- 2021-04-09 02:08:21
- ព័ត៌មាន
រូបភាពទាំងនេះធ្វើឲ្យ ណុប បាយ៉ារិទ្ធ អួលដើមកនឹកឃើញរឿងទាំងអម្បាលមានកាលនៅព្យាបាលជំងឺកូវីដ
- 2021-04-09 02:08:21
- ចំនួនមតិ 0 | ចំនួនចែករំលែក 0
រូបភាពទាំងនេះធ្វើឲ្យ ណុប បាយ៉ារិទ្ធ អួលដើមកនឹកឃើញរឿងទាំងអម្បាលមានកាលនៅព្យាបាលជំងឺកូវីដ
ចន្លោះមិនឃើញ
តារាចម្រៀងប្រុសរបស់ផលិតកម្មរស្មីហង្សមាស ណុប បាយ៉ារិទ្ធ នៅតែដិតដាមរឿងអកុសល និងខ្លោចចិត្តជាច្រើនដោយនឹកស្រណោះកាលលោកសម្រាក និងព្យាបាលជំងឺកូវីដ-១៩ បើទោះបីជាពេលនេះលោកបានជាសះស្បើយទៅហើយក្ដី។
ល្ងាចមិញ លោក ណុប បាយ៉ារិទ្ធ បានបង្ហោះសារដ៏វែងអន្លាយមួយតាមបណ្ដាញសង្គមFacebook និងInstagram ដោយភ្ជាប់ជាមួយរូបថតក្រុមគ្រូពេទ្យពិនិត្យ និងព្យាបាលជំងឺកូវីដ-១៩ ស្ថិតនៅក្នុងស្ថានភាពក្រាញននៀលដើម្បីជួយសង្គ្រោះជីវិតអ្នកជំងឺជាច្រើនសន្លឹក។ លោកថា បើអាណិតពេទ្យ អាណិតគ្រួសារ សូមគិតពីការឆ្លង នៃមេរោគកូវីដ១៩ គ្មានបាលីការពារមេរោគកូវីដ១៩ ទេ។
ណុប បាយ៉ារិទ្ធ៖"ខ្ញុំឃើញរូបទាំងអស់នេះហើយ បានត្រឹមខ្លោចចិត្តគ្មានពាក្យអធិប្បាយទេ តែខ្ញុំសង្ឃឹមជឿជាក់ថា ក្រោយពីបងប្អូនបានឃើញរូបទាំងនេះហើយ បងប្អូនអាចសួរទៅបេះដូងខ្លួនឯងបាន"។
តារាចម្រៀងរូបនេះបន្ថែមថា បើយើងមិនអាចជួយអ្វីបានដល់ក្រុមគ្រូពេទ្យទាំងនេះទេ សូមកុំបន្ថែមបន្ទុកដល់ពួកគាត់ ដោយកាត់បន្ថយការចម្លងមេរោគកូវីដ-១៩ តាមរយៈអនុវត្តន៍វិធានការការពារខ្លួនឲ្យបានខ្ជាប់ខ្ជួន គឺ៣កុំ និង៣ការពារ។ លោកថា នេះជាគោលការណ៍ដែលយើងគ្រប់គ្នាត្រូវទន្ទេញ និងអនុវត្តឲ្យបានជាប់ជានិច្ច៕