- 2021-03-09 02:34:10
- ព័ត៌មាន
អ្នកនាង ចាន់ កែវនិមល សុំការអភ័យទោស និងកុំរើសអើងនាង និងគ្រួសារ ក្រោយភ្លាត់ឆ្លងកូវីត១៩
- 2021-03-09 02:34:10
- ចំនួនមតិ 0 | ចំនួនចែករំលែក 0
អ្នកនាង ចាន់ កែវនិមល សុំការអភ័យទោស និងកុំរើសអើងនាង និងគ្រួសារ ក្រោយភ្លាត់ឆ្លងកូវីត១៩
ចន្លោះមិនឃើញ
តាមរយៈលោក មាស រិទ្ធី អគ្គនាយករងទូរទស្សន៍ហង្សមាសនៅព្រឹកនេះ ពិធីការិនីទូរទស្សន៍ ចាន់ កែវនិមល បានស្នើសុំការអភ័យទោសពីសាធារណជនសុំការអភ័យទោស និងកុំរើសអើងនាង និងគ្រួសារដែលភ្លាត់ឆ្លងមេរោគកូវីត១៩។
លោក មាស រិទ្ធី ដែលបានជួបផ្ទាល់ជាមួយពិធីការិនីទូរទស្សន៍ល្បីឈ្មោះ បានឲ្យដឹងនៅព្រឹកនេះថា និមល បានប្រាប់លោកថា តាមពិតគឺនាង ប្រយ័ត្នប្រយែងខ្លាំងណាស់ក្នុងការបញ្ជៀសខ្លួនពីជំងឺដ៏សាហាវនេះ។ ប៉ុន្តែរឿងនេះបានកើតឡើងលើនាង និងគ្រួសារ ក្រោយពីនាងបានចូលខ្លួនទៅថតស្ប៉តពាណិជ្ជកម្មមួយដឹកនាំដោយលោក អ៊ិន ទីតូ ហើយក៏បានឆ្លងពីអ្នកដឹកនាំរូបនេះ ដោយមិនដឹងខ្លួន។
លោក បញ្ជាក់ថា តាមពិតស្ប៉តពាណិជ្ជកម្មដែល កែវ ច័ន្ទនិមល ថតនោះ គឺជាស្ប៉តអប់រំប្រជាពលរដ្ឋពីការការពារខ្លួនពីមេរោគកូវីត១៩ នេះតែម្ដង។ តែមិននឹកស្មានថា នាងជាសិល្បករដែលទៅថតអប់រំគេ ស្រាប់តែភ្លាត់ឆ្លងខ្លួនឯង។ ដូច្នេះ ត្រង់ចំណុចនេះហើយ ដែលនាងមានអារម្មណ៍ថា ខ្មាស់អៀន និងស្នើសុំការអភ័យទោស ព្រោះវាបានកើតឡើង ដោយមិនដឹងខ្លួន។
តាមព័ត៌មាន ចាន់ កែវនិមល បានឆ្លងពីលោក អ៊ិន ទីតូ ដែលជាអ្នកដឹកនាំថតស្ប៉តអប់រំពីជំងឺកូវីត១៩នោះ ហើយលោក ទីតូ ខ្លួនឯងត្រូវបានគេសង្ស័យថា បានឆ្លងពីមន្ត្រីប៉ូលីស ក្រោយពីលោកបានទៅចូលរួមពិសាអាហារជួបជុំជាមួយក្រុមមន្ត្រីប៉ូលីសកាលពីពេលកន្លងមក។
