នៅព្រឹកថ្ងៃទី២៣នេះ មហាជនមានការភ្ញាក់ផ្អើលជាខ្លាំងក្នុងបណ្ដាញសង្គមដែលតារាចម្រៀង លី អ៊ីវ៉ា ធីណា បានបើកបង្ហាញមុខមាត់កូនប្រុសទ្រលុកទ្រលន់គួរឱ្យក្នាញ់ម្នាក់ក្រោយ ពីបាត់មុខពីសិល្បៈអស់ រយៈ៣ឆ្នាំ។

បើទោះជាមានការជជែកវែកញែក សង្ស័យពីសំណាកមហាជនថាតារាស្រីរូបនេះពិតជាមានកូនពិតមែន ឬយ៉ាងណានោះ គឺត្រូវបានដឹងច្បាស់ហើយពីមាត់សមីខ្លួនផ្ទាល់។ មិនឱ្យមហាជនសង្ស័យច្រើន លី អ៊ីវ៉ា ធីណា បានបកស្រាយមកកាន់ Sabay រឿងកូនតូចដែលនាងបានបង្ហោះលើបណ្ដាញសង្គម ថែមទាំង ហៅកូនពេញៗមាត់ថា” ទេអូន ការពិតទៅអូនតូចដែលបងបានបង្ហោះនោះមិនមែន​ជាកូនបងទេ បង​មិនទាន់ រៀបការផង(សើច)។ កូនហ្នឹងជាកូនអ្នកនៅក្បែរហាងរបស់បង​ទេ ហើយខ្ញុំស្រលាញ់ ក្នាញ់ពេកក៏ចាប់ យកមកថតហើយនិយាយលេងបែបនេះទៅ”។

វិល​មក​រឿង​ផ្ទាល់​ខ្លួន​វញ តារាស្រីរូបនេះក៏បានបញ្ជាក់ថា នាងមិនទាន់គិតរឿងគូស្រករអីទេ ព្រោះបច្ចុប្បន្នតារាស្រីរូបនេះ មមាញឹកខ្លាំងណាស់លើមុខជំនួញទាំងពីរ ហើយការងារសិល្បៈវិញ ក៏រវល់មិនចាញ់គ្នាប៉ុន្មានដែរ៕