- 2021-01-26 06:16:53
- ព័ត៌មាន
ដឹងអត់ថា ផាន់ រ៉ុង ដក់ចិត្តលើណាគេជាងគេ ក្នុងចំណោមតួស្រីស្អាតៗទាំង៥នាក់?
- 2021-01-26 06:16:53
- ចំនួនមតិ 0 | ចំនួនចែករំលែក 0
ដឹងអត់ថា ផាន់ រ៉ុង ដក់ចិត្តលើណាគេជាងគេ ក្នុងចំណោមតួស្រីស្អាតៗទាំង៥នាក់?
ចន្លោះមិនឃើញ
ផលិតករភាពយន្តបែបអប់រំ និងកំប្លែងខ្លីៗ គឺលោក ផាន់ រ៉ុង ចាប់ផ្ដើមមានឈ្មោះបោះសំឡេងកាន់តែខ្លាំងក្នុងវិស័យសិល្បៈតាមរយៈការតែងនិពន្ធ ដឹកនាំរឿង និងសម្ដែងដោយខ្លួនឯងផ្ទាល់នូវរឿងដ៏គួរឲ្យចាប់អារម្មណ៍ជាច្រើនសម្រាប់ប្រិយមិត្ត ជាពិសេសយុវវ័យ។
ត្បិតថារូបសម្បត្តិ មិនសូវសមសួនដូចតារាអាជីពយូរឆ្នាំ ប៉ុន្តែ ផាន់ រ៉ុង មានឱកាសច្រើនក្នុងការសម្ដែងជាមួយតួស្អាតៗ ហើយបានដើរជាតួអង្គឯកស្ទើរគ្រប់រឿងទៀតផង។ តួអង្គឯកស្រីស្អាតៗ ដែលសម្ដែងជាមួយ ផាន់ រ៉ុង ញឹកញាប់នោះ គឺមានកញ្ញា ណិត ព្រមរិទ្ធិកា កញ្ញា ហេង កូស៊ីន កញ្ញា កា បេឡា កញ្ញា ជីង លីន និងកញ្ញា ជីម មី។
លោក ផាន់ រ៉ុង បានប្រាប់ Sabay នៅថ្ងៃទី២៦ ខែមករា នេះថា ក្នុងចំណោមតួអង្គឯកស្រីទាំង៥នាក់ គឺលោកធ្ងន់ចិត្ដលើកញ្ញា ហេង កូស៊ីន ជាងគេ ព្រោះបានសម្ដែងរួមគ្នារហូតដល់ជាង២០រឿង ហើយរឿងដែលទទួលបានការចាប់អារម្មណ៍ច្រើន គឺរឿង"ស្នេហាបែបកូនក្មេង"។ រីឯកញ្ញា រិទ្ធិកា វិញ លោកក៏ធ្ងន់ចិត្តលើណាស់ដែរ ព្រោះមានប្រិយមិត្តជាច្រើនបានសរសើរថាសម្ដែងសមគ្នា រហូតដល់មានអ្នកខ្លះយល់ច្រឡំថាជាគូរស្នេហ៍នឹងគ្នាទៀតផង ។
ផាន់ រ៉ុង៖"បើនិយាយពីទំនាក់ទំនងរបៀបស្នេហា គឺអត់ទាន់ទេបង គ្រាន់តែថាយើងមានការងារជាមួយគ្នារាងជិតស្និទ្ធអីចឹងទៅមានបងប្អូនខ្លះគាត់យល់ច្រឡំ ហើយរឿងស្នេហាពិតជាក់ស្ដែងក្រៅឆាក ប្អូនសុំលាក់សិនបង"។
បច្ចុប្បន្ន ផាន់ រ៉ុង មានវ័យ២២ឆ្នាំ ចាប់ផ្ដើមប្រឡូកក្នុងវិស័យសិល្បៈតាំងពីឆ្នាំ២០១៨។ គិតមកដល់ពេលនេះលោកផលិត និងសម្ដែងរឿងដោយខ្លួនឯងបានមិនក្រោម៥០រឿងឡើយ។ ក្នុងចំណោមរឿងទាំងនេះ មានរឿងពីដែលផ្ទុះការគាំទ្រខ្លាំង គឺរឿង"អាសំរាម" និងរឿងមួយទៀតដែលផ្ទះនៅចុងឆ្នាំ២០២០ គឺរឿង"អាអត់ការងារធ្វើ"។
ងាកមករឿងផលិតបទចម្រៀងវិញ។ គិតមកដល់ពេលនេះ ផាន់ រ៉ុង បានសម្ដែង និងច្រៀងដោយខ្លួនឯងជិត២០បទហើយ។ បទដែលគេចាប់អារម្មណ៍ច្រើន ហើយកេរ្ដិ៍ឈ្មោះរបស់លោកចាប់ផ្ដើមល្បីសុះសាយ គឺបទ"DJ ស្រុកស្រែ"៕
