចំពោះសម្ដេចតេជោ ហ៊ុន សែន នាយកុយ បានបញ្ចេញសំនៀង១បទយ៉ាងពីរោះ!
- 2021-01-18 03:34:50
- ចំនួនមតិ 0 | ចំនួនចែករំលែក 0
លើសពីពាក្យអគុណចំពោះសម្ដេចតេជោ ហ៊ុន សែន នាយកុយ បានបញ្ចេញសំនៀង១បទយ៉ាងពីរោះ!
ចន្លោះមិនឃើញ
លើសពីពាក្យអគុណចំពោះសម្ដេចអគ្គមហាសេនាបតីតេជោ ហ៊ុន សែន ដែលបានណែនាំថាលោកកុយ គួរទទួលវ៉ាក់សាំងកូវីដ-១៩ មុនគេ ក្នុងចំណោមអ្នកទទួលមុន ស្រាប់តែល្ងាចមិញនេះ លេចមុខលោកជួង ជី ហៅនាយកុយ មកបកស្រាយចម្រៀង១បទក្រោមចំណងជើងថា"សូមអគុណមិត្តចិន" យ៉ាងពីរោះ និងមានអត្ថន័យបំផុត។
បទ"សូមអគុណមិត្ដចិន" ដែលច្រៀងដោយនាយកុយ លំនាំបទ"ជឿចិត្តអូនចុះ" ជាស្នាដៃនិពន្ធទំនុកច្រៀងដោយ លី ស៊ីនហួន។ អមជាមួយសំនៀងយ៉ាងមានអត្ថន័យមួយបទនេះលោកក៏បានរាំ និងបញ្ចេញកាយវិការយ៉ាងសមទៅនឹងចង្វាក់ភ្លេងដែរ។
ប្រមុខរាជរដ្ឋាភិបាលកម្ពុជា សម្ដេចតេជោ ប្រកាសថា មិត្តចិននឹងផ្ដល់ជំនួយជាវ៉ាក់សាំងកូវីដ-១៩ របស់ក្រុមហ៊ុនចិនឈ្មោះ SINOPHARM ចំនួន១លានដួស សម្រាប់មនុស្ស៥០ម៉ឺននាក់ដំបូងនៅកម្ពុជា។ នៅក្នុងថ្ងៃដែលសម្ដេចប្រកាសនោះ ក៏មានការណែនាំមួយពីសម្ដេចដោយផ្ទាល់ដែរទៅកាន់តារាកំប្លែងរូបនេះ តាមរយៈសារជាអក្សរថា"លោកកុយ គួរទទួលវ៉ាក់សាំងមុនគេក្នុងចំណោមអ្នកទទួលមុន។ ទទួលបានវ៉ាក់សាំង នឹងមានហាងឆេងខ្ពស់"។
ឆ្លើយតបទៅកាន់សម្ដេចវិញទាំងទឹកចិត្តត្រេកអរ លោក ជួង ជី ហៅនាយកុយ បានថ្លែងអំណរគុណចំពោះសម្ដេចដែលលោកបានផ្ដល់កិត្តិយសឲ្យរូបលោកបានចាក់វ៉ាក់សាំងមុនគេ។ លោកក៏បានជូនពរសម្ដេចទាំងពីរ និងកូនចៅប្រុសស្រីឲ្យជួបតែសេចក្ដីសុខ និងសូមកុំឲ្យមានជំងឺបៀតបៀន៕
