- 2021-02-08 08:38:57
- ព័ត៌មាន
តោះ...ដឹងចម្លើយហ្សីនរបស់នាយ កុយ ក្រោយពីវ៉ាក់សាំងការពារជំងឺកូវីដ-១៩ មកដល់កម្ពុជា!
- 2021-02-08 08:38:57
- ចំនួនមតិ 0 | ចំនួនចែករំលែក 0
តោះ...ដឹងចម្លើយហ្សីនរបស់នាយ កុយ ក្រោយពីវ៉ាក់សាំងការពារជំងឺកូវីដ-១៩ មកដល់កម្ពុជា!
ចន្លោះមិនឃើញ
តារាកំប្លែងវ័យចំណាស់លោក ជួង ជី ហៅនាយកុយ នៅតែរក្សាជំហរថាលោកនឹងចាក់វ៉ាក់សាំងការពារជំងឺកូវីដ-១៩ បើគ្រូពេទ្យជំនាញថាលោកអាចចាក់បាន ប៉ុន្តែគិតមកដល់ឆ្នាំ២០២១នេះ លោកមានវ័យ៦៤ឆ្នាំទៅហើយដែលវ៉ាក់សាំងឈ្មោះ"SARS-CoV-2 របស់ក្រុមហ៊ុនចិន Sinopharm មិនអាចចាក់លើមនុស្សដែលមានអាយុលើសពី៥៩ឆ្នាំបាន។
នាយកុយ បានប្រាប់ Sabay នៅរសៀលថ្ងៃទី៨ ខែកុម្ភៈ ថា បើផ្អែកទៅលើអាយុរបស់លោកមិនអាចចាក់បាន តែលោកនឹងប្រាប់កូនចៅ និងសាច់ញាតិឲ្យទៅចាក់វ៉ាក់សាំងការពារជំងឺកូវីដ-១៩ដែរ បើវ៉ាក់សាំងនោះមានទូលំទូលាយសម្រាប់ប្រជាពលរដ្ឋខ្មែរហើយនោះ។
នាយកុយ៖"ចំពោះខ្ញុំឲ្យតែសម្ដេចលោកថាវ៉ាក់សាំងមកហើយត្រូវតែចាក់...គឺចាក់ហើយ តែមុននឹងចាក់ក៏យើងត្រូវពិនិត្យសុខភាពដែរ ព្រោះយើងអាយុច្រើនក្រែងលោប៉ះពាល់សុខភាពអីចឹងទៅណា។ បើគេថាខ្ញុំចាក់បាន ខ្ញុំត្រូវតែចាក់ហើយ ព្រោះយើងជាមនុស្សរបស់មហាជន ហើយសូមឲ្យបងប្អូនមានទំនុកទុកចិត្តលើវ៉ាក់សាំងនេះ"។
ការបញ្ជាក់របស់តារាកំប្លែងជើងចាស់រូបនេះ គឺបន្ទាប់ពីវ៉ាក់សាំងការពារជំងឺកូវីដ-១៩ របស់ក្រុមហ៊ុនចិន Sinopharm ចំនួន៦០ម៉ឺនដូស បានដឹកតាមយន្តហោះមកដល់កម្ពុជាកាលពីរសៀលថ្ងៃទី៧ ខែកុម្ភៈ ឆ្នាំ២០២១។ សម្ដេចតេជោ ហ៊ុន សែន ធ្លាប់ណែនាំថា នាយកុយគួរតែទទួលបានការចាក់វ៉ាក់សាំងនេះមុនគេ ដើម្បីមានទីផ្សារសិល្បៈកាន់តែខ្ពស់។ ភ្លាមៗនោះនាយកុយ បានប្រកាសតាមបណ្ដាញសង្គមថា លោកនឹងចាក់ ហើយលោកពិតជាមានកិត្តិយសដែលទទួលបានការណែនាំពីសម្ដេច៕
