- 2021-02-10 03:07:27
- ព័ត៌មាន
ស្ងាត់ៗ! ប្រុសខួច ប្រាប់ថាមើលឃើញកូនក្រមុំគេហើយ តែមុនរៀបការនៅអល់អែករឿងធំៗពីរ
- 2021-02-10 03:07:27
- ចំនួនមតិ 0 | ចំនួនចែករំលែក 0
ស្ងាត់ៗ! ប្រុសខួច ប្រាប់ថាមើលឃើញកូនក្រមុំគេហើយ តែមុនរៀបការនៅអល់អែករឿងធំៗពីរ
ចន្លោះមិនឃើញ
ឈានចូលដល់វ័យ២៨ឆ្នាំ តារាសម្ដែងរូបសង្ហា លី សុខគីមសាន ហៅប្រុសខួច បង្ហើបថា លោកបានសម្លឹងឃើញកូនក្រមុំគេម្នាក់ហើយ ប៉ុន្តែរឿងចូលរោងការនៅថ្ងៃណានោះ វាហាក់នៅឆ្ងាយស្ទើរហៅមិនឮ ព្រោះលោកចង់មានលុយកាក់ក្នុងដៃកាន់តែច្រើន និងមានមុខរបរក្រៅពីអាជីពសម្ដែងយ៉ាងហោចមួយសិន។
ប្រុសខួច ប្រាប់ Sabay ថា ទីផ្សារសិល្បៈទើបចាប់ផ្ដើមងើបឡើងវិញបន្តិចនៅដើមឆ្នាំ២០២១ នេះ បានផ្ដល់ឱកាសច្រើនដល់លោកក្នុងការរកចំណូល ហើយលោកក៏មិនទាន់គិតគូរអ្វីច្រើនរឿងរៀបការដែរ៖"ប្រហែល៥ឆ្នាំទៀតបានគិតគូររឿងរៀបការ យើងមនុស្សប្រុសអាយុ៣៣ឆ្នាំមានអីចាស់បង សំខាន់យើងមានគ្រប់យ៉ាងអាចចិញ្ចឹមគេរស់"។
ទោះជាយ៉ាងណា ប្រុសខួច មិនបានបង្ហើបថា សុភាពនារីដែលលោកកំពុងសម្លឹងនោះ ស្ថិតនៅក្នុងចង្កោមសិល្បៈដូចគ្នា ឬអ្នករកស៊ីនោះទេ។ រីឯទំនាក់ទំនងស៊ីជម្រៅកម្រិតណារវាងរូបលោក និងនារីរូប ក៏គេនៅមិនទាន់ដឹងដែរ។ ប៉ុន្តែលោកថា ក្ដីស្នេហារបស់លោកអាចនឹងលេចចេញជាសាធារណៈ លុះណាតែគោលបំណងទាំងពីររបស់លោក គឺទី១ មានលុយក្នុងដៃច្រើនសិន និងទី២ មានជំនួញយ៉ាងហោចមួយនោះ បានសម្រេច១០០% តែគិតមកដល់ពេលនេះទើបសម្រេចបានតែ៦០% ប៉ុណ្ណោះ៕
