- 2021-01-29 07:58:07
- ព័ត៌មាន
គួរឱ្យស្ញប់ស្ញែង! ម្ចាស់បទ "នឹកខ្លាំងណាស់" ឆ្លងកាត់ភាពជូរចត់តស៊ូពី Assistant កាម៉េរ៉ា ក្លាយជាអ្នកដឹកនាំរឿង
- 2021-01-29 07:58:07
- ចំនួនមតិ 0 | ចំនួនចែករំលែក 0
គួរឱ្យស្ញប់ស្ញែង! ម្ចាស់បទ "នឹកខ្លាំងណាស់" ឆ្លងកាត់ភាពជូរចត់តស៊ូពី Assistant កាម៉េរ៉ា ក្លាយជាអ្នកដឹកនាំរឿង
ចន្លោះមិនឃើញ
ខាន ខាវ ជាអតតីបេក្ខជន Cambodia Idol រដូវកាលទី២ ហើយលោកបានធ្វើឱ្យ មហាជនគ្រប់ស្រទាប់ស្គាល់រូបលោកតាមរយៈស្នាដៃ Original Song ជាច្រើនហើយបទដែលទទួល បានការគាំទ្រ និងផ្ទុះចាប់អារម្មណ៍ខ្លាំងនោះគឺបទ "នឹកខ្លាំងណាស់” និងបទ "លាទាំងញញឹម”។
យ៉ាងណាមិញទស្សនិកមួយចំនួនមិនធ្លាប់បានដឹងទេថាក្រៅពីវិស័យចម្រៀងបច្ចុប្បន្នកម្លោះអ្នកបាត់ ដំបងរូបនេះ ក៏ជាអ្នកដឹកនាំរឿង(Director)ប្រចាំស្ថានីយ៍ទូរទស្សន៍ CTN និង MY TV មួយរូបផងដែរ។ ហើយបច្ចុប្បន្ននេះអាចនិយាយបានថា ខាន ខាវ បានជោគជ័យមួយកម្រិតលើក្ដីស្រមៃ និងគោលដៅ របស់ខ្លួន ក្រោយជោគជ័យខ្លាំងលើស្នាដៃដឹកនាំរឿង "ទេពធីតាព្កុលមាស” កំពុងចាក់បញ្ចាំងលើទូរទស្សន៍ CIN ហើយរឿងថ្មីមួយទៀតគឺ "នគរមាស” ដែលសព្វថ្ងៃកំពុងដំណើរការថត។
នេះជាសមិទ្ធផលនាពេលបច្ចុប្បន្ន ប៉ុន្តែបកទៅរឿងរ៉ាវពីអតីតកាលរបស់ ខាន ខាវ លោកឆ្លងកាត់ការតស៊ូខ្លាំងមុនបានមកដល់ចំណុចនេះ។ លោកបានរៀបរាប់ប្រាប់ Sabay ពីដំណើរជីវិតដែលបានជួប ប្រទះ ភាពលំបាកជូរចត់ តស៊ូទម្រាំមានថ្ងៃនេះថា "ខ្ញុំបានប្រឡូកក្នុងវិស័យភាពយន្ដនេះតាំងពី ឆ្នាំ ២០១៥ នៅឯស្រុកកំណើត លុះដល់ឆ្នាំ២០១៦ ខ្ញុំបានចាកឆ្ងាយពីផ្ទះឈានជើងលើទឹកដីថ្មីនៃ រាជធានីភ្នំពេញ។ បើនិយាយពីការពិបាកមានច្រើនណាស់ ដោយសារ ខ្ញុំជាអ្នកនៅខេត្តហើយមាន ជីវភាព ខ្វះខាតនៅពេលដែលឡើងមកភ្នំពេញត្រូវពឹងពាក់លើខ្លួនឯងទាំងស្រុង"។
អ្នកបាត់ដំបងបានប្រាប់ថា កាលនៅស្រុកកំណើត ដោយសារជីវភាពខ្វះខាត តែចង់ចេះចង់ដឹង លោកបានទៅសុំអង្គការដើម្បីបានរៀនភ្លេង។ លុះរៀនចេះចាំហើយ នៅឆ្នាំ ២០១៦ ក៏សម្រេចផ្សងព្រេងឡើងមកភ្នំពេញ ជាពេលលោកបានជួបបញ្ហាប្រឈមថ្មីទៀត គឺអត់មានកន្លែងស្នាក់។ ដូច្នេះដើម្បីដោះស្រាយ លោកបានសម្រេចទៅសុំបងជីដូនមួយម្នាក់ដើម្បីស្នាក់នៅជាមួយ។
ចំណេរតមក គឺលោកដេកគិត ដើរគិតរកវិធីចាកចេញពិភាពលំបាក រហូតដល់ពេលខ្លះ លោកលែងខ្វាយខ្វល់ពីខ្លួនឯងថែមទៀត។ ទីបំផុត លោកបានចាប់ផ្ដើមការងារដំបូងជាជំនួយការកាមេរ៉ា។
”ខ្ញុំពិតជាពិបាកខ្លាំងសម្រាប់ អភិវឌ្ឍខ្លួនដំបូងឡើយ ខ្ញុំធ្វើជាជំនួយការកាម៉េរ៉ា ទម្រាំតែអាចកាន់ កាម៉េរ៉ាខ្លួនឯងបាន បន្ទាប់មកខ្ញុំ ចាប់ផ្ដើមចេះសរសេរ សាច់រឿង ក៏ក្លាយជាជំនួយការអ្នកដឹកនាំរឿង រហូតមក ទើបក្លាយជាអ្នកដឹកនាំរឿងមកដល់ពេលបច្ចុប្បន្ន"។ យ៉ាងណាលោកថា លទ្ទផលពេលនេះ គឹទើបតែបានប្រមាណ៣០% លើអ្វីដែលលោកប៉ង ពោលគឹមានរឿង និងមេរៀនថ្មីជាច្រើនទៀតត្រូវរៀនបន្ថែម។
ត្បិតថា អាជីពជាអ្នកដឹកនាំបានរីកចម្រើន ប៉ុន្តែអ្វីដែលធ្វើឲ្យលោកមានគេស្គាល់ច្រើន គឺតាមរយៈបទចម្រៀងទៅវិញ។ ខាន ខាវ ចាប់ផ្ដើមគេស្គាល់ច្រើនតាមរយៈបទចម្រៀងមួយចំនួនដែលជាស្នាដៃនិពន្ធរបស់លោកផ្ទាល់ ហើយលោកច្រៀងខ្លួនឯងថែមទៀត គឺបទ "នឹកខ្លាំងណាស់" និងបទ "លាទាំងញញឹម" ជាដើម។
ខាន ខាវ បញ្ជាក់ថា លោកអ្វីៗ កំពុងដើរទន្ទឹមគ្នាល្អ ហើយលោកនឹងមិនបោះបង់ចោលមួយណាទេនៅពេលខាងមុខ៕
