តែ ស៊ុនសុដាលីកា បាក់ទឹកចិត្តខ្លាំងក្រោយដឹងថាមិនអាចរាំបានទៀត

2021-02-15 01:01:00
ព័ត៌មាន

2021-02-15 01:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវតីដ៏ស្រស់ស្អាត តែ ស៊ុនសុដាលីកា បានប្រាប់ឲ្យដឹងថា នាងបាក់ទឹកចិត្តខ្លាំងណាស់ ក្រោយពីដឹងថា ខ្លួនបានបាត់ឱកាសក្នុងរាំ K-Pop អាជីពដែលនាងស្រឡាញ់បំផុតតាំងពីក្មេងៗមក។

ដូចដែលមហាជនបានដឹងហើយថាកាលពីខែ៥ឆ្នាំ២០២០កន្លងទៅ អតីតសមាជិកក្រុមរាំ OMG កញ្ញា តែ ស៊ុនដាលីកា (លីកា) បានជួបគ្រោះថ្នាក់ចរាចរណ៍គួរឱ្យតកស្លុតក្នុងពេលដំណើរកម្សាន្ដទៅលេងកំ ពង់សោម ដែលជាហេតុធ្វើឱ្យ លីកា បាត់មុខពីវិស័យរាំ និងធ្វើឱ្យអ្នកគាំទ្រព្រួយបារម្ភយ៉ាងខ្លាំងចំពោះ ស្ថានភាពនាងពេលនោះ។

យ៉ាងណាមិញបន្ទាប់ពីព្យាបាលវះកាត់ និងសម្រាកព្យាបាលអស់រយៈជាយូរ បច្ចុប្បន្ន លីកា បានជាសះ ស្បើយ៨០%ហើយ ប៉ុន្តែស្ថានភាពនេះ មិនគ្រប់គ្រាន់ឲ្យនាងត្រឡប់ទៅកាន់អាជីពរាំ Kpop បានឡើយ។ លីកា បានឲ្យដឹងថា ស្ថានភាពរបស់នាង គឺមិនទាន់ដើរបានស្រួល និងមិនទាន់អាចបត់បែនបានល្អនោះទេ។

ក្រៅពីនេះ ឆ្អឹងខ្នងដែលបានវះកាត់ដាក់ដែកនោះ គឺត្រូវដាក់អស់មួយជីវិតថែមទៀត ដូច្នេះហើយ នាងគ្មានសង្ឃឹមថា អាចវិលត្រឡប់ទៅរាំបានវិញទេ។ ស្ថានភាពនេះ យុវតី ប្រាប់ថា នាងពិតជាបាក់ទឹកចិត្តខ្លាំងណាស់ នៅពេលដឹងពីរឿងនេះ។ ”ដំបូងឡើយ ខ្ញុំពិតជា សោកស្ដាយ និងពិបាកចិត្តយ៉ាងខ្លាំង នឹងស្ទើរតែមិនអាចទទួលយកបាន ព្រោះថាខ្ញុំលែងបានរាំ ព្រោះខ្ញុំចូលវា ចូលចិត្តរាំតាំងពីក្មេងហើយរាំក៏ជាក្ដីស្រមៃរបស់ខ្ញុំតាំងពីតូចដែរ”។

ទោះយ៉ាងណា នាងក៏មិនអាចកែខៃអ្វីឲ្យប្រសើរជាងនេះដែរ ដូច្នេះហើយ មានតែខំធ្វើចិត្តទទួលយករឿងនេះ ហើយបន្តិចម្ដងៗរហូតមកទល់បច្ចុប្បន្ន លីកា ប្រាប់ថា ហាក់ស្រស់ថ្លាឡើងវិញ បន្ទាប់ពីមានការលើកទឹកចិត្តពីអ្នកជុំវិញខ្លួន ជាពិសេសអ្នកមានគុណទាំងពីរ៕

អត្ថបទ៖ Pav Sreypich