រឿងពិតទាំង ១០ នេះនឹងឲ្យអ្នកស្គាល់ Selena Gomez កាន់តែច្បាស់ថាជីវិតនាងយ៉ាងណា

2021-02-23 07:14:28
ព័ត៌មាន

2021-02-23 07:14:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បង្ហាញមុខជាច្រើនឆ្នាំលើវិថីសិល្បៈ Selena Gomez តែងផ្សាភ្ជាប់ទំនាក់ទំនងជាមួយនឹងអ្នកគាំទ្រ តាមរយៈការចេញស្នាដៃបទចម្រៀងថ្មី បង្ហាញមុខក្នុងកម្មវិធីផ្សេងៗ ក៏ដូចជាវត្តមានលើបណ្ដាញសង្គមជាដើម។

នាងគឺជាតារាចម្រៀងដែលបានជួបប្រទះព្យុះភ្លៀងជីវិតច្រើនរាប់មិនអស់ក្នុងយុវភាព ប៉ុន្តែរឿងរ៉ាវទាំងនោះហើយបានបង្រៀននាង ឲ្យក្លាយជានារីរឹងមាំ និងជាទីពំនាក់របស់មនុស្សជាច្រើននាក់ផ្សេងទៀតដែលមានទុក្ខលំបាកក្នុងជីវិត។

ដោយឡែកថ្ងៃនេះ សូមនាំប្រិយមិត្តមកស្គាល់ពី Selena Gomez កាន់តែច្បាស់បន្ថែម ទាក់ទងនឹងទម្លាប់រស់នៅ អ្វីដែលជាចំណូលចិត្ត និងគ្រប់យ៉ាងដែលជានាង៖

**១. Selena Gomez មានឈ្មោះពេញ Selena Marie Gomez កើតនៅថ្ងៃទី ២២ ខែកក្កដា ឆ្នាំ១៩៩២ រដ្ឋ Texas សហរដ្ឋអាមេរិក។

ឪពុករបស់នាងមានឈ្មោះ Ricardo Joel Gomez និងម្ដាយឈ្មោះ Mandy Teefey ដែលគ្រប់គ្នាស្គាល់ច្បាស់ជាតារាសម្ដែង Amanda Dawn Cornett។ នៅពេលនាងមានអាយុ ៥ឆ្នាំ ឪពុកម្ដាយនាងបានលែងលះគ្នា ហើយនាងត្រូវនៅជាមួយម្ដាយពីពេលនោះមក។ Selena មានប្អូនស្រីចុង ២នាក់ ១ជាកូនរបស់ម្ដាយ ជាមួយឪពុកចុង និង១ទៀតជាកូនរបស់ឪពុកជាមួយម្ដាយចុង។

២. Selena ដឹងក្ដីឡើងក្នុងទីក្រុង Los Angeles ជាទីដែលនាងជួបប្រទះជីវិតជូរចត់ខ្លាំងកាលពីកុមារភាព។ នាងធ្លាប់និយាយថា វាពិតជាពេលដែលគួរឲ្យខ្លាច ហើយមានរឿងច្រើនណាស់ដែលម្ដាយរបស់នាងមិននិយាយចេញអស់ ព្រោះគាត់មានរឿងច្រើនណាស់។

៣. អាយុបាន ៧ឆ្នាំ នាងបានបង្ហាញមុខក្នុងកម្មវិធីទូរទស្សន៍ «Barney and Friends»។

៤. រាល់រូបភាពដែល Selena បង្ហោះ Promote ពីផលិតផលអ្វីមួយ នាងស៊ីថ្លៃក្នុង ១ Post មានតម្លៃ ៥៥០ ០០០ដុល្លារ។

៥. នាងបានទទួលស្នាមថើបដំបូង នៅពេលមានអាយុ ១២ឆ្នាំ។

៦. និយាយពីទម្លាប់ញ៉ាំវិញ នាងឧស្សាហ៍ញ៉ាំផ្លែក្រូច ទាំងផ្លែៗ ហើយចូលចិត្តផឹកប្រេងអូលីវ ព្រោះវាជួយការពារ និងធ្វើឲ្យសំឡេងស្រឡះល្អ។

៧. នាងចូលចិត្តញ៉ាំ McDonald ខ្លាំងបំផុត។

៨. ជារៀងរាល់ព្រឹក ពេលងើបពីដេក Selena តែងញ៉ាំខ្ចី ១ដុំជានិច្ច ព្រោះវាមានប្រយោជន៍ ដោយជួយកម្ចាត់កាកសំណលមិនល្អក្នុងខ្លួន។

៩. ប្រសិននាងចេះវេទមន្ត នាងចង់ឲ្យខ្លួនចេះជប់ឲ្យមានម្ហូប បង្ហាញនៅចំពីមុខ គ្រប់ពេលដែលនាងឃ្លាន។

១០. តារាក្នុងដួងចិត្តរបស់ Selena គឺ Britney Spears ហើយ Britney គឺជាកម្លាំងចិត្តធំ ដែលបណ្ដាលចិត្ត Selena ក្លាហានចូលសម្ដែងជាលើកដំបូងក្នុងភាពយន្តរបស់ Disney៕