- 2021-03-01 08:59:58
- ព័ត៌មាន
តាមប្រភពមួយ តាមពិត ទេព រិនដារ៉ូ ជាប់សែស្រឡាយអ្នកខេត្តព្រះត្រពាំង-កម្ពុជាក្រោម
- 2021-03-01 08:59:58
- ចំនួនមតិ 0 | ចំនួនចែករំលែក 0
តាមប្រភពមួយ តាមពិត ទេព រិនដារ៉ូ ជាប់សែស្រឡាយអ្នកខេត្តព្រះត្រពាំង-កម្ពុជាក្រោម
ចន្លោះមិនឃើញ
តារាសម្ដែងជើងចាស់ដែលប្រឡូកក្នុងវិស័យសិល្បៈជាងបីទសវត្ស គឺលោក ទេព រិនដារ៉ូ បានស្រាយចម្ងល់មហាជននៅថ្ងៃនេះ បន្ទាប់ពីខ្មែរក្រោមម្នាក់អះអាងថាបានជួបលោកទេព រិនដារ៉ូ ដោយចៃដន្យ ហើយថែមទាំងពោលថា"មិននឹកស្មានថាគាត់(ទេព រិនដារ៉ូ) មានពូជពង្សអ្នកព្រះត្រពាំងដែរ"។
លោក ទេព រិនដារ៉ូ បានស្រាយចម្ងល់នេះតាមរយៈSabay ក្នុងឱកាសដែលលោកចូលរួមក្នុងពិធីក្រុងពាលីថតរឿងភាគ"មរណមាតា"កាលពីពេលថ្មីៗថា ជីដូនរបស់លោកធ្លាប់តំណាលថាតាទេព ដែលត្រូវជាតារបស់លោកបី ឬបួនជំនាន់មកហើយនោះ បានកើត និងរស់នៅលើទឹកដីកម្ពុជាក្រោមក្នុងខេត្តព្រះត្រពាំងមែន។ ប៉ុន្តែលោកមិនដែលស្គាល់មុខតាទេព និងមានសាច់ញាតិណាម្នាក់កំពុងរស់នៅខេត្តព្រះត្រពាំង នៃទឹកដីវៀតណាមកាន់កាប់បច្ចុប្បន្ននេះដែរ។
ទេព រិនដារ៉ូ៖"ត្រកូលទេព របស់ខ្ញុំហ្នឹងមិនដឹងជាយកតាំងពីពេលណាមកទេ...មិនដូចយើងឥឡូវយកត្រឹមឈ្មោះជីតាខាងឪពុកមកដាក់ទេ។ គ្រាន់តែដឹងពីជីដូនប្រាប់ថា មានខ្សែតាទេពហ្នឹង គាត់ជាអ្នកព្រះត្រពាំង តែយើងមិនដែលស្គាល់មុខគាត់ទៅទៀត"។
លោក មេធាវី ស៊ឺន ជុំជួន ដែលមានកំណើតកើតជានៅខេត្តព្រះត្រពាំង ប្រទេសវៀតណាម ធ្លាប់បង្ហោះរូបថតលោកជាមួយតារាសម្ដែងជើងចាស់ ទេព រិនដារ៉ូ តាមបណ្ដាញសង្គមFacebookដោយភ្ជាប់ជាមួយនឹងពាក្យថា"ជួបដោយចៃដន្យបងប្រុស សិល្បករឆ្នើមនៅតែមានប្រជាប្រិយភាព។ មិននឹកស្មានថាគាត់មានពូជពង្សអ្នកព្រះត្រពាំងដែរ"។
បើតាមលោកទេព រិនដារ៉ូ។ លោក គឺជាអ្នកស្រុកសង្កែ ខេត្តបាត់ដំបង កើតនៅឆ្នាំ១៩៦៣ ក្នុងគ្រួសារដែលមានជីវភាពមធ្យមមួយ ដោយឪពុកធ្វើជាគ្រូបង្រៀន និងម្ដាយជាគ្រូពេទ្យ។ អ្នកទាំងពីរបានស្លាប់ក្នុងសម័យប៉ុលពត ដោយបន្សល់ទុកនូវកូនស្រីពីរនាក់ និងរូបលោកដែលជាកូនច្បងក្នុងគ្រួសារ។ បច្ចុប្បន្នរូបលោកពុំមានសេសសល់សាច់ញាតិច្រើនក្រៅពីប្អូនស្រីម្នាក់ និងក្មួយដែលម្ដាយស្លាប់ចោលហើយមករស់នៅក្នុងបន្ទុកជាមួយលោកប៉ុន្មាននាក់នោះទេ៕
