- 2021-02-23 02:58:47
- ព័ត៌មាន
ភ្ញាក់ពីដំណេកភ្លាម តារាស្រីវ័យក្មេងបីដួងនេះ និយាយរឿងកូវីដ-១៩
- 2021-02-23 02:58:47
- ចំនួនមតិ 0 | ចំនួនចែករំលែក 0
ភ្ញាក់ពីដំណេកភ្លាម តារាស្រីវ័យក្មេងបីដួងនេះ និយាយរឿងកូវីដ-១៩
ចន្លោះមិនឃើញ
រលកទី២ នៃការផ្ទុះជំងឺកូវីដ-១៩ ក្នុងសហគមន៍កាលពីថ្ងៃទី២០ ខែកុម្ភៈ បានធ្វើឲ្យពលរដ្ឋខ្មែរស្ទើរគ្រប់គ្នាព្រួយបារម្ភ ជាពិសេសអ្នករស់នៅរាជធានីភ្នំពេញ។ បញ្ហានេះក៏បានធ្វើឲ្យសិល្បករ-សិល្បការិនីខ្មែរ កើតក្ដីបារម្ភខ្លាំងជាថ្មីទៀតដែរ ដោយអ្នកខ្លះផ្អាកចេញក្រៅផ្ទះ ហើយអនុវត្តយ៉ាងតឹងរ៉ឹងនូវវិធានការសុវត្ថិភាពតាមក្រសួងសុខាភិបាល។
នៅព្រឹកថ្ងៃទី២៣ ខែកុម្ភៈ គ្រាន់តែភ្ញាក់ពីដំណេកភ្លាម មានតារាស្រីវ័យក្មេង៣ដួង បាននិយាយពីបញ្ហាជំងឺកូវីដ-១៩ តាមបណ្ដាញសង្គមInstagram។ តារាស្រីទាំង៣ដួងនោះ រួមមាន៖ តារាចម្រៀង រ៉េត ស៊ូហ្សាណា តារាចម្រៀង ឈិន រតនៈ និងតារាសម្ដែងសុខ សោម៉ាវតី។
កញ្ញា រ៉េត ស៊ូហ្សាណា និយាយថា៖"ជំងឺ COVID-19 បានរាលដាលទៀតហើយ សូមបងប្អូនពាក់់ម៉ាស់ HeathFirst PP ដែលមានឡូគូអក្សរA ដើម្បីការពារអ្នក99% ពីCOVID 19... រក្សាគំលាត និងមានអនាម័យ”។
ស្រដៀងគ្នានេះ តារាចម្រៀងស្រីវ័យក្មេង សម្រស់បាន ឈិន រតន បានពោលដោយក្ដីបារម្ភថា៖"រក្សាសុខភាពផងណាមនុស្សជាទីស្រឡាញ់ទាំងអស់គ្នា"។
ចំណែកតារាសម្ដែង សុខ សោម៉ាវតី វិញ ក្រោកពីដំណេកភ្លាមនិយាយថា៖"COVID-19 មិនទាន់ទៅណាឆ្ងាយទេ សូមបងប្អូនបន្តថែរក្សាអនាម័យ រក្សាគំលាត បន្តពាក់ម៉ាស់ពេលចេញក្រៅ ការពារខ្លួនអ្នកនិងគ្រួសារអ្នករួមជៀសឆ្ងាយពីជំងឺកាចសាហាវនេះ"។
ចាប់តាំងពីការផ្ទុះជំងឺកូវីដ-១៩ ដំបូងនៅដើមឆ្នាំ២០២០ សិល្បករ-សិល្បការិនីខ្មែរ បានក្លាយជាផ្នែកមួយជួយរាជរដ្ឋាភិបាលក្នុងការបង្ការ ទប់ស្កាត់ជំងឺផ្លូវដង្ហើមដ៏គ្រោះថ្នាក់នេះជាហូរហែតាមរយៈការបរិច្ចាគថវិកាផ្ទាល់ខ្លួន និងសកម្មភាពចូលរួមអប់រំ ផ្សព្វផ្សាយស្ដីពីវិធានការផ្សេងៗរបស់ក្រសួងសុខាភិបាលដល់មហាជន ជាពិសេសអ្នកគាំទ្ររបស់ខ្លួន។ សកម្មភាពអប់រំ និងផ្សព្វផ្សាយតាមបណ្ដាញសង្គមរបស់អ្នកសិល្បៈទៅកាន់អ្នកគាំទ្រនេះ នៅតែបន្តធ្វើ៕
