- 2021-03-18 09:58:08
- ព័ត៌មាន
មិនបាច់ឲ្យឆ្ងល់ទៀត បញ្ញា សិទ្ធិ ប្រាប់ទាំងអស់អាការដំបូងរបស់កូវីដ១៩ កើតលើលោកផ្ទាល់
- 2021-03-18 09:58:08
- ចំនួនមតិ 0 | ចំនួនចែករំលែក 0
មិនបាច់ឲ្យឆ្ងល់ទៀត បញ្ញា សិទ្ធិ ប្រាប់ទាំងអស់អាការដំបូងរបស់កូវីដ១៩ កើតលើលោកផ្ទាល់
ចន្លោះមិនឃើញ
លោក បញ្ញា សិទ្ធិ បានភ្លាត់ក្លាយជាជនរងគ្រោះម្នាក់ទៀតក្នុងចំណោមសិល្បករខ្មែរជាច្រើនរបស់ជំងឺកូវីដ១៩ ដោយលោកត្រូវបានរកឃើញវិជ្ជមានកាលពីថ្ងៃទី ១៧ មីនា កន្លងទៅ ហើយនៅថ្ងៃនេះលោកបានចេញមកបញ្ជាក់ពីអាការ និងស្ថានភាពរបស់លោកក្រោយសម្រាកព្យាបាលបាន២ថ្ងៃ។
ដូចនឹងការអះអាងរបស់រៀមច្បង ណុប បាយ៉ារិទ្ធិ ដែលបានចេញមកនិយាយទាំងទឹកភ្នែកថ្មីៗនេះ លោក បញ្ញា សិទ្ធិ បានបង្ហើបថា លោកពិតជាពិបាកក្នុងខ្លួនខ្លាំងណាស់ ក្នុងវេលាទប់ទល់ និងព្យាបាលមេរោគសាហាវ២ថ្ងៃមកនេះ។ ដូច្នេះហើយ ទើបលោកចេញមុខនាពេលនេះ ជំរុញឲ្យមិត្តភ័ក្តិសិល្បករ និងបងប្អូនប្រជាពលរដ្ឋខ្មែរទាំងអស់ យកចិត្តទុកដាក់ការពារខ្លួន កុំឲ្យធ្លាក់ខ្លួនឆ្លងដូចលោក។
“ឃើញតែគេផុសថា កូវីដវាអីចេះអីចុះ តែមិននឹកស្មានថា ខ្ញុំខ្លួនឯងធ្លាក់ខ្លួនជាជំងឺកូវីដអីចឹងសោះ...តាំងពីកើតជំងឺនេះមក ខ្ញុំគិតច្រើន ភ័យខ្លាច...ខ្លាចបំផុតគឺខ្លាចឆ្លងទៅប៉ាម៉ាក់ខ្ញុំគាត់សុទ្ធតែចាស់ៗអស់ហើយ ខ្ញុំក្មេងផង នៅទប់វាមិនចង់ជាប់ ទម្រាំគាត់ចាស់ៗ...អីចឹងហើយ អ្វីដែលខ្ញុំផ្ដាំផ្ញើបំផុត គឺត្រូវប្រុងប្រយ័ត្ន និងការពារខ្លួនឲ្យជាប់លាប់ សំខាន់បំផុត គឺម៉ាស់ កុំប្រហែស តែ១នាទីទេ អាចនឹងមានវិប្បដិសារីដូចខ្ញុំអីចឹង!”។
លោក បញ្ញា សិទ្ធិ ត្រូវបានរកឃើញវិជ្ជមានកូវីដ១៩កាលពីថ្ងៃទី១៧ មីនា។ មុនពេលរកឃើញ តារាប្រុសប្រាប់ថា លោកមានអាការមួយចំនួនដូចនឹងជំងឺផ្ដាសាយ ពោលគឺដំបូងឡើយ លោកស្ងួតក និងចេះតែស្រេកទឹក។ អាការផ្សេងទៀត គឺលោកឈឺក្បាលងំ តែមិនឈឺខ្លាំងទេ។ ស្ថានភាពបែបនេះ លោកក៏ទៅធ្វើតេស្តរកមេរោគកូវីដ១៩ ហើយលទ្ធផលចេញមកលោកពិតជាមានវាមែន។
មកដល់បច្ចុប្បន្ន បញ្ញា សិទ្ធិ ប្រាប់ថា លោកមានអាការអស់កម្លាំង ដោយសារតែរាគ(១ថ្ងៃ ៤-៥ដង) និងឈឺក្បាលតិចៗ។ ស្ថានភាពនេះកើតឡើងជាប្រក្រតីនៅពេលថ្ងៃ ប៉ុន្តែពេលយប់ធ្វើទុក្ខខ្លាំង។ លោក ថ្លែងថា "ពេលថ្ងៃ អត់សូវអីទេ វាធ្វើទុក្ខតែពេលយប់...ពេលយប់ជួនវាឡើងកំដៅខ្លាំង ៣៨-៣៩អង្សា ហើយរាគទៀត និយាយទៅគឺវាធ្វើទុក្ខពេលយប់ខ្លាំង!”។
ដូច្នេះហើយ តារាប្រុសនៅក្រឿនរំលឹកជាថ្មីថា សូមចូលរួមការពារ និងទប់ស្កាត់ ដោយការពាក់ម៉ាសឲ្យជាប់ និងលាងដៃនឹងអាល់កុល ឲ្យញឹក៕
