មិនមែនលំៗទេ! ទូច ស្រីលក្ខណ៍ ដាក់បម្រាមដ៏តឹងរ៉ឹងចំនួន៧ចំណុច មុនបើកក្លឹប

2021-02-15 02:43:23
ព័ត៌មាន

2021-02-15 02:43:23
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងដើរម៉ូត ទូច ស្រីលក្ខណ៍ ទើបប្រាប់គេឯងថានាងបានឡើងតុលាការលែងលះជាមួយស្វាមីដែលជាជនបរទេសកាលពីចុងឆ្នាំ២០២០ ហើយនាងប្ដេជ្ញាថានឹងរឹងមាំ និងទទួលយកភាពជោគជ័យថ្មីឲ្យតែមានកូនប្រុសម្នាក់នៅក្បែរខ្លួនមិនចាំបាច់មានស្វាមីទៀតឡើយ។

ស្រាប់តែពេលនេះ ទូច ស្រីលក្ខណ៍ បង្ហាញលទ្ធភាពថ្មីមួយរបស់ខ្លួន នោះគឺការត្រៀមបើកក្លឹបហាត់ប្រាណមួយ។ នាងប្រកាសតាមបណ្ដាញសង្គមFacebook កាលពីថ្ងៃទី១៣ ខែកុម្ភៈ ថា បម្រាមចំនួន៧ចំណុច នឹងត្រូវចំពោះអ្នកដែលមានបំណងចូលហាត់ក្នុងក្លឹបរបស់នាង។

បម្រាមទី១ ហាមមកហាត់គ្រាន់តែថតរូប និង live។

ទី២ ម៉េាងហាត់សូមមេត្តាយកចិត្តទុកដាក់

ទី៣ មិនទទួលអ្នកហាត់គ្រាន់តែមកបញ្ចេញសុដន់ ហេីយមកធ្វេីអេាយខូចឈ្មេាះក្លឹប

ទី៤ អ្នកមានគ្រួសារហេីយសូមមកហាត់ដេាយភាពច្បាស់លាស់កុំភ្លឺតភ្លឹនធ្វេីអេាយភ្លេចភ្លាំងភ្លេចថាខ្លួនមានកូនហេីយនឹងប្តី ជាពិសេសមនុស្សប្រុសកុំរញ៉េរញ៉ៃបេីដឹងថាខ្លួនមានប្រពន្ធកូនហេីយ

ទី៥ រាល់អ្នកធ្វេីការក្នុងក្លឹបហាត់ប្រាណត្រូវមានសុជីវធម៌ និងភាពទទួលខុសត្រូវ

ទី៦ តំលៃដែលថ្លៃ គឺឋិតនៅលេីកទង្វេីរ សកម្មភាព និងចរិករបស់មនុស្សម្នាក់ៗ ក្រខ្សែរភ្នែកវាគឺជាការមេីលឃេីញតាមរយៈនៃការសំលឹងរបស់មនុស្សម្នាក់ៗ វាបញ្ជាក់តាមរយៈក្រខ្សែរភ្នែក។

ទី៧ កន្លែងខ្ញុំមិនស្វារគមន៍ចំពេាះបុគ្គលណាដែរមានគូរហេីយ ឬគ្រួសារហេីយមកទុកកន្លែងខ្ញុំសំរាប់តែញ៉ែគ្នាសេីចរញ៉េរញៃដេីម្បីយកលេសពីគ្រួសារមកហាត់នេាះទេ វាធ្វេីអេាយខូចឈ្មេាះទីកន្លែងក្លឹបហាត់របស់ខ្ញុំ។

តារាសម្ដែងរូបនេះ មិនបានបញ្ជាក់ទំហំទឹកប្រាក់ដែលនាងចំណាយលើការបើកក្លឹបនេះទេ ហើយបើកជាផ្លូវការ និងមានទីទាំងនៅម្ដុំណាក៏មិនទាន់បញ្ជាក់ដែរ។ ប៉ុន្តែអ្នកមានបំណងចូលហាត់ក្នុងក្លឹបរបស់នាងត្រូវនូវបម្រាមទាំង៧ចំណុចនេះសិន ព្រោះនាងចង់បានតែអ្នកហាត់ប្រាណច្បាស់លាស់៕

អត្ថបទ៖ ជិន សុភ័ក្ដ្រ