- 2021-03-26 05:20:24
- ព័ត៌មាន
ត្រេកអរជំនួស ថ្ងៃនេះ សុគន្ធ នីសា ជាសះស្បើយពីជំងឺកូវីដ-១៩ ហើយ តែនាងត្រូវអនុវត្ដដូចកញ្ញា វី ឌីណែត ដែរ
- 2021-03-26 05:20:24
- ចំនួនមតិ 0 | ចំនួនចែករំលែក 0
ត្រេកអរជំនួស ថ្ងៃនេះ សុគន្ធ នីសា ជាសះស្បើយពីជំងឺកូវីដ-១៩ ហើយ តែនាងត្រូវអនុវត្ដដូចកញ្ញា វី ឌីណែត ដែរ
ចន្លោះមិនឃើញ
តារាចម្រៀងស្រីរបស់ផលិតកម្មរស្មីហង្សមាសម្នាក់ទៀតហើយដែលបានជាសះស្បើយពីជំងឺកូវីដ-១៩ គឺអ្នកនាង សុគន្ធ នីសា។ សុគន្ធ នីសា មានការណែនាំស្រដៀងគ្នានឹងកញ្ញា វី ឌីណែត ដែលទើបតែជាសះស្បើយពីជំងឺនេះដែរ ពោលគឺនាងត្រូវបន្តធ្វើចត្ដាឡីស័កបន្ថែមចំនួន១៤ថ្ងៃទៀត។
តារាចម្រៀងរូបនេះមិនបានបញ្ជាក់ថា ក្នុងរយៈពេល១៤ថ្ងៃនេះ នឹងត្រូវដាក់ខ្លួនឯងឲ្យនៅដាច់ដោយឡែកពីគ្រួសារនៅសណ្ឋាគារសុខាភ្នំពេញ ឬទីតាំងណាផ្សេងទៀតនោះទេ ដោយនាងគ្រាន់តែប្រាប់យ៉ាងខ្លីតាមបណ្ដាញសង្គមFaceboo នៅមុននេះបន្ដិចថា៖"ថ្ងៃនេះខ្ញុំបាន ជាហេីយ គ្រូពេទ្យថាខ្ញុំអាចចេញទៅផ្ទះវិញបានថ្ងៃនេះហើយ តែក៏ត្រូវបន្តការ ឃុំខ្លួនអោយនៅដាច់ដោយឡែកក្នុងបន្ទប់តែឯងចំនួន 14 ថ្ងៃបន្ថែមទៀតដែរ ខ្ញុំនឹង គោរពតាមគោលការនេះ ដើម្បីសុវត្ថិភាព ក្រុមគ្រួសារខ្ញុំ"។
តារាចម្រៀងសុគន្ធ នីសា គឺជាមនុស្សទី២ បន្ទាប់ពីកញ្ញា វី ឌីណែត ដែលបានជាសះស្បើយពីជំងឺកូវីដ-១៩ ក្នុងចំណោមអ្នកសិល្បៈ និងបុគ្គលិករបស់ហង្សមាសដែលត្រូវបានគេរកឃើញថាវិជ្ជមានជំងឺកូវីដ-១៩ ហើយត្រូវបានគ្រូពេទ្យដឹកយកទៅសម្រាក និងព្យាបាលនៅសណ្ឋាគារ Great Duke ចាប់តាំងពីថ្ងៃទី១០ ខែមីនា ឆ្នាំ២០២១ មក៕