- 2021-03-24 08:27:36
- ព័ត៌មាន
ទៅពិនិត្យសុខភាព លទ្ធផលមិនទាន់ចេញផង តែ កុល ដាវី មានក្ដីសង្ឃឹមបែបនេះ
- 2021-03-24 08:27:36
- ចំនួនមតិ 0 | ចំនួនចែករំលែក 0
ទៅពិនិត្យសុខភាព លទ្ធផលមិនទាន់ចេញផង តែ កុល ដាវី មានក្ដីសង្ឃឹមបែបនេះ
ចន្លោះមិនឃើញ
តារាសម្ដែងស្រីវ័យជ្រេ កុល ដាវី បានទាញយកចំណាប់អារម្មណ៍អ្នកគាំទ្រ និងមហាជនកាន់តែច្រើន បន្ទាប់ពីនាងប្រកាសយកកូនឲ្យបាននៅឆ្នាំ២០២១ នេះ។ នៅរសៀលថ្ងៃទី២៤ ខែមីនា នេះ ដាវី បានចេញទៅពិនិត្យសុខភាព ក្នុងគោលបំណងចង់ដឹងពីស្ថានភាពសុខភាពរបស់ខ្លួនក្នុងដំណាក់កាលត្រៀមពពោះកូនដំបូង។
ក្នុងរយៈពេលចុងក្រោយនេះ កុល ដាវី បានបោះបង់ការងារសម្ដែង និងការងារក្រៅសិល្បៈស្ទើរទាំងស្រុង ដោយនាងប្រាប់គេឯងថា នាងកំពុងថ្នាក់ថ្នមខ្លួន ដោយទុកពេលទំនេរច្រើនសម្រាប់ថែទាំសុខភាព និងចង់មានពេលច្រើនកាន់តែច្រើនជាមួយស្វាមី។
តារាសម្ដែងរូបនេះបានបង្ហោះសារមួយតាមបណ្ដាញសង្គមFacebook ដោយមានភ្ជាប់នូវរូបថតដ៏ស្រស់ស្អាតរបស់នាងចំនួនពីរសន្លឹកថា៖"ទៅពិនិត្យសុខភាព...តាមយកកូនឲ្យបានសម្រេច"។
ចំពោះលទ្ធផល នៃការពិនិត្យមិនទាន់ត្រូវបាននាងបញ្ចេញនៅឡើយទេ។ ប៉ុន្តែកុល ដាវី ធ្លាប់ប្រាប់Sabay ថា អ្នកនាងកំពុងថ្នាក់ថ្នមខ្លួន និងអនុវត្តវិធានមួយចំនួនរបស់គ្រូពេទ្យដើម្បីត្រៀមពពោះកូនដំបូងនៅក្នុងឆ្នាំ២០២១ នេះ។ នាងថា បើទោះបីជាកូននោះប្រុស ឬស្រីក៏នាងនៅតែស្រឡាញ់ ព្រោះនេះជាក្ដីប្រាថ្នារបស់នាង និងលោកសុខ រក្សា ដែលជាស្វាមីរបស់នាង៕
